ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:12 - ಕೊಡವ ಬೈಬಲ್

¹² ಯೇಸು ಒರ್ ಪಟ್ಟಣತ್‍ಲ್ ಇಪ್ಪಕ, ಕುಷ್ಟರೋಗ ದುಂಬಿತ್ಂಜ ಒರ್ ಮನುಷ್ಯ ಯೇಸುನ ಕಂಡದು ನೆಲಕ್ ಬುದ್ದಿತ್: ಒಡೆಯನೇ, ನೀಕ್ ಕುಶಿ ಉಂಡೇಂಗಿ ನನ್ನ ಶುದ್ದ ಮಾಡ್‌ವಕ್ ನೀಕ್ ಕಯ್ಯೂಂದ್ ಬೋಡಿಯಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:12 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:14

ಯೆಹೋವಂಗ್‌ ಕಯ್ಯತ್ತದ್‌ ಎಂತದೇಂಗಿ ಉಂಡಾ? ನಾನ್‌ ಎಣ್ಣ್‌ನನೆಕೆ ಬಪ್ಪ ಕಾಲತ್‌ ಇದೇ ಸಮಯಕ್‌ ತಿರಿತ್‌ ಬಪ್ಪಿ; ಅಕ್ಕ ಸಾರಳಂಗ್‌ ಒರ್‌ ಮೋಂವೊ ಇಪ್ಪಾಂದ್‌ ಎಣ್ಣ್‌ಚಿ.

ಮತ್ತಾಯ 26:6

ಆ ಸಮಯತ್‍ಲ್ ಯೇಸು ಬೇಥಾನ್ಯತ್‍ಲ್ ಕುಷ್ಟರೋಗಿಯಾಯಿತ್ಂಜ ಸೀಮೋನಂಡ ಮನೆಲ್ ಇಂಜತ್.

ಮತ್ತಾಯ 9:28

ಯೇಸು ಒಳ್‍ಕ್ ಪೋನ ಪಿಂಞ ದಂಡ್ ಕುರ್‌ಡಂಗ ಯೇಸುರ ಪಕ್ಕ ಪೋಚಿ. ಅಕ್ಕ ಯೇಸು ಅಯಿಂಗಳ, ನಾಕ್ ನಿಂಗಳ ವಾಸಿ ಮಾಡ್‌ವಕ್ ಕಯ್ಯೂಂದ್ ನಿಂಗ ನಂಬುವಿರಾಂದ್ ಕ್‍ೕಟತ್. ಅಕ್ಕು ಸ್ವಾಮೀಂದ್ ಅಯಿಂಗ ಎಣ್ಣ್‌ಚಿ.

ಮಾರ್ಕ 5:23

ನಾಡ ಮೂಡಿ ಕುಂಞಿ ದುಂಬ ಕಾಯಿಲೆಲ್ ಬುದ್ದಿತ್ ಉಂಡ್, ನೀನ್ ದಯಬೆಚ್ಚಿತ್ ಬಂದಿತ್ ನೀಡ ಕೈಯಿನ ಅವಡ ಮೇಲೆ ಬೆಯ್ಯಿ; ಅಕ್ಕ ಅವಡ ಕಾಯಿಲೆ ವಾಸಿಯಾಯಿತ್ ಬದ್‌ಕ್‌ವಾಂದ್ ಬಕ್ತಿಲ್ ಬೋಡಿಯಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:16

ಪಿಂಞ ಯೇಸುರ ಕಾಲ್‌ಕ್ ಅಡ್ಡ ಬುದ್ದಿತ್ ವಾಸಿ ಆನಗುಂಡ್ ವಂದನೆ ಮಾಡ್‍ಚಿ. ಅಂವೊ ಸಮಾರಿಯ ನಾಡ್‍ಕ್ ಕೂಡ್‍ನಂವೊನಾಯಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:13

ಯೇಸು ಅಂವೊಂಡ ಕೈಯಿನ ನೀಟುವಂಜಿ: ಅಂವೊನ ಮುಟ್ಟಿತ್, ನಾಕ್ ಕುಶಿ ಉಂಡ್, ನೀಡ ಕುಷ್ಟರೋಗ ಶುದ್ದ ಆಡ್‍ೕಂದ್ ಎಣ್ಣ್‌ಚಿ. ಅಚ್ಚಕ್ ಬೆರಿಯ ಅಂವೊಂಡ ಕುಷ್ಟರೋಗ ಶುದ್ದ ಆಚಿ.

ಇಬ್ರಿಯ 7:25

ಆನಗುಂಡ್, ತಾಂಡ ಮೂಲಕ ದೇವಡ ಪಕ್ಕ ಬಪ್ಪಯಿಂಗಕಾಯಿತ್ ಎಕ್ಕಾಲು ದೇವಡ ಮಿಂಞತ್ ಬೋಡ್‌ವನೆಕೆ ಬದ್‍ಕಿಯಂಡಿಪ್ಪಗುಂಡ್, ಅಯಿಂಗಳ ಪೂರ್ತಿಯಾಯಿತ್ ರಕ್ಷಣೆ ಮಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್.