ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:3 - ಕೊಡವ ಬೈಬಲ್

³ ಅಲ್ಲಿ ಇಂಜ ದಂಡ್ ದೋಣಿಲ್, ಒರ್ ದೋಣಿ ಸೀಮೋನಂಡದಾಯಿತ್ಂಜತ್. ಆ ದೋಣಿಲ್ ಯೇಸು ಪತ್ತಿತ್, ಅದ್‍ನ ಕರೆಯಿಂಜ ಚೆನ್ನ ದೂರ ಉಂದ್‍ೕಂದ್ ಎಣ್ಣ್‌ಚಿ. ಯೇಸು ದೋಣಿಲ್ ಅಳ್‌ಪಂಜಿ ಜನಕ್ ಬೋದನೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:3 ပူးပေါင်းရင်းမြစ်များ

ಮತ್ತಾಯ 4:18

ಯೇಸು ಗಲಿಲಾಯತ್‍ರ ಕೆರೆರ ಬರಿಲ್ ನಡ್ಂದ್ ಪೋಯಂಡಿಪ್ಪಕ, ದಂಡ್ ಅಣ್ಣತಮ್ಮಣಂಗಳ ಕಂಡತ್. ಅಯಿಂಗ ಬೆಸ್ತಂಗಳಾನ ಪೇತ್ರ ಎಣ್ಣುವ ಸೀಮೋನ ಪಿಂಞ ಅಂದ್ರೆಯ ಎಣ್ಣುವಯಿಂಗಳೇ. ದಂಡಾಳು ಬಲೆನ ಬೀಜಿತ್ ಮೀನ್ ಪುಡ್‍ಚಂಡ್ ಇಂಜತ್. ಯೇಸು ಅಯಿಂಗಕ್:

ಮಾರ್ಕ 3:10

ಬಪ್ಪ ಜನಡ ಕೂಟ ಬಲ್ಯದಾನದ್‌ನ ಕಂಡಿತ್, ಯೇಸು ಅಂವೊಂಡ ಶಿಷ್ಯಂಗಕ್ ನಾಕ್ ಒರ್ ದೋಣಿನ ತಯಾರ್ ಮಾಡಿ, ಈ ಜನ ನನ್ನ ನೆರ್‍ಕತನೆಕೆ ಮಾಡೀಂದ್ ಎಣ್ಣ್‌ಚಿ.

ಮಾರ್ಕ 3:9

ಅಂವೊ ದುಂಬ ಜನಡ ಕಾಯಿಲೆನೆಲ್ಲ ವಾಸಿ ಮಾಡ್‍ಚಿ, ಕಾಯ್ಲೆಸ್ತೆಂಗೆಲ್ಲ ಅದ್‍ನ ಕ್‍ೕಟಿತ್ ಅಂವೊನ ಮುಟ್ಟ್‌ವಕಾಯಿತ್ ಜನಡ ಕೂಟ‌ತ್‍ಲ್ ನೂಕಿತ್ ನುಗ್ಗಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:2

ಅಕ್ಕ ದಂಡ್ ದೋಣಿ ಕಡಕರೆಲ್ ನಿಂದಂಡಿಂಜಾನ ಕಂಡತ್. ಅಲ್ಲಿ ಬೆಸ್ತಂಗ ಅದ್‍ನ ಬುಟ್ಟಿತ್ ಬಲೆನ ಕತ್ತಿಯಂಡ್ ಇಂಜತ್.

ಯೋಹಾನ 8:2

ಪಿತ್ಯಾಂದ್ ಪೊಲಾಕ ಯೇಸು ದೇವಾಲಯಕ್ ಪೋಚಿ. ಅಕ್ಕ ಜನಯೆಲ್ಲ ಅಂವೊಂಡ ಸುತ್ತ್‌ಲೂ ಕೂಡ್‍ಚಿ. ಯೇಸು ಅಲ್ಲಿ ಅಳ್‌ತಂಡ್ ಅಯಿಂಗಕ್ ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ.