ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:12 - ಕೊಡವ ಬೈಬಲ್

¹² ಅಂದತ ಒರ್ ದಿವಸತ್‍ಲ್ ಪ್ರಾರ್ಥನೆ ಮಾಡ್‌ವಕಾಯಿತ್ ಯೇಸು ಕುಂದ್‌ರ ಕೊಡಿಕ್ ಪೋಚಿ. ಅಲ್ಲಿ ಬೈಟೊಡಿ ಪ್ರಾರ್ಥನೆ ಮಾಡಿಯಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:12 ပူးပေါင်းရင်းမြစ်များ

ಮತ್ತಾಯ 5:1

ದುಂಬ ಜನಡ ಗುಂಪ್ ಬಂದಂಡಿಪ್ಪದ್‍ನ ಕಂಡಿತ್ ಯೇಸು, ಅಂವೊಂಡ ಶಿಷ್ಯಂಗಡ ಕೂಡೆ ಕುಂದ್‌ರ ಕೊಡಿಕ್ ಪೋಯಿತ್ ಅಳ್‌ತತ್. ಅಕ್ಕ ಅಂವೊಂಡ ಶಿಷ್ಯಂಗ ಅಂವೊ ಎಣ್ಣ್‌ವಾನ ಕ್‍ೕಪಕ್ ಅಂವೊಂಡ ಪಕ್ಕ ಬಾತ್.

ಮತ್ತಾಯ 6:6

ಆಚೇಂಗಿ ನಿಂಗ ಪ್ರಾರ್ಥನೆ ಮಾಡ್‌ವಕಾಪಕ ದಾರ್‌ಕು ಗೊತ್ತಿಲ್ಲತೆ ನಿಂಗಡ ಕೋಂಬರೇಕ್ ಪೋಯಿತ್, ಪಡಿ ಇಟ್ಟಂಡ್ ನಿಂಗಕ್ ಕಾಂಗತ ಅಪ್ಪನಾನ ದೇವನ ನೋಟಿತ್ ಪ್ರಾರ್ಥನೆ ಮಾಡಿ. ದಾರ್‌ಕು ಗೊತ್ತಿಲ್ಲತೆ ಮಾಡ್‌ವಾನೆಲ್ಲ ನೋಟುವ ನಿಂಗಡ ಅಪ್ಪ ನಿಂಗಕ್ ಫಲ ತಪ್ಪ.

ಮಾರ್ಕ 1:35

ಪಿತ್ಯಾಂದ್ ಬೊಳಿ ಬುಡ್‌ವಕ್ ಮಿಂಞಲೇ ಯೇಸು ಎದ್ದಿತ್, ದಾರೂ ಇಲ್ಲತ ಮಣಬೂಮಿಕ್ ಪೋಯಿತ್ ದೇವನ ಪ್ರಾರ್ಥನೆ ಮಾಡಿಯಂಡಿಂಜತ್.

ಮಾರ್ಕ 3:13

ಯೇಸು ಕುಂದ್‌ರ ಕೊಡಿಕ್ ಪೋಯಿತ್ ಅಂವೊಂಗ್ ಬೋಂಡಿಯಾನಯಿಂಗಳ ಕಾಕ್‍ಚಿ. ಅಯಿಂಗ ಅಂವೊಂಡ ಪಕ್ಕ ಬಾತ್.

ಮಾರ್ಕ 6:46

ಯೇಸು ಅಲ್ಲಿಯತ್‍ರ ಜನಕೆಲ್ಲ ದೇವ ನಿಂಗಕ್ ನಲ್ಲದ್ ಮಾಡಡ್‍ೕಂದ್ ಎಣ್ಣಿತ್, ದೇವಡ ಪಕ್ಕ ಪ್ರಾರ್ಥನೆ ಮಾಡ್‌ವಕ್ ಕುಂದ್‌ರ ಕೊಡಿಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:16

ಆಚೇಂಗಿಯು, ಯೇಸು ಅಕ್ಕಕ್ಕ, ಜನ ದಾರೂ ಇಲ್ಲತ ಜಾಗಕ್ ಪೋಯಿತ್ ಪ್ರಾರ್ಥನೆ ಮಾಡ್‌ವಯಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:11

ಅಯಿಂಗಕ್ ದುಂಬ ಚೆಡಿ ಬಾತ್. ಈ ಯೇಸುನ ನಂಗ ಎಂತ ಮಾಡನಾಂದ್ ಅಯಿಂಗಯಿಂಗಳೇ ಆಲೋಚನೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:17

ಪಿಂಞ ಅಯಿಂಗಡ ಕೂಡೆ ಯೇಸು ಕುಂದ್‌ರ ಕೊಡಿಯಿಂಜಿ ಅಡಿಕ್ ಬಂತ್ ಒರ್ ಸಮತಟ್ಟ್ ಜಾಗತ್‍ಲ್ ನಿಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:18

ಒರ್ ದಿವಸ ಯೇಸು ಒಬ್ಬನೇ ಪ್ರಾರ್ಥನೆ ಮಾಡಿಯಂಡಿಪ್ಪಕ, ಅಂವೊಂಡ ಶಿಷ್ಯಂಗ ಯೇಸುರ ಕೂಡೆ ಇಂಜತ್. ಯೇಸು: ನಾನ್ ದಾರ್‍ೕಂದ್ ಈ ಜನ ಎಣ್ಣುವ? ಎಣ್ಣಿಯಂಡ್ ಶಿಷ್ಯಂಗಳ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:28

ಈ ತಕ್ಕ್‌ನ ಎಣ್ಣಿ ಸುಮಾರ್ ಎಟ್ಟ್ ದಿನ ಕಯಿಂಜ ಪಿಂಞ ಪೇತ್ರ, ಯೋಹಾನ ಪಿಂಞ ಯಾಕೋಬನ ಯೇಸು ಕುಂದ್‌ರ ಕೊಡಿಕ್ ಪ್ರಾರ್ಥನೆ ಮಾಡ್‌ವಕ್ ಕಾಕಿಯಂಡ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:29

ಯೇಸು ಪ್ರಾರ್ಥನೆ ಮಾಡಿಯಂಡ್ ಇಪ್ಪಕ ಅಂವೊಂಡ ಮೂಡ್‌ರ ರೂಪ ಬದ್‍ಲಾಚಿ, ಅಂವೊ ಇಟ್ಟ ಬಟ್ಟೆ ಬೊಳ್‌ತಿತ್ ಮಿನ್ನುವಕ್ ಸುರು ಆಚಿ.

ಯೋಹಾನ 6:3

ಆಚೇಂಗಿ ಯೇಸು ಅಂವೊಂಡ ಶಿಷ್ಯಂಗಡ ಕೂಡೆ ಕುಂದ್‌ರ ಕೊಡಿಕ್ ಪೋಯಿತ್ ಅಳ್‌ತತ್.

ಕೊಲೊಸ್ಸೆ 4:2

ಎಡೆಬುಡತೆ ಪ್ರಾರ್ಥನೆ ಮಾಡಿಯಂಡ್ ಇರಿ, ಪ್ರಾರ್ಥನೆ ಮಾಡ್‌ವಕ, ದೇವನ ತುದಿಚಂಡ್ ಎಚ್ಚರತ್‍ಲ್ ಇರಿ.

ಇಬ್ರಿಯ 5:7

ಯೇಸು ಈ ಲೋಕತ್‍ಲ್ ಬದ್‍ಕಿಯಂಡಿಂಜ ಕಾಲತ್‍ಲ್, ಅಂವೊನ ಚಾವ್‍ಯಿಂಜ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನ ನೋಟಿತ್, ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ತಿತ್, ಕಣ್ಣೀರಿಟ್ಟಂಡ್, ಪ್ರಾರ್ಥನೆ ಮಾಡಿತ್, ಬೋಡಿಯಂಡಿಂಜತ್. ಅಂವೊಂಗ್ ಇಂಜ ದೇವಡ ಬಕ್ತಿರಗುಂಡ್ ಅಂವೊಂಡ ಪ್ರಾರ್ಥನೆ ದೇವಕ್ ಎತ್ತ್‌ಚಿ.