ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:10 - ಕೊಡವ ಬೈಬಲ್

¹⁰ ಜೆಬೆದಾಯಂಡ ಕ್‌ಣ್ಣ ಮಕ್ಕಳಾನ ಸೀಮೋನಂಡ ಕೂಟ್‍ಕಾರ ಯೋಹಾನ ಪಿಂಞ ಯಾಕೋಬಂಗ್ ಸಹ ಇನ್ನನೆ ಆಶ್ಚರ್ಯ ಆಚಿ. ಅಕ್ಕ ಯೇಸು ಸೀಮೋನನ ನೋಟಿತ್, ಬೊತ್ತತೆ! ಇಂಞು ಮಿಂಞಕ್ ನೀನ್ ಮೀನ್ ಪುಡಿಪಕ್ ಬದ್‍ಲಾಯಿತ್ ಮನುಷ್ಯಂಗಳ ನಾಡ ಪಕ್ಕ ಕೊಂಡ್ ಬಪ್ಪಂವೊನಾಯಿತ್‌ಪ್ಪಿಯಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:10 ပူးပေါင်းရင်းမြစ်များ

ಮತ್ತಾಯ 13:47

ಪರಲೋಕ ರಾಜ್ಯ ಎಣ್ಣ್‌ವದ್, ಸಮುದ್ರತ್‍ಲ್ ಚಾಡಿತ್, ನಾನಾ ತರತ್‍ರ ಮೀನ್‌ನ ಒಟ್ಟ್ ಕೂಟ್‌ವ ಬಲೇಕ್ ಸಮವಾಯಿತುಂಡ್.

ಮತ್ತಾಯ 14:27

ಅಕ್ಕಣೆ ಯೇಸು ಅಯಿಂಗಡ ಕೂಡೆ ತಕ್ಕ್ ಪರಿಂದಿತ್: ನಿಂಗ ದೈರ್ಯ ಎಡ್‌ತೊಳಿ, ಇದ್ ನಾನೇ, ಪೋಡಿ ಬೋಂಡಾಂದ್ ಎಣ್ಣ್‌ಚಿ.

ಮತ್ತಾಯ 20:20

ಅಕ್ಕ ಜೆಬೆದಾಯಂಡ ಪೊಣ್ಣ್ ಅವಡ ದಂಡ್ ಮಕ್ಕಳ ಯೇಸುರ ಪಕ್ಕ ಕಾಕಿಯಂಡ್ ಬಂದಿತ್, ಅಂವೊಂಡ ಪಕ್ಕ ಒರ್ ಸಹಾಯ ಕ್‍ೕಪಕಾಯಿತ್ ಮೊಣಕಾಲ್ ಇಟ್ಟತ್.

ಮತ್ತಾಯ 4:19

ನಾಡ ಕೂಡೆ ಬಾರಿ, ನಾನ್ ನಿಂಗಕ್ ಮನುಷ್ಯಂಗಳ, ನಾಡ ಶಿಷ್ಯಂಗಳಾಯಿತ್ ಮಾಡ್‌ವಕ್ ಎಣ್ಣಿ ತಪ್ಪೀಂದ್ ಎಣ್ಣ್‌ಚಿ.

ಮತ್ತಾಯ 4:21

ಯೇಸು ಇಂಞು ಚೆನ್ನ ಮಿಂಞಕ್ ಪೋಯಂಡಿಪ್ಪಕ, ಅಲ್ಲಿ ಜೆಬೆದಾಯಂಡ ಮಕ್ಕಳಾನ ಯಾಕೋಬ ಪಿಂಞ ಯೋಹಾನನ ಕಂಡತ್. ಅಯಿಂಗ ಅಯಿಂಗಡ ಅಪ್ಪ ಜೆಬೆದಾಯಂಡ ಕೂಡೆ ದೋಣಿಲ್ ಮೀನ್ ಪುಡಿಪಕ್ ಬಲೆನ ಸರಿ ಮಾಡಿಯಂಡ್ ಇಂಜತ್. ಯೇಸು ಅಯಿಂಗಳ ಕಾಕ್‍ಚಿ;

ಮಾರ್ಕ 1:17

ಯೇಸು ಅಯಿಂಗಳ ನೋಟಿತ್: ನಾಡ ಕೂಡೆ ಬಾರಿ, ನಾನ್ ನಿಂಗಕ್ ಮನುಷ್ಯಂಗಳ ನಾಡ ಶಿಷ್ಯಂಗಳಾಯಿತ್ ಮಾಡ್‌ವಕ್ ಎಣ್ಣಿ ತಪ್ಪೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:7

ಅಕ್ಕ, ಪಕ್ಕತ್ ದೋಣಿಲ್ ಇಂಜ ಕೂಟಾಳಿಯಂಗಕ್ ಸನ್ನೆ ಮಾಡಿತ್ ಸಹಾಯ ಮಾಡ್‌ವಕ್ ಕಾಕ್‍ಚಿ. ಅಯಿಂಗ ಎಲ್ಲಾರು ಬಂತ್ ದಂಡ್ ದೋಣಿ ಮುಳ್‌ಗ್‌ವನೆಕೆ ದುಂಬ ಮೀನ್‌ನ ದುಂಬ್‍ಚಿಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:9

ದುಂಬ ಮೀನ್ ಪುಡ್‌ಚಗುಂಡ್, ಅಂವೊ ಪಿಂಞ ಅಂವೊಂಡ ಕೂಟ್‌ಕಾರಂಗ ಎಲ್ಲಾರ್‌ಕು ದುಂಬ ಆಶ್ಚರ್ಯ ಆಯಿತ್ ಅನ್ನನೆ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:14

ಆ ಪನ್ನೆರಂಡ್ ಶಿಷ್ಯಂಗ ದಾರ್‍ೕಂದ್ ಎಣ್ಣ್‌ಚೇಂಗಿ: ಸೀಮೋನ, ಯೇಸು ಅಂವೊಂಗ್ ಪೇತ್ರ ಎಣ್ಣ್‌ವ ಪೆದ ಕೊಡ್‍ತತ್.

ಯೋಹಾನ 21:2

ಅದ್ ಎನ್ನನೆ ಎಣ್ಣ್‌ಚೇಂಗಿ: ಸೀಮೋನ ಪೇತ್ರ, ದಿದುಮಾಂದ್ ಜನ ಕಾಕುವ ತೋಮ, ಗಲಿಲಾಯತ್‍ರ ಕಾನಾ ಊರ್‌ರ ನತಾನಯೇಲ, ಜೆಬೆದಾಯಂಡ ದಂಡ್ ಮೋನಿಯಂಗ, ಪಿಂಞ ಯೇಸುರ ಇಂಞು ದಂಡ್ ಶಿಷ್ಯಂಗ ಕೂಡಿ ಬಂದಿತ್ಂಜತ್.

ಅಪೊಸ್ತಲ 2:4

ಅಕ್ಕ ಅಯಿಂಗೆಲ್ಲಾರು ಪವಿತ್ರಾತ್ಮತ್‍ಲ್ ದುಂಬಿತ್ ಆ ಆತ್ಮ ಒಬ್ಬೊಬ್ಬಂಗ್ ಶಕ್ತಿ ಕೊಡ್‍ತನೆಕೆ ಅಯಿಂಗಕ್ ಗೊತ್ತಿಲ್ಲತ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

2 ಕೊರಿಂಥ 8:23

ತೀತಂಡ ವಿಷಯತ್ ದಾರ್ ಒಬ್ಬ ಕ್‍ೕಟತೇಂಗಿ, ಅಂವೊ ನಾಡ ಕೂಟ್‍ಕಾರಾಂದೂ, ನಿಂಗಕಾಯಿತ್ ನಾಡ ಕೂಡೆ ದೇವಡ ಸೇವೆ ಮಾಡ್‌ವಂವೊನಾಯಿತ್ ಉಂಡ್‍ೕಂದು ಗೊತ್ತಿರಡ್. ನಂಗಡ ಅಣ್ಣತಮ್ಮಣಂಗಡ ವಿಷಯತ್ ಕ್‍ೕಟತೇಂಗಿ: ಅಯಿಂಗ ಸಬೆರ ಸೇವಕಂಗಳು, ಕ್ರಿಸ್ತಂಗ್ ಮಹಿಮೆಯಾಯಿತು ಉಂಡ್‍ೕಂದ್ ಗೊತ್ತಿರಡ್.

2 ತಿಮೊಥೆಯ 2:26

ಅಕ್ಕ ಅಯಿಂಗಕ್ ಬುದ್ದಿ ಬಂದಿತ್, ಸೈತಾನಂಡ ಕೆಣಿಯಿಂಜ ಬಚಾವ್ ಆಪ. ಎನ್ನಂಗೆಣ್ಣ್‌ಚೇಂಗಿ, ಸೈತಾನ ಅಯಿಂಗಳ ಪುಡ್‌ಚಿತ್, ಅಂವೊಂಡ ಇಚ್ಛೆಕ್ ಬಗ್ಗ್‌ಚಿಡ್‍ವನೆಕೆ ಮಾಡಿತುಂಡ್.