ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:13 - ಕೊಡವ ಬೈಬಲ್

¹³ ಅದ್ಂಗ್ ಅಂವೊ: ನಿಂಗ ಕಂದಾಯತ್‍ನ ಕಳ್ಳ ತರತ್‍ಲ್ ಎಡ್‍ಕತೆ, ಎಚ್ಚಕ್ ಸರಿ ಆಯಿತುಂಡೋ ಅಚ್ಚಕ್ ಎಡ್‌ತತೇಂಗಿ ಮದೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:13 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 28:13

ತಾಂಡ ಪಾಪತ್‌ನ ಮುಚ್ಚ್‌ವಂವೊ ಚಾಯಾಪುಲೆ. ಆಚೇಂಗಿ ತಾಂಡ ಪಾಪತ್‌ನ ಅರಿಕೆ ಮಾಡಿತ್‌ ಅದ್‌ನ ಬುಡುವಂವೊಂಗ್‌ ಕರುಣೆ ಕ್‌ಟ್ಟುವ.

ಮತ್ತಾಯ 7:12

ಆನಗುಂಡ್, ಬೋರೆಯಿಂಗ ನಿಂಗಕ್ ಎಂತ ಮಾಡಂಡೂಂದ್ ಕುಶಿ ಪಡ್‌ವಿರೋ ಅದ್‍ನ ನಿಂಗ ಬೋರೆಯಿಂಗಕು ಮಾಡಿ. ಇದೇ ನ್ಯಾಯಪ್ರಮಾಣ ಪಿಂಞ ಪ್ರವಾದಿಯಡ ಬೋದನೆಯು ಆಯಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:8

ಜಕ್ಕಾಯಂಡ ಮನೆಲ್ ಯೇಸು ಇಪ್ಪಕ ಅಂವೊ ಎದ್ದ್ ನಿಪ್ಪಂಜಿ: ಒಡೆಯ, ಇಕ್ಕ ನಾನ್ ನಾಡ ಆಸ್ತಿಲ್ ಪಾದಿನ ಗರೀಬಂಗಕ್ ಕೊಡ್‍ಪಿ, ನಾನ್ ದಾರ್‌ಕೇಂಗಿ ಮೋಸ ಮಾಡಿತುಂಡೇಂಗಿ ಅದ್‍ನ ನಾಲ್ ಪಾಲಾಯಿತ್ ಅಯಿಂಗಕ್ ಕೊಡ್‌ಪೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:12

ಕಂದಾಯ ಎಡ್‌ಪಯಿಂಗಳು ದೀಕ್ಷಾಸ್ನಾನ ಎಡ್‍ಪಕ್ ಅಂವೊಂಡ ಪಕ್ಕ ಬಂದಿತ್: ಉಪಾದ್ಯನೇ, ನಂಗ ಎಂತ ಮಾಡಂಡೂಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:14

ಚೆನ್ನ ಸಿಪಾಯಿಯ ಬಂದಿತ್: ನಂಗ ಎಂತ ಮಾಡಂಡೂಂದ್ ಕ್‍ೕಟತ್. ಅದ್ಂಗ್ ಅಂವೊ: ನಿಂಗ ದಾರ್‌ಕು ತೊಂದರೆ ಕೊಡ್‍ಕತೆ, ಕುತ್ತಪರಿಯತೆ, ದಾಡಗುಂಡ್ ಜಾಸ್ತಿ ದುಡ್ಡ್ ಎಡ್‍ಕತೆ, ನಿಂಗಕ್ ಎಚ್ಚಕ್ ಸಂಬಳ ಉಂಡೋ ಅದ್‍ಲ್ ತೃಪ್ತಿ ಪಟ್ಟೊಳೀಂದ್ ಎಣ್ಣ್‌ಚಿ.

1 ಕೊರಿಂಥ 6:10

ಕಳ್ಳಂಗ, ಅತಿ ಆಸೆ ಉಳ್ಳಯಿಂಗ, ಕುಡ್‍ಕಂಗ, ತಪ್ಪಿಲ್ಲತದ್‍ನ ತಪ್ಪ್‍ೕಂದ್ ಎಣ್ಣ್‌ವಯಿಂಗ, ಲೂಟಿಕಾರಂಗ, ಈಂಗ ದಾರೂ ದೇವಡ ರಾಜ್ಯಕ್ ಬಾದ್ಯತೆ ಉಳ್ಳಯಿಂಗಳಾಯಿತ್ ಇಪ್ಪುಲೆ.

ಎಫೆಸ 4:28

ಕಳ್ಳತನ ಮಾಡ್‌ವಯಿಂಗ ಇಂಞು ಮಿಂಞಕ್ ಕಕ್ಕತೆ, ತಾಂಡ ಕೈಯಿನಗುಂಡ್ ನಲ್ಲ ಕೆಲಸ ಮಾಡಿತ್, ಬೋಂಡಿಯಾನಯಿಂಗಕ್ ಕೊಡ್‍ಕಂಡು.

ಇಬ್ರಿಯ 12:1

ಆನಗುಂಡ್, ನಂಬಿಕೇರ ಮೂಲಕ ಬದ್‍ಕನಯಿಂಗಡ, ಮೋಡತ್‍ರನೆಕೆ ಉಳ್ಳ ಬಲ್ಯ ಗುಂಪ್‍ರ, ಇಚ್ಚಕ್ ಬಲ್ಯ ಸಾಕ್ಷಿ ನಂಗಡ ಸುತ್ತ್‌ಲ್ ಇಪ್ಪಕ, ನಂಗಳ ಮಿಂಞಕ್ ಪೋಪಕ್ ಕಯ್ಯತನೆಕೆ ನಂಗಡ ಮೇಲೆ ಉಳ್ಳ ಎಲ್ಲಾ ಬಾರತ್‍ನ ಪಿಂಞ ನಂಗಳ ಸುಲಬವಾಯಿತ್ ಚಿಕ್ಕಿಚಿಡುವ ಪಾಪತ್‍ನ ಚಾಡಿತ್ ಕಳೆಯಂಡು.