ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:16 - ಕೊಡವ ಬೈಬಲ್

¹⁶ ಅಕ್ಕ ಯೋಹಾನ: ನಾನ್ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ಕೊಡ್‍ತಂಡುಂಡ್. ಆಚೇಂಗಿ ನಾಕಿಂಜ ಬಲ್ಯಂವೊ ಒಬ್ಬ ಬಪ್ಪ. ನಾನ್ ಅಂವೊಂಡ ಕಾಲ್‍ರ ಎಕ್ಕಡತ್‌ನ ಉತ್ತ್‌ವಕ್ ಸಹ ನಾಕ್ ಯೋಗ್ಯತೆ ಇಲ್ಲೆ. ಅಂವೊ ನಿಂಗಳ ಪವಿತ್ರಾತ್ಮತ್‍ಲ್ ಪಿಂಞ ತಿತ್ತ್‌ಲ್ ದೀಕ್ಷಾಸ್ನಾನ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:16 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:23

ನಾಡ ಎಚ್ಚರ ತಕ್ಕ್‌ಕ್‌ ಕೆಮಿ ಕೊಡಿ; ಇದಾ, ನಾಡ ಆತ್ಮತ್‌ನ ನಾನ್‌ ನಿಂಗಡ ಮೇಲೆ ಬೂಕಿತ್, ನಾಡ ತಕ್ಕ್‌ ನಿಂಗಕ್‌ ಗೊತ್ತಾಪನೆಕೆ ಮಾಡುವಿ.

ಮತ್ತಾಯ 3:11

ನಿಂಗಡ ಮನಸ್ಸ್ ದೇವಡಲ್ಲಿಕ್ ತಿರ್‍ಗ್‍ಚೀಂದ್ ನಾನ್ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ತಪ್ಪಿ. ಆಚೇಂಗಿ ನಾಕ್ ಬಯ್ಯ ಒಬ್ಬ ಬಪ್ಪ, ಅಂವೊ ನಾಕಿಂಜ ಶಕ್ತಿವಂತಂವೊ. ಅಂವೊಂಡ ಕಾಲ್‍ರ ಎಕ್ಕಡತ್‌ನ ಉತ್ತ್‌ವಕ್ ಸಹ ನಾಕ್ ಯೋಗ್ಯತೆ ಇಲ್ಲೆ. ಅಂವೊ ನಿಂಗಳ ಪವಿತ್ರಾತ್ಮತ್‍ಲ್ ಪಿಂಞ ತಿತ್ತ್‌ಲ್ ದೀಕ್ಷಾಸ್ನಾನ ಮಾಡ್‌ವ.

ಮತ್ತಾಯ 3:12

ಅಂವೊಂಡ ಕೈಯಿಲ್ ಒರ್ ಪಾತ್‍ಮೊರ ಉಂಡ್, ಅದ್‍ನಗುಂಡ್ ಅಂವೊ ತಾಂಡ ಕಳತ್‌ನ ಶುದ್ದ ಮಾಡಿತ್ ಪಿಲ್ಲ್‌ಕಾಳ್‌ನ ಗೋದಿ ಕಾಳ್‌ಯಿಂಜ ಬೋರೆ ಮಾಡಿತ್ ತಾಂಡ ಗೋದಿ ಕಾಳ್‌ನ ಪತ್ತಾಯ ಕೋಂಬರೆಲ್ ದುಂಬ್‌ಚಿಡ್‌ವ; ಪಿಲ್ಲ್‌ಕಾಳ್‌ನ ಕೆಡತ ತಿತ್ತ್‌ಲ್ ಚುಡ್‌ವಾಂದ್ ಎಣ್ಣ್‌ಚಿ.

ಯೋಹಾನ 1:26

ಅದ್ಂಗ್ ಯೋಹಾನ: ನಾನ್ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ಕೊಡ್‍ತಂಡುಂಡ್; ನಿಂಗಕ್ ಗೊತ್ತಿಲ್ಲತ ಒಬ್ಬ ನಿಂಗಡ ಮದ್ಯತ್‍ಲ್ ನಿಂದಂಡುಂಡ್.

ಯೋಹಾನ 1:27

ನಾನ್ ಈ ಲೋಕತ್‍ಲ್ ಬಂದ ಪಿಂಞ ಅಂವೊ ಬಂದತೇಂಗಿಯು, ಅಂವೊ ನಾಕಿಂಜ ಬಲ್ಯಂವೊ; ಅಂವೊಂಡ ಕಾಲ್‍ರ ಎಕ್ಕಡತ್‌ನ ಉತ್ತ್‌ವಕ್ ಸಹ ನಾಕ್ ಯೋಗ್ಯತೆ ಇಲ್ಲೇಂದ್ ಎಣ್ಣ್‌ಚಿ.

ಯೋಹಾನ 1:33

ನಾಕ್ ಇಂವೊ ದಾರ್‍ೕಂದ್ ಗೊತ್ತ್‌ಂಜಿತ್‌ಲ್ಲೆ; ಆಚೇಂಗಿಯು, ನೀರ್‌ಲ್ ದೀಕ್ಷಾಸ್ನಾನ ಕೊಡ್‍ಪಕ್ ನನ್ನ ಅಯಿಚ ದೇವ ನಾಡ ಪಕ್ಕ: ಪವಿತ್ರಾತ್ಮ ದಾಡ ಮೇಲೆ ಬಂದಿತ್ ಅಳ್‍ಪದ್‍ನ ನೀನ್ ಕಾಂಬಿಯೋ, ಅಂವೊನೇ ಪವಿತ್ರಾತ್ಮತ್‍ಲ್ ದೀಕ್ಷಾಸ್ನಾನ ಕೊಡ್‍ಪಂವೋಂದ್ ನಾಕ್ ಎಣ್ಣಿತ್ಂಜತ್.

ಯೋಹಾನ 7:38

ದೇವಡ ವಾಕ್ಯ ಎಣ್ಣ್‌ವನೆಕೆ, ನಾಡ ಮೇಲೆ ನಂಬಿಕೆ ಬೆಪ್ಪ್ಂವೊಂಗ್, ಅಂವೊಂಡ ಹೃದಯತ್ಂಜ ಜೀವ ತಪ್ಪ ನೀರ್ ಉಳ್ಳ ಪೊಳೆ ಉಕ್ಕ್‌ವಾಂದ್ ಎಣ್ಣ್‌ಚಿ.

ಅಪೊಸ್ತಲ 1:5

ಯೋಹಾನ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ಕೊಡ್‍ತತ್, ಆಚೇಂಗಿ ಇಂಞು ಚೆನ್ನ ದಿವಸತ್‍ಲ್ ನಿಂಗಳ ಪವಿತ್ರಾತ್ಮತ್‍ಲ್ ದೀಕ್ಷಾಸ್ನಾನ ಮಾಡ್‌ವ. ಆನಗುಂಡ್ ನಿಂಗ ಯೆರೂಸಲೇಮ್‍ನ ಬುಟ್ಟಿತ್ ಪೋಕತೆ, ನಾನ್ ನಿಂಗಕ್ ಎಣ್ಣ್‌ನ ನಾಡ ಅಪ್ಪಂಡ ವಾಗ್ದಾನತ್‍ರ ವರ ನಿಂಗಡಲ್ಲಿ ನೆರವೇರ್‍ವಕತ್ತನೆ ಪಾರಕಾತಂಡಿರೀಂದ್ ಆಜ್ಞೆ ಕೊಡ್‍ತತ್.

ಅಪೊಸ್ತಲ 10:44

ಪೇತ್ರ ಇದ್‍ನ ಎಣ್ಣಿಯಂಡಿಪ್ಪಕಲೇ, ಅಂವೊಂಡ ಬೋದನೆ ಕ್‍ೕಟಂಡಿಂಜ ಎಲ್ಲಾಡ ಮೇಲೆ ಪವಿತ್ರಾತ್ಮ ಇಳಿಂಜಿ ಬಾತ್.

ಅಪೊಸ್ತಲ 2:33

ಅಂವೊನ ದೇವ ತಾಂಡ ಬಲ್‌ತೆ ಬರಿಲ್ ಅಳ್‍ಪ್‍ಚಿಟ್ಟಿತ್, ದೇವ ವಾಗ್ದಾನ ಮಾಡ್‍ನನೆಕೆ ಪವಿತ್ರಾತ್ಮನ ಅಯಿಪಕ್ ಅದಿಕಾರ ಕೊಡ್‍ತತ್. ನಿಂಗ ಇಕ್ಕ ನೋಟಿಯಂಡ್, ಕ್‍ೕಟಂಡ್ ಉಳ್ಳನೆಕೆ, ಅಂವೊ ನಂಗಡ ಮೇಲೆ ಪವಿತ್ರಾತ್ಮತ್‍ನ ಬೂಕಿತುಂಡ್.

1 ಕೊರಿಂಥ 12:13

ನಂಗ ಯೆಹೂದ್ಯ ಜನವಾಯಿತ್ ಇಂಜತೇಂಗಿಯು, ಯೆಹೂದ್ಯರಲ್ಲತ ಬೋರೆ ಜನವಾಯಿತ್ ಇಂಜತೇಂಗಿಯು, ಅಡಿಯಾಳಾಯಿತ್ ಇಂಜತೇಂಗಿಯು, ಬುಡ್‍ಗಡೆ ಆನ ಜನವಾಯಿತ್ ಇಂಜತೇಂಗಿಯು, ಎಲ್ಲಾ ಜನಳು ಒರೇ ಆತ್ಮತ್‍ರಗುಂಡ್ ಒರೇ ತಡಿಕ್ ದೀಕ್ಷಾಸ್ನಾನ ಪಡ್ಂದಿತ್, ಒರೇ ಆತ್ಮ ನಂಗಡ ಕೂಡೆ ವಾಸ ಮಾಡಿಯಂಡುಂಡ್.