ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:6 - ಕೊಡವ ಬೈಬಲ್

⁶ ಅನ್ನನೆ ಅಯಿಂಗ ಬಲೆನ ಬೀಜ್‌ವಕ ಬಲೆ ಕೀತಿಪೋಪಚ್ಚಕ್ ದುಂಬ ಮೀನ್ ಬಲೇಕ್ ಬುದ್ದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:6 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:7

ಅಕ್ಕ, ಪಕ್ಕತ್ ದೋಣಿಲ್ ಇಂಜ ಕೂಟಾಳಿಯಂಗಕ್ ಸನ್ನೆ ಮಾಡಿತ್ ಸಹಾಯ ಮಾಡ್‌ವಕ್ ಕಾಕ್‍ಚಿ. ಅಯಿಂಗ ಎಲ್ಲಾರು ಬಂತ್ ದಂಡ್ ದೋಣಿ ಮುಳ್‌ಗ್‌ವನೆಕೆ ದುಂಬ ಮೀನ್‌ನ ದುಂಬ್‍ಚಿಟ್ಟತ್.

ಅಪೊಸ್ತಲ 2:41

ಅಂವೊಂಡ ತಕ್ಕ್‌ನ ಒತ್ತಂಡಯಿಂಗ ದೀಕ್ಷಾಸ್ನಾನ ಎಡ್‍ತಂಡತ್. ಆ ದಿವಸ ಸುಮಾರ್ ಮೂಂದಾಯಿರ ಜನ ಅಯಿಂಗಡ ಕೂಡೆ ಕೂಡಿಯಂಡತ್.

ಅಪೊಸ್ತಲ 4:4

ಆಚೇಂಗಿ, ಪೇತ್ರ ಪಿಂಞ ಯೋಹಾನಂಡ ವಾಕ್ಯತ್‍ನ ಕ್‍ೕಟ ದುಂಬ ಜನ ಅದ್‍ನ ನಂಬ್‍ಚಿ. ಆಣಾಳ್‍ವ ಮಾತ್ರ ಸುಮಾರ್ ಅಂಜಾಯಿರಚ್ಚಕ್ ಇಲ್ಲಿಕತ್ತನೆ ಆಚಿ.

1 ಕೊರಿಂಥ 15:58

ಆನಗುಂಡ್, ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ನಂಬಿಕೇಲ್ ದೃಡವಾಯಿತ್ ಇರಂಡು, ಏದ್ ಒರ್ ವಿಷಯವು ನಿಂಗಡ ನಂಬಿಕೇನೆ ಅನುಮಾನ ಪಡ್‍ತ್‍ವಕ್ಕಾಗ. ಒಡೆಯ ನಿಂಗಕ್ ಒಪ್ಪ್‌ಚಿಟ್ಟ ಕೆಲಸತ್‍ಲ್ ಮಿಂಞಕ್ ಪೋಪಯಿಂಗಳಾಯಿತ್ ಮಾಡಿಯಂಡಿರಿ. ನಿಂಗ ಮಾಡ್‌ವ ಒಡೆಯಂಡ ಕೆಲಸಕ್ ಫಲ ಇಲ್ಲತೆ ಪೋಪುಲೇಂದ್ ನಿಂಗಕ್ ಗೊತ್ತುಂಡುಲ್ಲ?

ಗಲಾತ್ಯ 6:9

ನಂಗ ನಲ್ಲದ್ ಮಾಡ್‌ವದ್‍ಲ್ ತಳ್ಂದ್ ಪೋಪಕ್ಕಾಗ; ನಂಗ ನಲ್ಲದ್ ಮಾಡ್‌ವದ್‍ಲ್ ತಳ್ಂದ್ ಪೋಕತೆ ಇಂಜತೇಂಗಿ, ತಕ್ಕ ಸಮಯತ್‍ಲ್ ನಂಗಕ್ ಫಲ ಕ್‍ಟ್ಟುವ.