ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:42 - ಕೊಡವ ಬೈಬಲ್

⁴² ಬೊಪ್ಪ್ ಇಪ್ಪಕಾಪಕಲೇ ಆ ಊರ್‌ನ ಬುಟ್ಟಿತ್ ದಾರೂ ಇಲ್ಲತ ಮಣಬೂಮಿಕ್ ಪೋಚಿ. ಜನ ಎಲ್ಲಾರು ಯೇಸುನ ತ್‍ೕಡಿಯಂಡ್ ಅಂವೊಂಡ ಪಕ್ಕ ಬಂತ್ ಅಯಿಂಗಳ ಬುಟ್ಟಿತ್ ಎಲ್ಲಿಕು ಪೋಪಕ್ಕಾಗಾಂದ್ ನಿಪ್ಪ್‌ಚಿಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:42 ပူးပေါင်းရင်းမြစ်များ

ಮಾರ್ಕ 1:45

ಆಚೇಂಗಿ ಯೇಸು ಎಣ್ಣ್‌ನ ಪ್ರಕಾರ ಅಂವೊಂಡ ತಕ್ಕ್ ಕ್‍ೕಕತೆ ಈ ನಲ್ಲ ವಿಷಯತ್‍ನ ಎಲ್ಲಾ ಜಾಗತ್‍ಲು ಎಣ್ಣಿಯಂಡ್ ಪೋಚಿ. ಅದ್ಂಗಾಯಿತ್ ಯೇಸುಕ್ ಪೊರಮೆ ಪೋಪಕ್ ಕಯ್ಯತಾಚಿ. ಆನಗುಂಡ್ ಯೇಸು ದಾರೂ ಇಲ್ಲತ ಜಾಗತ್‍ಲ್ ಇಂಜತ್. ಆಚೇಂಗಿಯು ಯೇಸುರ ಪಕ್ಕ ದುಂಬ ಜನ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:29

ಅಯಿಂಗ ಯೇಸುಕ್, ಬಯಿಟ್ ಆಯಂಡ್ ಬಂದ್‌ರ್‌ತ್, ಸೂರ್ಯ ಮುಳಿವ ನೇರ ಆಚಿ, ನೀನ್ ನಂಗಡ ಕೂಡೆ ಒಳಿಂಜಿತ್ ಪೋಂದ್ ಬೋಡ್‍ಚಿ. ಯೇಸು ಅಯಿಂಗಡ ಕೂಡೆ ಇಪ್ಪಕ್ ಒಳ್‍ಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:12

ಅಂದತ ಒರ್ ದಿವಸತ್‍ಲ್ ಪ್ರಾರ್ಥನೆ ಮಾಡ್‌ವಕಾಯಿತ್ ಯೇಸು ಕುಂದ್‌ರ ಕೊಡಿಕ್ ಪೋಚಿ. ಅಲ್ಲಿ ಬೈಟೊಡಿ ಪ್ರಾರ್ಥನೆ ಮಾಡಿಯಂಡ್ ಇಂಜತ್.

ಯೋಹಾನ 4:34

ಅಯಿಂಗಕ್ ಯೇಸು: ನನ್ನ ಅಯಿಚಂವೊಂಡ ಚಿತ್ತತ್‍ರನೆಕೆ ಮಾಡಿತ್, ಅಂವೊಂಡ ಕ್ರಿಯೇನ ನೆರೆವೇರಿಚಿಡುವದೇ ನಾಡ ಆಹಾರಾಂದ್ ಎಣ್ಣ್‌ಚಿ.

ಯೋಹಾನ 4:40

ಆನಗುಂಡ್, ಸಮಾರ್ಯ ಪಟ್ಟಣತ್‍ರ ಜನ, ಯೇಸುರ ಪಕ್ಕ ಬಂದಿತ್, ನಂಗಡ ಕೂಡೆ ಇಕ್ಕಂಡೂಂದ್ ಬೋಡಿಯಂಡತ್, ಅಕ್ಕ ಯೇಸು ಅಲ್ಲಿ ದಂಡ್ ದಿನ ಒಳಿಂಜತ್.

ಯೋಹಾನ 6:24

ಅಯಿಂಗ ಅಲ್ಲಿ ಬಪ್ಪಕ ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಅಲ್ಲಿ ಇಲ್ಲೇಂದ್ ಗೊತ್ತಾಚಿ. ಅಕ್ಕ ಜನ ಎಲ್ಲಾರು ಯೇಸುನ ತ್‍ೕಡಿಯಂಡ್ ಕಪೆರ್ನೌಮ್‍ಕ್ ಬಾತ್.