ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:14 - ಕೊಡವ ಬೈಬಲ್

¹⁴ ಚೆನ್ನ ಸಿಪಾಯಿಯ ಬಂದಿತ್: ನಂಗ ಎಂತ ಮಾಡಂಡೂಂದ್ ಕ್‍ೕಟತ್. ಅದ್ಂಗ್ ಅಂವೊ: ನಿಂಗ ದಾರ್‌ಕು ತೊಂದರೆ ಕೊಡ್‍ಕತೆ, ಕುತ್ತಪರಿಯತೆ, ದಾಡಗುಂಡ್ ಜಾಸ್ತಿ ದುಡ್ಡ್ ಎಡ್‍ಕತೆ, ನಿಂಗಕ್ ಎಚ್ಚಕ್ ಸಂಬಳ ಉಂಡೋ ಅದ್‍ಲ್ ತೃಪ್ತಿ ಪಟ್ಟೊಳೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:14 ပူးပေါင်းရင်းမြစ်များ

ಮತ್ತಾಯ 8:5

ಯೇಸು ಕಪೆರ್ನೌಮ್‍ಕ್ ಬಪ್ಪಕ ರೋಮ್ ರಾಜ್ಯತ್‍ರ ಒರ್ ಅದಿಕಾರಿ ಯೇಸುರ ಪಕ್ಕ ಬಂತ್:

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:8

ಜಕ್ಕಾಯಂಡ ಮನೆಲ್ ಯೇಸು ಇಪ್ಪಕ ಅಂವೊ ಎದ್ದ್ ನಿಪ್ಪಂಜಿ: ಒಡೆಯ, ಇಕ್ಕ ನಾನ್ ನಾಡ ಆಸ್ತಿಲ್ ಪಾದಿನ ಗರೀಬಂಗಕ್ ಕೊಡ್‍ಪಿ, ನಾನ್ ದಾರ್‌ಕೇಂಗಿ ಮೋಸ ಮಾಡಿತುಂಡೇಂಗಿ ಅದ್‍ನ ನಾಲ್ ಪಾಲಾಯಿತ್ ಅಯಿಂಗಕ್ ಕೊಡ್‌ಪೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:10

ಅಕ್ಕ ಜನಯೆಲ್ಲಾ: ನಂಗ ಎಂತ ಮಾಡಂಡೂಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:13

ಅದ್ಂಗ್ ಅಂವೊ: ನಿಂಗ ಕಂದಾಯತ್‍ನ ಕಳ್ಳ ತರತ್‍ಲ್ ಎಡ್‍ಕತೆ, ಎಚ್ಚಕ್ ಸರಿ ಆಯಿತುಂಡೋ ಅಚ್ಚಕ್ ಎಡ್‌ತತೇಂಗಿ ಮದೀಂದ್ ಎಣ್ಣ್‌ಚಿ.

ಅಪೊಸ್ತಲ 10:7

ಕೊರ್ನೇಲ್ಯ ತಾಂಡಕೂಡೆ ತಕ್ಕ್ ಪರ್ಂದ ದೇವದೂತ ಪೋನ ಪಿಂಞ ತಾಂಡ ಮನೆಲ್ ಕೆಲಸ ಮಾಡ್‌ವ ದಂಡ್ ಆಳ್‍ವಳ ಪಿಂಞ ತಾಂಡ ಪಕ್ಕ ಸೇವೆ ಮಾಡ್‌ವ ದೇವಡ ಬಕ್ತಿಯುಳ್ಳ ಒರ್ ಸಿಪಾಯಿನ ಕಾಕಿತ್,

ಫಿಲಿಪ್ಪಿ 2:15

ಅಕ್ಕ, ದಾರೂ ನಿಂಗಳ ಕುತ್ತ ಪರಿಯುಲೆ. ಮೋಸ ಪಿಂಞ ನೀಚ ಜನ ದುಂಬಿತುಳ್ಳ ಈ ಲೋಕತ್‍ಲ್, ಪಳಪಳಾಂದ್ ಬೊಳಿರನೆಕೆ ಮಿನ್ನಿಯಂಡ್, ಒರ್ ಕಳಂಗ ಪಿಂಞ ಕಪಟತನ ಇಲ್ಲತೆ, ದೇವಡ ಮಕ್ಕಳಾಯಿತ್ ಬದ್‍ಕಂಡು.

ಫಿಲಿಪ್ಪಿ 4:11

ನಾನ್ ಕಷ್ಟತ್‍ಲ್ ಉಳ್ಳ್‌ಂದ್ ನಾನ್ ಇನ್ನನೆ ಎಣ್ಣಿಯಂಡಿಲ್ಲೆ; ಎನ್ನಂಗೆಣ್ಣ್‌ಚೇಂಗಿ, ನಾಕ್ ದುಂಬ ಇಂಜತೇಂಗಿಯು, ಕಮ್ಮಿಯಾಯಿತ್ ಇಂಜತೇಂಗಿಯು ನಾನ್ ತೃಪ್ತಿಲ್ ಇಪ್ಪಕ್ ಪಡಿಚಿಯೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:3

ಅನ್ನನೆ ವಯಸ್ಸಾನ ಪೊಣ್ಣಾಳ್‍ವಳು, ದೇವಡ ಮೇಲೆ ಪ್ರೀತಿ ಉಳ್ಳಯಿಂಗ ನಡ್‍ಪನೆಕೆ ನಡ್‌ಕಂಡು. ಕುತ್ತ ಪರಿಯತಯಿಂಗಳಾಯಿತ್, ಕಳ್ಳ್ ಕುಡಿಚಂಡ್ ಇಪ್ಪಕ್ಕಾಗ. ಏದ್ ನಲ್ಲದೋ, ಅದ್‍ನ ಅಯಿಂಗ ಬೋರೆಯಿಂಗಕ್ ಪಡಿಪ್‍ಚಿಡಂಡು.

ಪ್ರಕಟನೆ 12:10

ಅಕ್ಕ, ಪರಲೋಕತ್‍ಲ್ ಒರ್ ಬಲ್ಯ ವಾಣಿ ಕ್‍ೕಟತ್: ಇಕ್ಕ, ರಕ್ಷಣೆಯು, ಶಕ್ತಿಯು, ನಂಗಡ ದೇವಡ ರಾಜ್ಯವು, ಅಂವೊಂಡ ಕ್ರಿಸ್ತಂಡ ಅದಿಕಾರವು ಬಂದಿತುಂಡ್; ಬಯಿಟ್ ಪೋಲ್ ನಂಗಡ ದೇವಡ ಮಿಂಞತ್, ನಂಗಡ ಅಣ್ಣತಮ್ಮಣಂಗಡ ಮೇಲೆ ಕುತ್ತ ಪರ್ಂದಂಡ್ ಇಂಜ ಅಂವೊ, ಅಡಿಕ್ ಬೂವನೆಕೆ ಮಾಡಿರ್‌ತ್.