ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:22 - ಕೊಡವ ಬೈಬಲ್

²² ಅಕ್ಕಣೆಕೆ ಯೇಸುಕ್ ಈ ಮನುಷ್ಯಂಗ ಎಂತ ಗೇನ ಮಾಡಿಯಂಡುಂಡ್‍ೕಂದ್ ಗೊತ್ತಾಯಿತ್, ಅಯಿಂಗಳ ನೋಟಿತ್: ನಿಂಗಡ ಹೃದಯತ್‍ಲ್ ಎನ್ನಂಗ್ ಇಂತದೆಲ್ಲ ಗೇನ ಮಾಡ್‌ವಿರಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:22 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 15:26

ದುಷ್ಟಂಗಡ ಯೋಜನೆ ಯೆಹೋವಂಗ್‌ ಅಸಹ್ಯ. ಆಚೇಂಗಿ ಕನಿಕರತ್‌ರ ತಕ್ಕ್‌ ಅಂವೊಂಗ್‌ ಸುಕ ತಪ್ಪ.

ಮತ್ತಾಯ 12:15

ಯೇಸುಕ್ ಇದ್ ಗೊತ್ತಾನಗುಂಡ್ ಅಲ್ಲಿಂಜ ದೂರ ಪೋಚಿ. ಅಂವೊಂಡ ಬಯ್ಯಕ್ ದುಂಬ ಜನ ಪೋಯಂಡಿಂಜತ್, ಅಯಿಂಗಡ ಕೂಡೆ ಇಂಜ ಎಲ್ಲಾ ರೋಗಿಯಳ ಅಂವೊ ವಾಸಿ ಮಾಡ್‍ಚಿ.

ಮತ್ತಾಯ 12:25

ಫರಿಸಾಯಂಗ ಎಂತ ಗೇನ ಮಾಡಿಯಂಡುಂಡ್‍ೕಂದ್ ಗೊತ್ತಾನಗುಂಡ್, ಯೇಸು ಇನ್ನನೆ ಎಣ್ಣ್‌ಚಿ: ಒರ್ ರಾಜ್ಯತ್‍ರ ಜನ ಅಯಿಂಗಯಿಂಗಳೇ ಜಗಳ ಮಾಡಿಯಂಡ್ ಬೋರೆ ಬೋರೆ ಆಯಿತ್ಂಜತೇಂಗಿ, ಆ ರಾಜ್ಯ ಪಾಳಾಯಿ ಪೋಪ. ಒರ್ ಪಟ್ಟಣ ಅಥವ ಒರ್ ಮನೆಲ್ ಉಳ್ಳ ಜನ ಅಯಿಂಗಯಿಂಗಳೇ ಜಗಳ ಮಾಡಿಯಂಡಿಂಜತೇಂಗಿ, ಆ ಪಟ್ಟಣವು, ಮನೆಯು ಒರೇ ಗುಂಪಾಯಿತ್ ನಿಪ್ಪದಿಲ್ಲೆ.

ಮತ್ತಾಯ 9:4

ಅಯಿಂಗೆಲ್ಲಾ ಎಂತ ಗೇನ ಮಾಡಿಯಂಡುಂಡ್‍ೕಂದ್ ಯೇಸುಕ್ ಗೊತ್ತಾಚಿ. ಆನಗುಂಡ್ ಯೇಸು: ಎನ್ನಂಗ್ ನಿಂಗ ಇನ್ನನೆ ಕೆಟ್ಟದ್ ಗೇನ ಮಾಡ್‌ವಿರಾಂದ್ ಕ್‍ೕಟತ್.

ಮಾರ್ಕ 8:17

ಯೇಸುಕ್ ಇದ್ ಗೊತ್ತಾಯಿ ಪೋಚಿ; ನಿಂಗ ಎನ್ನಂಗ್ ಒಟ್ಟಿ ಇಲ್ಲೇಂದ್ ಎಣ್ಣುವಿರ? ನಿಂಗಕ್ ಇಂಞು ಗೊತ್ತಾಯಿತ್‌ಲ್ಲೆಯಾ ಇಲ್ಲತಪೋಚೇಂಗಿ ಅರ್ಥ ಆಪುಲೆಯಾ? ನಿಂಗಡ ಮನಸ್ಸ್ ಅಚ್ಚಕ್ ಕಮ್ಮಿ ಆಯಿಪೋಚಾ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:38

ನಿಂಗಕ್ ಎನ್ನಂಗ್ ಅಚ್ಚಕ್ ಪೋಡಿ? ನಿಂಗಡ ಮನಸ್ಸ್‌ಲ್ ಅನುಮಾನ ಎನ್ನಂಗ್?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:21

ಅಲ್ಲಿ ಇಂಜ ಚೆನ್ನ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ: ದೇವ ದೂಷಣೆ ಎಣ್ಣುವ ಈ ಮನುಷ್ಯ ದಾರ್? ದೇವ ಒಬ್ಬನ ಬುಟ್ಟಿತ್ ಬೋರೆ ದಾರ್‌ಕ್ ಪಾಪತ್‍ನ ಮನ್ನಿಪ್ಪಕ್ ಕಯ್ಯೂಂದ್ ಅಯಿಂಗಯಿಂಗಳೇ ಗೇನ ಮಾಡಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:23

ನೀಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ವದ್ ಸುಲಬವ ಅಥವ ನೀಕ್ ವಾಸಿ ಆಚಿ, ಎದ್ದಿತ್ ನಡೇಂದ್ ಎಣ್ಣುವದ್ ಸುಲಬವ?

ಅಪೊಸ್ತಲ 5:3

ಅಕ್ಕ ಪೇತ್ರ ಅನನೀಯನ ನೋಟಿತ್: ಅನನೀಯನೇ, ನೀಡ ಜಾಗ ಮಾರ್‌ನ ಪಣತ್‌ಲ್ ಒರು ಪಾಲ್‍ನ ನೀಕ್ ಬೆಚ್ಚಂಡ್, ಪವಿತ್ರಾತ್ಮತ್‍ರ ಪಕ್ಕ ಪೊಟ್ಟ್ ಪರಿಯುವನೆಕೆ, ಸೈತಾನ ನೀಡ ಹೃದಯತ್‍ನ ಪಾಳ್‍ಮ್‌ವಕ್ ಎನ್ನಂಗ್ ಬುಟ್ಟಿಯ?

ಇಬ್ರಿಯ 4:12

ದೇವಡ ವಾಕ್ಯ ಜೀವವು, ಶಕ್ತಿ ಉಳ್ಳದಾಯಿತು, ದಂಡ್ ಪಕ್ಕವು ಚೂಪಾಯಿತ್ ಉಳ್ಳ ಏದ್ ಬಾಳ್‌ಕತ್ತಿಕಿಂಜಲು ಚೂಪಾಯಿತ್ ಉಂಡ್. ಇದ್ ಆತ್ಮತ್‌ನ ಪಿಂಞ ಜೀವತ್‍ನ, ಮುಟ್ಟ್‌ನ ಪಿಂಞ ಅದ್ಂಡ ಒಳ್‍ಲ್ ಉಳ್ಳ ಮಜ್ಜೆನ ಬೋರೆ ಬೋರೆ ಮಾಡಿತ್ ನಂಗಡ ಒಳ್‍ಕ್ ಕುತ್ತುವನೆಕೆ ಉಂಡ್. ಇದ್ ಹೃದಯತ್‍ರ ಗೇನತ್‍ನ ಪಿಂಞ ಆಲೋಚನೆರ ರೀತಿನ ನಂಗಕ್ ಕಾಟಿತಪ್ಪದಾಯಿತುಂಡ್.

ಪ್ರಕಟನೆ 2:23

ಅವಡ ಮಕ್ಕಳ ಚಾವನೆಕೆ ಕೊಲ್ಲುವಿ; ಅಕ್ಕ ನಾನ್ ಮಾತ್ರ ಹೃದಯತ್‍ರ ಪಿಂಞ ಮನಸ್ಸ್‌ರ ಆಳತ್‍ನ ಚಾಯಿ ಪರೀಕ್ಷೆ ಮಾಡ್‌ವಂವೊನಾಯಿತ್ ಉಳ್ಳ್‌ಂದ್ ಎಲ್ಲಾ ಸಬೇಕು ಗೊತ್ತಾಪ. ಅದಲ್ಲತೆ ನಿಂಗಡಲ್ಲಿ ಒಬ್ಬೊಬ್ಬಂಗು ಅಯಿಂಗಯಿಂಗಡ ಕ್ರಿಯೇಕ್ ತಕ್ಕಂತ ಫಲತ್‍ನ ತಪ್ಪಿ.