ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:40 - ಕೊಡವ ಬೈಬಲ್

⁴⁰ ಸೂರ್ಯ ಮುಳ್‌ಗ್‌ನ ಪಿಂಞ ಜನಯೆಲ್ಲ ನಾನಾತರ ಕಾಯಿಲೆ ಉಳ್ಳ ಜನಳ ಕಾಕಿಯಂಡ್ ಬಾತ್. ಯೇಸು ಎಲ್ಲಾಡ ಮೇಲೆ ಕೈ ಬೆಚ್ಚಿತ್ ಅಯಿಂಗಳ ವಾಸಿ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:40 ပူးပေါင်းရင်းမြစ်များ

ಮತ್ತಾಯ 11:5

ಕುರ್‌ಡಂಗ ಕಂಡಂಡುಂಡ್, ಕುಂಟಂಗ ನಡ್ಂದಂಡುಂಡ್, ಕುಷ್ಟರೋಗಿಯಂಗ ವಾಸಿ ಆಯಂಡುಂಡ್, ಕಿವ್‍ಡಂಗ್ ಕ್‍ೕಟಂಡು, ಚತ್ತಯಿಂಗ ಎದ್ದಡುಂಡ್, ಗರೀಬಂಗಕ್ ನಲ್ಲ ಸುದ್ದಿ ಪ್ರಚಾರ ಆಯಂಡುಂಡ್.

ಮತ್ತಾಯ 14:13

ಯೇಸು ಈ ವಿಷಯ ಕ್‍ೕಟದು ಆ ಜಾಗ ಬುಟ್ಟಿತ್, ದೋಣಿಲ್ ಪತ್ತ್‌ವಂಜಿ ದಾರೂ ಇಲ್ಲತ ಜಾಗಕ್ ಒಬ್ಬನೇ ಪೋಚಿ. ಯೇಸು ಎಲ್ಲಿಕ್ ಪೋಚೀಂದ್ ಜನಕ್ ಗೊತ್ತಾನ ಪಿಂಞ ಅಯಿಂಗಡ ಪಟ್ಟಣತ್ಂಜ ನಡ್ಂದಂಡೇ ಯೇಸುರ ಪಕ್ಕ ಪೋಚಿ.

ಮಾರ್ಕ 3:10

ಬಪ್ಪ ಜನಡ ಕೂಟ ಬಲ್ಯದಾನದ್‌ನ ಕಂಡಿತ್, ಯೇಸು ಅಂವೊಂಡ ಶಿಷ್ಯಂಗಕ್ ನಾಕ್ ಒರ್ ದೋಣಿನ ತಯಾರ್ ಮಾಡಿ, ಈ ಜನ ನನ್ನ ನೆರ್‍ಕತನೆಕೆ ಮಾಡೀಂದ್ ಎಣ್ಣ್‌ಚಿ.

ಮಾರ್ಕ 5:23

ನಾಡ ಮೂಡಿ ಕುಂಞಿ ದುಂಬ ಕಾಯಿಲೆಲ್ ಬುದ್ದಿತ್ ಉಂಡ್, ನೀನ್ ದಯಬೆಚ್ಚಿತ್ ಬಂದಿತ್ ನೀಡ ಕೈಯಿನ ಅವಡ ಮೇಲೆ ಬೆಯ್ಯಿ; ಅಕ್ಕ ಅವಡ ಕಾಯಿಲೆ ವಾಸಿಯಾಯಿತ್ ಬದ್‌ಕ್‌ವಾಂದ್ ಬಕ್ತಿಲ್ ಬೋಡಿಯಂಡತ್.

ಮಾರ್ಕ 6:5

ಚೆನ್ನ ಕಾಯಿಲೆಸ್ತಂಗಡ ಮೇಲೆ ಕೈಯಿನ ಬೆಚ್ಚಿತ್ ವಾಸಿಮಾಡ್‌ನದಲ್ಲತೆ, ಬೋರೆ ಏದ್ ಅದ್ಬುತ ಕಾರ್ಯವು ಅಲ್ಲಿ ಅಂವೊಂಗ್ ಮಾಡ್‌ವಕ್ ಕಯಿಂಜಿತ್ತ್‌ಲ್ಲೆ.

ಅಪೊಸ್ತಲ 19:12

ಅಂವೊಂಡ ತಡೀನ ಮುಟ್ಟ್‌ನ ಕೈಚೌಕ ಪಿಂಞ ಪೊರಮೆ ಇಡ್‌ವ ಬಟ್ಟೇನ ಎಡ್‍ತಂಡ್, ಕಾಯಿಲೆ ಉಳ್ಳಯಿಂಗಡ ಮೇಲೆ ಬೆಪ್ಪಕ, ಅಯಿಂಗಡ ಕಾಯಿಲೆ ವಾಸಿ ಆಚಿ, ಕೂಳಿ ಪುಡ್‍ಚಯಿಂಗಡಯಿಂಜ ಕೂಳಿಯೆಲ್ಲ ಓಡಿ ಪೋಚಿ.

ಅಪೊಸ್ತಲ 5:15

ಇನ್ನನೆ ಇಪ್ಪಕ, ಪೇತ್ರ ನಡ್ಂದ್ ಪೋಪಕ ಅಂವೊಂಡ ನಳ ಆಚೇಂಗಿಯು, ಚೆನ್ನ ಜನಡಮೇಲೆ ಬೂವಡ್‍ೕಂದ್, ಜನ ರೋಗ ಇಂಜಯಿಂಗಳ ಮೆತ್ತೆ ಪಿಂಞ ಕಟ್ಟ್‌ಲ್ ಇಟ್ಟಿತ್ ಬೀದಿಕ್ ಎಡ್‍ತಂಡ್ ಬಾತ್.