ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:8 - ಕೊಡವ ಬೈಬಲ್

⁸ ಆಚೇಂಗಿ ನಿಂಗ ನೇರಾಯಿತ್ ಪಶ್ಚಾತಾಪ ಪಟ್ಟಿತ್ ಬದ್‍ಲಾಯಿತ್ ಉಳ್ಳಿರಾಂದ್, ನಿಂಗಡ ಬದ್‍ಕ್‍ಲ್ ಪಿಂಞ ಕ್ರಿಯೇಲ್ ಕಾಟಿ; ಅಬ್ರಹಾಮ ನಂಗಡ ಅಪ್ಪಾಂದ್ ನಿಂಗ ಎಣ್ಣುವಕ್ ಸುರು ಮಾಡತಿ; ದೇವಕ್ ಇಲ್ಲಿ ಉಳ್ಳ ಕಲ್ಲಿಂಜ ಸಹ ಅಬ್ರಹಾಮಂಗ್ ಮಕ್ಕಳ ಪುಟ್ಟ್‌ಚಿಡ್‌ವಕ್ ಕಯ್ಯೂಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:8 ပူးပေါင်းရင်းမြစ်များ

ಮತ್ತಾಯ 21:43

ಆನಗುಂಡ್ ನಾನ್ ಎಣ್ಣ್‌ವಿ, ಪರಲೋಕ ರಾಜ್ಯತ್‍ನ ನಿಂಗಡ ಕೈಯಿಂಜ ಎಡ್‍ತಿತ್, ಆಂಗ್ ತಕ್ಕ ಫಲತ್‍ನ ಕೊಡ್‍ಪ ಮಕ್ಕಕ್ ಕೊಡ್‍ಪ.

ಮತ್ತಾಯ 3:8

ನಿಂಗ ನೇರಾಯಿತ್ ಪಶ್ಚಾತಾಪ ಪಟ್ಟಿತ್ ಬದ್‍ಲಾಯಿತ್ ಉಳ್ಳಿರಾಂದ್, ನಿಂಗಡ ಬದ್‍ಕ್‍ಲ್ ಪಿಂಞ ಕ್ರಿಯೇಲ್ ಕಾಟಿ.

ಮತ್ತಾಯ 3:9

ಅಬ್ರಹಾಮ ನಂಗಡ ಅಪ್ಪಾಂದ್ ಎಣ್ಣುವಕ್ ಗೇನ ಮಾಡತಿ. ದೇವಕ್ ಇಲ್ಲಿ ಉಳ್ಳ ಕಲ್ಲಿಂಜ ಸಹ ಅಬ್ರಹಾಮಂಗ್ ಮಕ್ಕಳ ಪುಟ್ಟ್‌ಚಿಡ್‌ವಕ್ ಕಯ್ಯೂಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:25

ಮನೆರ ಎಜಮಾನ ಎದ್ದಿತ್ ಪಡಿನ ಮುಚ್ಚ್‌ನ ಪಿಂಞ ಒಳ್‍ಕ್ ಪೋಪಕ್ ಕಯ್ಯುಲೆ. ನಿಂಗ ಪೊರಮೆ ನಿಂದಿತ್: ಒಡೆಯನೇ ಒಡೆಯನೇಂದ್ ಪಡಿನ ತಟ್ಟ್‌ವಿರ, ನಂಗಕ್ ಪಡಿ ತೊರ್‌ಂದ್ ಎಣ್ಣುವಿರ, ಆಚೇಂಗಿ ಮನೆರ ಎಜಮಾನ, ನಿಂಗ ದಾರ್‍ೕಂದ್ ನಾಕ್ ಗೊತ್ತ್‌ಲ್ಲೇಂದ್ ಎಣ್ಣುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:26

ಅಕ್ಕ ನಿಂಗ, ನಂಗ ನೀಡ ಕೂಡೆ ಉಂಡಿಯತ್ ಕುಡ್‌ಚತ್, ನೀನ್ ನಂಗಕ್ ಊರ್‌ಲ್ ಬೋದನೆ ಮಾಡಿಯೇಂದ್ ಎಣ್ಣ್‌ವಕ್ ಸುರು ಮಾಡ್‌ವಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:9

ಅಕ್ಕ ನಿಂಗಳ ಕಾಕ್‍ನಂವೊ ಬಂದಿತ್ ನೀನ್ ಅಳ್‌ತ ಕುರ್ಚಿನ ಇಂವೊಂಗ್ ಬುಟ್ಟ್‌ ಕೊಡ್‍ೕಂದ್ ಎಣ್ಣುವಕ, ನಿಂಗ ಞಾಣಪಟ್ಟಂಡ್ ಕಮ್ಮಿಯಾನ ಜಾಗಕ್ ಪೋಯಿತ್ ಅಳ್‍ಕಂಡು.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:40

ಅದ್ಂಗ್ ಯೇಸು: ಅಯಿಂಗ ಮುಂಡತೆ ಇಂಜತೇಂಗಿ ಇಲ್ಲಿ ಉಳ್ಳ ಕಲ್ಲ್ ಸಹ ಕೂತ್ ಕೊಡ್‍ಪಕ್ ಸುರು ಮಾಡ್‌ವಾಂದ್ ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:9

ಅದ್ಂಗ್ ಯೇಸು: ಇಂದ್ ನೀಕ್ ಪಿಂಞ ನೀಡ ಮನೆಲ್ ಉಳ್ಳಯಿಂಗಕ್ ರಕ್ಷಣೆ ಕ್‍ಟ್ಟ್‌ಚಿ; ಎನ್ನಂಗೆಣ್ಣ್‌ಚೇಂಗಿ, ಇಂವೊ ಸಹ ಅಬ್ರಹಾಮಂಡ ನೇರಾನ ಕುಮಾರನಾಯಿತುಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:21

ಅಲ್ಲಿ ಇಂಜ ಚೆನ್ನ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ: ದೇವ ದೂಷಣೆ ಎಣ್ಣುವ ಈ ಮನುಷ್ಯ ದಾರ್? ದೇವ ಒಬ್ಬನ ಬುಟ್ಟಿತ್ ಬೋರೆ ದಾರ್‌ಕ್ ಪಾಪತ್‍ನ ಮನ್ನಿಪ್ಪಕ್ ಕಯ್ಯೂಂದ್ ಅಯಿಂಗಯಿಂಗಳೇ ಗೇನ ಮಾಡಿಯಂಡಿಂಜತ್.

ಯೋಹಾನ 8:33

ಅದ್ಂಗ್ ಅಯಿಂಗ: ನಂಗ ಅಬ್ರಹಾಮಂಡ ಸಂತಾನಕಾರಂಗ, ನಂಗ ಏದ್ ಸಮಯತ್‍ಲು ದಾರ್‌ಕು ಅಡಿಯಾಳಾಯಿತ್ ಇಂಜಿತ್‌ಲ್ಲೆ; ಅನ್ನನೆ ಇಪ್ಪಕ, ನಿಂಗ ಬುಡ್‍ಗಡೆ ಆಪಿರಾಂದ್ ಎನ್ನನೆ ಎಣ್ಣುವಿಯಾಂದ್ ಕ್‍ೕಟತ್.

ಯೋಹಾನ 8:39

ಅದ್ಂಗ್ ಅಯಿಂಗ: ಅಬ್ರಹಾಮನೇ ನಂಗಡ ಮುತ್ತಜ್ಜಾಂದ್ ಎಣ್ಣ್‌ಚಿ. ಯೇಸು ಅಯಿಂಗಕ್: ನಿಂಗ ಅಬ್ರಹಾಮಂಡ ಮಕ್ಕಳಾಯಿತ್ಂಜತೇಂಗಿ, ಅಂವೊ ಎಣ್ಣ್‌ನನೆಕೆ ಮಾಡ್‍ವಿರಲ್ಲಾ?

ಅಪೊಸ್ತಲ 26:20

ಅಕ್ಕ, ಆದ್ಯವಾಯಿತ್ ದಮಸ್ಕತ್‍ಲ್, ಅಲ್ಲಿಂಜ ಯೆರೂಸಲೇಮ್‍ಲ್, ಯೂದಾಯತ್‍ಲ್ ಎಲ್ಲಾ ಸೀಮೆಲ್ ಪಿಂಞ ಯೆಹೂದ್ಯಂಗಲ್ಲತಯಿಂಗಕ್ ಸಹ ಪೋಯಿತ್ ಬೋದನೆ ಮಾಡ್‍ನ. ಅಯಿಂಗ ಪಾಪತ್ಂಜ ತಿರಿತ್, ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್ ಬರಂಡೂಂದು, ಪಿಂಞ ಅಯಿಂಗ ದೇವಡ ಪಕ್ಕ ತಿರಿರ್‌ತ್‍ೕಂದ್ ಕಾಂಬ್‍ಚಿಡುವನೆಕೆ, ಯೋಗ್ಯವಾನ ಬದ್‍ಕ್ ಬದ್‍ಕಂಡೂಂದ್ ಅಯಿಂಗಕ್ ಎಣ್ಣಿಯೆ.

ರೋಮ್ 4:16

ಆನಗುಂಡ್, ಬಾದ್ಯತೆ ಕೃಪೆಯಿಂಜ ಬಪ್ಪನೆಕೆ ಅದ್ ನಂಬಿಕೇರ ಮೂಲಕ ಬಾತ್; ನ್ಯಾಯಪ್ರಮಾಣಕ್ ಕೂಡ್‍ನ ಸಂತಾನಕಾರಂಗಕ್ ಮಾತ್ರ ಅಲ್ಲತೆ, ನಂಗ ಎಲ್ಲಾರ್‌ಕು ಅಪ್ಪನಾನ ಅಬ್ರಹಾಮಂಡ ನಂಬಿಕೇಕ್ ಕೂಡ್‍ನ ಎಲ್ಲಾ ಸಂತಾನಕಾರಂಗಕು ಆ ವಾಗ್ದಾನ ಕಂಡಿತವಾಯಿತ್ ಬಂದಂಡುಂಡ್.

ರೋಮ್ 9:7

ಅಯಿಂಗ ಅಬ್ರಹಾಮಂಡ ಸಂತಾನಕಾರಂಗಳಾಯಿತ್ ಇಂಜತೇಂಗಿಯು, ಅಯಿಂಗ ಎಲ್ಲಾರು ಅಂವೊಂಡ ಮಕ್ಕ ಅಲ್ಲ; ಅಂವೊಂಡ ಮೋಂವೊನಾನ ಇಸಾಕಂಡಲ್ಲಿ, ಇಂವೊಂಡ ಮೂಲಕವೇ ನೀಡ ಸಂತಾನ ಆಪಾಂದ್ ಅಬ್ರಹಾಮಂಗ್ ಎಣ್ಣಿತುಂಡಲ್ಲ?

ಫಿಲಿಪ್ಪಿ 1:11

ಅದಲ್ಲತೆ ಇಲ್ಲಿಯತ್‍ರ ನಿಂಗಡ ಬದ್‍ಕ್ ಯೇಸು ಕ್ರಿಸ್ತನಗುಂಡ್ ಮಾತ್ರ ಕ್‍ಟ್ಟ್‌ವ ನೀತಿರ ಗುಣತ್‍ಲ್ ದುಂಬ್‍ನದಾಯಿತ್ ಇಪ್ಪ. ಅನ್ನನೆ ದೇವಕ್ ಮಾತ್ರ ಮಹಿಮೆ ಪಿಂಞ ತುದಿ ಆಡ್.