ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:35 - ಕೊಡವ ಬೈಬಲ್

³⁵ ಮಂಗಲಕಾರನ ಅಯಿಂಗಡ ಕೂಟ್‌ಂಜ ಕಾಕಿಯಂಡ್ ಪೋಪ ಸಮಯ ಬಪ್ಪ, ಅಕ್ಕ ಅಯಿಂಗ ಉಪವಾಸ ಮಾಡ್‌ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:35 ပူးပေါင်းရင်းမြစ်များ

ಮತ್ತಾಯ 9:15

ಅದ್ಂಗ್ ಯೇಸು: ಮಂಗಲತ್‍ರ ಮನೆಲ್, ಮಂಗಲಕಾರ ಕೂಡೆ ಇಪ್ಪಕ, ಎನ್ನನೆ ಅಂವೊಂಡ ಚಂಙಾದಿಯ ಬೇಜಾರತ್‍ಲ್ ಇಪ್ಪ. ಮಂಗಲಕಾರನ ಅಯಿಂಗಡ ಕೂಟ್‌ಂಜ ಕಾಕಿಯಂಡ್ ಪೋಪ ಸಮಯ ಬಪ್ಪ, ಅಕ್ಕ ಅಯಿಂಗ ಪಟ್ಟಣಿ ನಿಪ್ಪಾಂದ್ ಎಣ್ಣ್‌ಚಿ.

ಮಾರ್ಕ 2:20

ಆಚೇಂಗಿ ಮಂಗಲಕಾರನ ಅಯಿಂಗಡ ಕೂಟ್‌ಂಜ ಕಾಕಿಯಂಡ್ ಪೋಪ ಸಮಯ ಬಪ್ಪ, ಅಕ್ಕ ಅಯಿಂಗ ಉಪವಾಸ ಮಾಡ್‌ವಾಂದ್ ಎಣ್ಣ್‌ಚಿ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:22

ಯೇಸು ಅಂವೊಂಡ ಶಿಷ್ಯಂಗಕ್: ಮನುಷ್ಯಕುಮಾರಂಡ ದಿನತ್‍ನ ನೋಟ್‍ವಕ್ ನಿಂಗ ದುಂಬ ಪಾರಕಾತಂಡಿಪ್ಪ ಸಮಯ ಬಪ್ಪ, ಆಚೇಂಗಿ ನಿಂಗಕ್ ನೋಟ್‍ವಕ್ ಕಯ್ಯುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:34

ಅದ್ಂಗ್ ಅಂವೊ: ಮಂಗಲಕಾರ ಇಕ್ಕಣಕೆ ಮಂಗಲಕಾರಂಡ ಚಂಙಾದಿಯಳ ನಿಂಗ ಪಟ್ಟಣಿ ನಿಪ್ಪಕ್ ಮಾಡ್‍ಚಿಡ್‌ವಕ್ ಕಯ್ಯುವ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:36

ಪಿಂಞ ಯೇಸು ಇಂಞೊರ್ ಕಥೇರ ರೂಪತ್‍ನ ಅಯಿಂಗಕ್ ಎಣ್ಣ್‌ಚಿ. ದಾರೂ ಪುದಿಯ ಕೋಟ್‍ನ ಕೀತಿತ್ ಪಳೆಯ ಕೋಟ್‌ಕ್ ಅಡ್ಡಬೆಚ್ಚಿತ್ ಪೊಲ್ಲ್‌ಚಿಡುಲೆ. ಅನ್ನೆನೆ ಮಾಡ್‍ಚೇಂಗಿ ಪುದಿಯ ಕೋಟ್‌ರ ಬಟ್ಟೆ ಪಳೆಯ ಕೋಟ್‌ಕ್ ಸರಿ ಬಬ್ಬ್‌ಲೆ, ಪುದಿಯದ್ ಪಳೆಯದ್‌ನ ಕೀತಿರ್‍ವ.

ಯೋಹಾನ 12:8

ಗರೀಬಂಗ ಎಕ್ಕಾಲು ನಿಂಗಡ ಕೂಡೆ ಇಪ್ಪ, ಆಚೇಂಗಿ ನಾನ್ ನಿಂಗಡ ಕೂಡೆ ಎಕ್ಕಾಲು ಇಪ್ಪುಲೇಂದ್ ಎಣ್ಣ್‌ಚಿ.

ಯೋಹಾನ 13:33

ನಾಡ ಚೆರಿಯ ಮಕ್ಕಳೇ, ನಾನ್ ನಿಂಗಡ ಕೂಡೆ ಚೆನ್ನಂಗೇ ಸಮಯ ಇಪ್ಪಿ; ನನ್ನ ನಿಂಗ ತ್‍ೕಡ್‌ವಿರ. ನಾನ್ ಪೋಪ ಜಾಗಕ್ ನಿಂಗಕ್ ಬಪ್ಪಕ್ ಕಯ್ಯುಲೇಂದ್ ನಾನ್ ಯೆಹೂದ್ಯಂಗಕ್ ಎಣ್ಣ್‌ನನೆಕೆ, ಇಕ್ಕ ನಾನ್ ನಿಂಗಕ್ ಸಹ ಎಣ್ಣ್‌ವಿ.

ಯೋಹಾನ 16:28

ನಾನ್ ಈ ಲೋಕಕ್ ಅಪ್ಪಂಡಯಿಂಜ ಬಂದಿಯೆ, ಇಕ್ಕ ನಾನ್ ಈ ಲೋಕತ್‍ನ ಬುಟ್ಟಿತ್ ಅಪ್ಪಂಡ ಪಕ್ಕ ಪೋಯಂಡುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 1:9

ಇನ್ನನೆ ಎಣ್ಣ್‌ನ ಪಿಂಞ ಅಯಿಂಗ ನೋಟಿಯಂಡಿಪ್ಪಕಲೆ, ಒರ್ ಮೋಡತ್‍ರ ಒಳ್‌ಲಿಂಜ ಅಂವೊನ ಕೊಡಿಕ್ ಎಡ್‍ತಂಡ್ ಪೋಚಿ. ಅಂವೊ ಅಯಿಂಗಡ ಕಣ್ಣ್‌ಕ್ ಕಾಂಬಕಿಂಜಿಲೆ.

ಅಪೊಸ್ತಲ 14:23

ಇದ್‍ಲ್ಲತೆ ಓರೋರ್ ಸಬೇಲು ಪೆರಿಯಯಿಂಗಳ ನೇಮಿಚಿಟ್ಟಿತ್, ಪಟ್ಟಣಿ ನಿಂದಿತ್ ಪ್ರಾರ್ಥನೆ ಮಾಡಿತ್, ಅಯಿಂಗ ನಂಬ್‍ನ ದೇವಡ ಕೈಕ್ ಅಯಿಂಗಳ ಒಪ್ಪ್‌ಚಿಟ್ಟತ್.

ಅಪೊಸ್ತಲ 3:21

ಅಂವೊಂಡ ಪವಿತ್ರವಾನ ಪ್ರವಾದಿಯಂಗಡ ಮೂಲಕ, ಪಂಡೇ ವಾಗ್ದಾನ ಮಾಡ್‍ನನೆಕೆ, ದೇವ ಎಲ್ಲಾನ ಸರಿಮಾಡ್‍ವಾಂದ್ ಎಣ್ಣ್‌ನ ವಿಷಯನೆಲ್ಲ ನೆರೆವೇರುವ ಕಾಲಕತ್ತನೆ, ಈ ಕ್ರಿಸ್ತ, ಪರಲೋಕತ್‍ಲ್ ಇಕ್ಕಂಡು.

1 ಕೊರಿಂಥ 7:5

ಪ್ರಾರ್ಥನೆಲ್ ಚೆನ್ನ ಕಾಲ ಇರಂಡೂಂದ್ ನಿಂಗ ದಂಡಾಳು ತೀರ್ಮಾನ ಮಾಡಿತ್ ದಂಡಾಳು ಒತ್ತತೇಂಗಿ ಮಾತ್ರ ಚೆನ್ನ ಕಾಲ ಬೋರೆ ಬೋರೆಯಾಯಿತ್ ಇಪ್ಪಕ್ ಆಪ. ನಿಂಗಕ್ ತನ್ನಡಕ ಇಲ್ಲತಗುಂಡ್ ಬೋರೆಯಿಂಗಡ ಕೂಡೆ ತಪ್ಪ್ ಮಾಡ್‌ವನೆಕೆ ಸೈತಾನ ನಿಂಗಳ ಸೋದನೆ ಮಾಡತನೆಕೆ ಪುನಃ ಕೂಡಿ ಬಂದಿತ್ ಒಕ್ಕಚೆ ಇರಂಡು.

2 ಕೊರಿಂಥ 11:27

ಪ್ರಯತ್ನತ್‍ಲ್, ಕಷ್ಟತ್‍ಲ್, ದುಂಬ ಕುರಿ ವರಿಯತೆ, ಕೆಲ ಪಯಿಚಿತ್, ಬಾಯರಿಕೆಲ್, ದುಂಬ ಕುರಿ ಪಟ್ಟಣಿಲ್, ಕುಳ್‍ರ್‌ಲ್, ಸರಿಯಾನ ಬಟ್ಟೆ ಇಲ್ಲತಂವೊನಾಯಿತ್ ನಾನ್ ಇಂಜ.