ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:21 - ಕೊಡವ ಬೈಬಲ್

²¹ ಜನಯೆಲ್ಲ ದೀಕ್ಷಾಸ್ನಾನ ಎಡ್‍ತಂಡಿಪ್ಪಕ, ಯೇಸು ಸಹ ಅಂವೊಂಡ ಪಕ್ಕ ಬಂದಿತ್ ದೀಕ್ಷಾಸ್ನಾನ ಎಡ್‍ತತ್. ಅಕ್ಕ ಯೇಸು ಪ್ರಾರ್ಥನೆ ಮಾಡಿಯಂಡಿಪ್ಪಕ, ಪರಲೋಕ ತೊರ್ಂದತ್;

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:21 ပူးပေါင်းရင်းမြစ်များ

ಮತ್ತಾಯ 14:23

ಎಲ್ಲಾ ಜನಳ ಅಯಿಚಿರುವಂಜಿ, ಅಂವೊ ಒಬ್ಬನೇ ಪ್ರಾರ್ಥನೆ ಮಾಡ್‌ವಕ್ ಕುಂದ್‌ರ ಕೊಡಿಕ್ ಪೋಚಿ. ಬಯಿಟಾಪಕ ಯೇಸು ಒಬ್ಬನೇ ಅಲ್ಲಿ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:16

ಆಚೇಂಗಿಯು, ಯೇಸು ಅಕ್ಕಕ್ಕ, ಜನ ದಾರೂ ಇಲ್ಲತ ಜಾಗಕ್ ಪೋಯಿತ್ ಪ್ರಾರ್ಥನೆ ಮಾಡ್‌ವಯಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:18

ಒರ್ ದಿವಸ ಯೇಸು ಒಬ್ಬನೇ ಪ್ರಾರ್ಥನೆ ಮಾಡಿಯಂಡಿಪ್ಪಕ, ಅಂವೊಂಡ ಶಿಷ್ಯಂಗ ಯೇಸುರ ಕೂಡೆ ಇಂಜತ್. ಯೇಸು: ನಾನ್ ದಾರ್‍ೕಂದ್ ಈ ಜನ ಎಣ್ಣುವ? ಎಣ್ಣಿಯಂಡ್ ಶಿಷ್ಯಂಗಳ ಕ್‍ೕಟತ್.

ಯೋಹಾನ 1:51

ಪರಲೋಕ ತೊರಂದಿತ್ ದೇವದೂತಂಗ ಮನುಷ್ಯಕುಮಾರಂಡಿಂಜ ಪೋಪದ್‌ನ ಪಿಂಞ ಇಳಿಂಜ್ ಬಪ್ಪದ್‍ನ ಇಕ್ಕಯಿಂಜ ನಿಂಗ ಎಲ್ಲಾರು ಕಾಂಬಿರಾಂದ್ ನಾನ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 1:22

ಯೇಸು ನಂಗಡ ಮದ್ಯತ್ ಸೇವೆ ಮಾಡಿಯಂಡಿಂಜ ಕಾಲತ್‍ಲ್, ನಂಗಡ ಕೂಡೆ ಇಂಜ ಒಬ್ಬ, ಯೇಸು ಚಾವ್‍ಯಿಂಜ ಪುನಃ ಜೀವವಾಯಿತ್ ಬಾತ್‍ೕಂದ್ ಉಳ್ಳ ವಿಷಯತ್‍ನ ನಂಗಡನೆಕೆ ಸಾಕ್ಷಿಯಾಯಿತ್ ಎಣ್ಣ್‌ವಂವೊನ ನೇಮಿಚಿಡಡೂಂದ್ ಪೇತ್ರ ಎಣ್ಣ್‌ಚಿ.