ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:25 - ಕೊಡವ ಬೈಬಲ್

²⁵ ಇದ್‍ಲ್ಲತೆ ಎಲೀಯಂಡ ಕಾಲತ್‍ಲ್ ಮೂಂದರೆ ಕಾಲ ಮಳೆ ಬರತೆ, ದೇಶತ್‍ಲ್ ಬರಗಾಲ ಇಪ್ಪಕ, ಇಸ್ರಾಯೇಲ್‌ಲ್ ಎಚ್ಚಕೋ ವಿದವೆಯಿಂಗ ಇಂಜದ್ ನೇರ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:25 ပူးပေါင်းရင်းမြစ်များ

ಮತ್ತಾಯ 20:15

ನಾಡ ಪಣತ್‍ನ ನಾಕ್ ಕುಶಿ ಆಪನೆಕೆ ಮಾಡ್‌ವಕ್ ನಾಕ್ ಹಕ್ಕ್ ಇಲ್ಲೆಯಾ? ಅಥವ, ನಾಕ್ ಉದಾರ ಮನಸ್ಸ್ ಉಳ್ಳಾಂಗ್ ನೀಕ್ ಹೊಟ್ಟೆಕಿಚ್ಚಾ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:21

ಆ ಸಮಯತ್‍ಲ್ ದೇವಡ ಪವಿತ್ರಾತ್ಮನಗುಂಡ್ ಯೇಸು ಕುಶಿಪಟ್ಟಿತ್: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕೂ ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತ್ತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ. ಅಕ್ಕು ದೇವಾ! ಇನ್ನನೆ ಮಾಡ್‌ವಕ್ ನೀಕ್ ಕುಶಿಯಾಚಿ.

ರೋಮ್ 9:15

ದೇವ ಮೋಶೇನ ನೋಟಿತ್: ನಾಕ್ ದಾಡ ಮೇಲೆ ಕನಿಕರ ಕಾಟ್‍ವಕ್ ಕುಶಿಯುಂಡೋ, ಅಂವೊಂಡ ಮೇಲೆ ಕನಿಕರ ಕಾಟ್‌ವಿ, ದಾಡ ಮೇಲೆ ಕನಿಕರ ಕಾಟ್‍ವಕ್ ಕುಶಿಯುಂಡೋ, ಅಂವೊಂಡ ಮೇಲೆ ಕನಿಕರ ಕಾಟ್‍ವೀಂದ್ ಎಣ್ಣ್‌ಚಿ.

ರೋಮ್ 9:20

ಅನ್ನನೆ ಆಚೇಂಗಿ ಮನುಷ್ಯ! ದೇವಕ್ ವಿರೋದವಾಯಿತ್ ತಕ್ಕ್ ಪರಿಯುವಕ್ ನೀನ್ ದಾರ್? ಒರ್ ವಸ್ತು, ಅದ್‍ನ ಮಾಡ್‌ನಂವೊನ ನೋಟಿತ್, ನೀನ್ ಎನ್ನಂಗ್ ನನ್ನ ಇನ್ನನೆ ಮಾಡಿಯಾಂದ್ ಕ್‍ೕಪದ್ ಸರಿಯಾ?

ಎಫೆಸ 1:11

ದೇವಡ ಏರ್ಪಾಡ್‌ರ ಪ್ರಕಾರ ಅಂವೊಂಡ ತೀರ್ಮಾನತ್‍ರನೆಕೆ ಎಲ್ಲಾ ಆಯಂಡುಂಡ್. ಅನ್ನನೆ, ಅಂವೊಂಡ ಚಿತ್ತತ್‍ರನೆಕೆ, ನಂಗ ಅಂವೊಂಡ ಕೂಡೆ ಒಂದಾಯಿತ್ ಇಪ್ಪಕು, ಅಂವೊಂಡ ಕೂಡೆ ಪಾಲ್‍ದಾರಂಗಳಾಯಿತ್ ಇಪ್ಪಕು ಎಲ್ಲಾಕಿಂಜ ಮಿಂಞಲೇ, ದೇವ ನಂಗಳ ಗೊತ್ತ್ ಮಾಡ್‍ಚಿ.

ಎಫೆಸ 1:9

ದೇವ ಕ್ರಿಸ್ತಂಡ ಮೂಲಕ ಮಾಡಂಡೂಂದ್ ತೀರ್ಮಾನ ಮಾಡಿತ್ಂಜ, ಅಂವೊಂಡ ಕುಶೀರ ಚಿತ್ತತ್‍ರ ಗುಟ್ಟ್‌ನ ನಂಗ ಗೊತ್ತಾಪನೆಕೆ ಮಾಡ್‍ಚಿ.

ಯಾಕೋಬ 5:17

ಪಂಡತ್‌ರ ಪ್ರವಾದಿಯಾನ ಎಲೀಯ, ನಂಗಡೆನೆಕೆ ಕಷ್ಟ ಉಳ್ಳ ಒರ್ ಮನುಷ್ಯನಾಯಿತ್ಂಜತ್. ಮಳೆ ಬಪ್ಪಕ್ಕಾಗಾಂದ್ ನಂಬಿಕೇಲ್ ಪ್ರಾರ್ಥನೆ ಮಾಡ್‍ಚಿ. ಅಕ್ಕ ಮೂಂದರೆ ಕಾಲ ಮಳೆ ಬಂದಿತ್‌ಲ್ಲೆ.

ಪ್ರಕಟನೆ 11:6

ಈಂಗ ಪ್ರವಾದನೆ ಎಣ್ಣಿಯಂಡುಳ್ಳ ಕಾಲತ್‍ಲ್, ಬಾನತ್‍ನ ಮುಚ್ಚಿತ್ ಮಳೆ ಬಕ್ಕತನೆಕೆ ಮಾಡ್‌ವಕ್ ಈಂಗಕ್ ಅದಿಕಾರ ಉಂಡ್; ಅದಲ್ಲತೆ ಅಯಿಂಗಕ್ ನೀರ್‌ನ ಚೋರೆಯಾಯಿತ್ ಮಾಡ್‌ವಂತ ಶಕ್ತಿಯು, ಅಯಿಂಗಕ್ ಎಕ್ಕೆಕ್ಕ ಬೋಂಡ್‌ವೋ, ಅಕ್ಕ ಎಲ್ಲಾ ಬೂಮಿಕ್ ನಾನಾತರ ಬಾದೆ ಕೊಡ್‌ತಿತ್ ಅಲ್ಲಿ ಉಳ್ಳಯಿಂಗಳ ಹಿಂಸೆ ಮಾಡ್‌ವಕ್ ಅದಿಕಾರ ಉಂಡ್.