ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:44 - ಕೊಡವ ಬೈಬಲ್

⁴⁴ ನಾನ್ ನಿಂಗಡ ಕೂಡೆ ಇಪ್ಪಕಲೆ, ಮೋಶೇರ ನ್ಯಾಯಪ್ರಮಾಣತ್‍ಲ್, ಪ್ರವಾದಿಯಂಗಡ ಪುಸ್ತಕತ್‍ಲ್ ಪಿಂಞ ದೇವಡ ಪಾಟ್‍ಲ್ ಒಳ್‍ದಿತುಳ್ಳ ನಾಡ ವಿಷಯವೆಲ್ಲ ಆಂಡೂಂದ್ ಎಣ್ಣಿಯೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:44 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 14:18

ಉನ್ನತವಾನ ದೇವಡ ಯಾಜಕನಾಯಿತ್‌ಂಜ ಸಾಲೇಮಿರ ರಾಜನಾನ ಮೆಲ್ಕೀಚೆದೆಕ ಸಹ ಒಟ್ಟಿನ ಪಿಂಞ ದ್ರಾಕ್ಷಿರಸತ್‌ನ ಅಬ್ರಾಮಂಗ್‌ ಕೊಂಡಬಾತ್.

ಆದ್ಯತ್‌ರ ಪುಸ್ತಕ 22:18

ನೀನ್‌ ನಾಡ ತಕ್ಕ್‌ಕ್‌ ತಗ್ಗಿತ್‌ ನಡ್‌ಂದಗುಂಡ್‌ ನೀಡ ಸಂತಾನತ್‌ರ ಮೂಲಕ ಈ ಬೂಮಿಲ್‌ ಉಳ್ಳ ಎಲ್ಲಾ ಜನಾಂಗಳು ಆಶೀರ್ವಾದ ಪೊಂದುವಾಂದು ಯೆಹೋವ ಅಂವೊಂಡ ಮೇಲೆ ಆಣೆ ಮಾಡಿತ್‌ ಎಣ್ಣಿಚೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 3:15

ನೀಕು ಪೊಣ್ಣಾಳ್‌ಕು, ನೀಡ ಸಂತಾನಕು ಪೊಣ್ಣಾಳ್‌ರ ಸಂತಾನಕು ಪಗೆತನ ಉಂಟ್ ಮಾಡ್‌ವಿ. ಅಂವೊ ನೀಡ ಮಂಡೆನ ಜಜ್ಜ್‌ವ, ನೀನ್‌ ಅಂವೊಂಡ ಕಾಲ್‌ರ ಮುಡಿನ ಕಡಿಪಿಯಾಂದ್‌ ದೇವ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 49:10

ಸಮಾದಾನತ್‌ರ ಆಳುವಿಕೆ ತಪ್ಪಂವೊ ಬಪ್ಪಕತ್ತನೆ, ರಾಜ ಅದಿಕಾರ ಯೆಹೂದನ ಬುಟ್ಟಿತ್‌ ಪೋಪದು ಇಲ್ಲೆ, ಆಳ್‌ವಿಕೆರೆ ಕೋಲ್‌ ಅಂವೊಂಡ ಕಾಲ್‌ನ ಬುಟ್ಟಿತ್‌ ಪೋಪದು ಇಲ್ಲೆ. ದುಂಬ ಜನಾಂಗ ಅಂವೊಂಗ್‌ ಬಗ್ಗಿತ್‌ ನಡ್‌ಪ.

ಮತ್ತಾಯ 1:22

ಪ್ರವಾದಿಯಡ ಮೂಲಕ ಒಡೆಯ ಎಣ್ಣ್‌ನದ್ ನೆರೆವೇರ್‌ವನೆಕೆ ಇದೆಲ್ಲಾ ನಡ್ಂದತ್.

ಮತ್ತಾಯ 16:21

ಅಕ್ಕಯಿಂಜ ಯೇಸು ಅಯಿಂಗಕ್: ನಾನ್ ಯೆರೂಸಲೇಮ್‌ಕ್ ಪೋಪಕ ಅಲ್ಲಿಯತ್ ಪೆರಿಯಯಿಂಗ, ಮುಕ್ಯ ಯಾಜಕಂಗ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡಗುಂಡ್ ಕಷ್ಟಪಡಂಡೂಂದ್ ಎಣ್ಣ್‌ವಕ್‌ ಸುರು ಮಾಡ್‍ಚಿ. ಅಲ್ಲಿ ಪೋಪಕ ನನ್ನ ಕೊಂದ್‌ರ್‌ವ, ಆಚೇಂಗಿಯು ಮೂಂದನೆ ದಿವಸತ್‍ಲ್ ಚಾವ್‍ಯಿಂಜ ಜೀವವಾಯಿತ್ ಏವೀಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 26:54

ಆಚೇಂಗಿ ನಾನ್ ಅನ್ನನೆ ಮಾಡ್‍ಚೇಂಗಿ, ಇನ್ನನೆಲ್ಲಾ ನಡ್‍ಕಂಡೂಂದ್ ಒಳ್‍ದಿತುಳ್ಳ ದೇವಡ ವಾಕ್ಯ ಎನ್ನನೆ ನೆರವೇರುವ?

ಮತ್ತಾಯ 26:56

ಆಚೇಂಗಿಯು ಪ್ರವಾದಿಯಂಗ ಒಳ್‌ದಿತುಳ್ಳದೆಲ್ಲಾ ನೆರವೇರಿಚಿಡುವನೆಕೆ ಇದೆಲ್ಲ ಆಚೀಂದ್ ಯೇಸು ಎಣ್ಣ್‌ಚಿ. ಅಕ್ಕ ಅಂವೊಂಡ ಎಲ್ಲಾ ಶಿಷ್ಯಂಗ ಅಂವೊನ ಬುಟ್ಟಿತ್ ಓಡಿ ಪೋಯಿರ್‌ತ್.

ಮಾರ್ಕ 9:31

ಎನ್ನಂಗೆಣ್ಣ್‌ಚೇಂಗಿ, ಮನುಷ್ಯಕುಮಾರನ, ಜನಡ ಕೈಯಿಕ್ ಪುಡ್‍ಚಿ ಕೊಡ್‍ಪ, ಅಯಿಂಗ ಅಂವೊನ ಕೊಲ್ಲುವ, ಅಂವೊ ಚತ್ತಿತ್ ಮೂಂದ್ ದಿವಸ ಆನ ಪಿಂಞ ಚಾವ್‍ಯಿಂಜ ಜೀವವಾಯಿತ್ ಏವಾಂದ್ ಯೇಸು ಅಂವೊಂಡ ಶಿಷ್ಯಂಗಕ್ ಉಪದೇಶ ಕೊಡ್‌ತಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:22

ಎನ್ನಂಗೆಣ್ಣ್‌ಚೇಂಗಿ ದೇವಡ ವಾಕ್ಯತ್‍ಲ್ ಒಳ್‌ದಿತುಳ್ಳದೆಲ್ಲ ಪೂರ್ತಿ ಆಪಕುಳ್ಳ, ದೇವ ಶಿಕ್ಷೆ ತಪ್ಪ ಕಾಲವಾಯಿತಿಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:37

ಎನ್ನಂಗ್ ಎಣ್ಣ್‌ಚೇಂಗಿ, ಅಂವೊ ಕ್ರೂರ ಪಾಪ ಮಾಡ್‍ನ ಕಳ್ಳಂಗಡ ಕೂಟ್‌ಲ್ ಒಬ್ಬನಾಯಿತ್ ಕಾಕ್‍ವಾಂದ್ ಒಳ್‍ದಿತುಳ್ಳ ದೇವಡ ವಾಕ್ಯ ಪೂರ್ತಿ ಆಂಡೂಂದ್ ಎಣ್ಣ್‌ವಿ. ನಾಡ ವಿಷಯವೆಲ್ಲ ಪೂರ್ತಿಯಾಪ ಕಾಲ ಬಾತ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:46

ಯೇಸು ಅಯಿಂಗಕ್: ದೇವ ಗೊತ್ತ್ ಮಾಡಿತ್ ಅಯಿಚ ರಾಜನಾನ ಕ್ರಿಸ್ತ ಕಷ್ಟಪಡಂಡು, ಚತ್ತಿತ್ ಮೂಂದ್ ದಿವಸ ಆನ ಪಿಂಞ ಏವಂಡೂಂದ್ ದೇವಡ ವಾಕ್ಯತ್‍ಲ್ ಉಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:22

ಅದಲ್ಲತೆ, ಮನುಷ್ಯಕುಮಾರ ದುಂಬ ಕಷ್ಟಪಡಂಡು, ಪೆರಿಯಯಿಂಗಡ, ಮುಕ್ಯ ಯಾಜಕಂಗಡ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡ ಮಿಂಞತ್‍ಲ್ ತ್‍ಕ್ಕಾರ ಆಕಂಡು ಪಿಂಞ ಅಂವೊನ ಕೊಂದ್‌ರ್‌ವ ಆಚೇಂಗಿ ಮೂಂದ್ ದಿವಸ ಆನ ಪಿಂಞ ಚಾವ್‍ಯಿಂಜ ಅಂವೊ ಜೀವವಾಯಿತ್ ಏವಂಡೂಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:44

ಈ ತಕ್ಕ್‌ನ ಚಾಯಿತೆ ಕ್‍ೕಳಿ; ಮನುಷ್ಯಕುಮಾರನ ಪುಡ್‌ಚಿತ್ ಮನುಷ್ಯಂಗಡ ಕೈಕ್ ಕೊಡ್‍ಪಾಂದ್ ಎಣ್ಣ್‌ಚಿ.

ಯೋಹಾನ 3:14

ಮೋಶೆ ಮಣಬೂಮಿಲ್ ಎನ್ನನೆ ಒರ್ ಕಚ್ಚಿ ಪಾಂಬ್‍ನ ನೇತ್‍ಚೋ ಅನ್ನನೆ ಮನುಷ್ಯಕುಮಾರನ ಸಹ ಕೊಡಿಕ್ ನೇತಂಡು.

ಯೋಹಾನ 5:39

ನಿಂಗ ದೇವಡ ವಾಕ್ಯತ್‍ನ ಚಾಯಿ ಪಡಿಚಿತ್ ನೋಟಿ; ಅದ್‍ನಗುಂಡ್ ನಿಂಗಕ್ ನಿತ್ಯ ಜೀವ ಉಂಡ್‍ೕಂದ್ ನಿಂಗ ಗೇನಮಾಡಿಯಂಡುಳ್ಳಿರಲ್ಲ! ಅದೇ ನಾಡ ವಿಷಯತ್ ಸಾಕ್ಷಿ ಕೊಡ್‍ತಂಡುಂಡ್.

ಯೋಹಾನ 5:46

ನಿಂಗ ಮೋಶೇನ ನಂಬಿತ್ಂಜತೇಂಗಿ, ನನ್ನ ಸಹ ನಂಬುವಿರ; ಎನ್ನಂಗೆಣ್ಣ್‌ಚೇಂಗಿ, ಅಂವೊ ನಾಡ ವಿಷಯತ್‍ನ ಒಳ್‍ದಿತುಂಡಲ್ಲ!

ಅಪೊಸ್ತಲ 13:33

ಅದ್ ಎಂತ ಎಣ್ಣ್‌ಚೇಂಗಿ: ದೇವಡ ಪಾಟ್ ಪುಸ್ತಕತ್‍ಲ್, ದಂಡನೆ ಪಾಟ್‍ಲ್ ಒಳ್‍ದಿತುಳ್ಳನೆಕೆ: ನೀನ್ ನಾಡ ಮೋಂವೊ, ಇಂದ್ ನಾನ್ ನೀಡ ಅಪ್ಪನಾಯೇಂದ್ ಉಳ್ಳ ವಾಗ್ದಾನ, ದೇವಡ ಮಕ್ಕಳಾನ ನಂಗಕ್, ಯೇಸುನ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿಟ್ಟ ಮೂಲಕ ನೆರೆವೇರಿಚಿಟ್ಟತ್.

ಅಪೊಸ್ತಲ 13:40

ಇನ್ನನೆ ಇಪ್ಪಕ, ಪ್ರವಾದಿಯಂಗಡ ಪುಸ್ತಕತ್‍ಲ್ ಎಣ್ಣಿತುಳ್ಳ ಒಂದು ನಿಂಗಡ ಮೇಲೆ ಬಕ್ಕತನೆಕೆ ನೋಟಿಯೊಳಿ. ಅದ್ ಎಂತ ಎಣ್ಣ್‌ಚೇಂಗಿ:

ಅಪೊಸ್ತಲ 2:27

ನೀನ್ ನಾಡ ಆತ್ಮತ್‌ನ, ಚಾವ್‍ರ ಜಾಗಕ್ ಪೋಪಕ್ ಬುಡುಲೆ, ನೀಡ ಪವಿತ್ರವಾನಂವೊಂಡ ತಡೀನ ಕೀಂಜ್ ಪೋಪಕ್ ಬುಡ್‍ಲೆ.

ಅಪೊಸ್ತಲ 3:18

ಆಚೇಂಗಿಯು, ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಇನ್ನನೆ ಕಷ್ಟಪಡಂಡೂಂದ್ ದೇವ ತಾಂಡ ಎಲ್ಲಾ ಪ್ರವಾದಿಯಂಗಡ ಮೂಲಕ ಮಿಂಞಲೇ ಎಣ್ಣ್‌ನಾನ ಪೂರೈಚಿಡ್‌ವಕ್ ಇನ್ನನೆ ಮಾಡ್‍ಚಿ.

ಅಪೊಸ್ತಲ 7:37

ನಿಂಗಡ ದೇವನಾನ ಒಡೆಯ ನಿಂಗಡ ಮದ್ಯತ್ಂಜ ನಾಡನೆಕೆ ಒರ್ ಪ್ರವಾದಿನ ನಿಂಗಕಾಯಿತ್ ಕೊಂಡ್ ಬಪ್ಪಾಂದ್ ಇಸ್ರಾಯೇಲ್ ಜನಕ್ ಎಣ್ಣ್‌ನ ಮೋಶೆ ಇಂವೊನೇ.

ಇಬ್ರಿಯ 10:1

ನ್ಯಾಯಪ್ರಮಾಣಾಂದ್ ಎಣ್ಣುವದ್, ಇಂಞು ಮಿಂಞಕ್ ಬಪ್ಪಕುಳ್ಳ ನಲ್ಲ ವಿಷಯಕ್ ಒರ್ ನೆಳವಾಯಿತ್ ಮಾತ್ರ ಇಂಜತ್, ಅದಾಯಿತೇ ನೇರಾನದ್ ಅಲ್ಲ. ಈ ಕಾರಣಕಾಯಿತ್, ಕಾಲಕಾಲಕ್ ಎಡೆಬುಡತೆ ಮಾಡ್‌ವ ಒರೇ ತರ ಬಲೀರಗುಂಡ್, ಆರಾದನೆ ಮಾಡ್‌ವಕ್ ಬಪ್ಪಯಿಂಗಳ ಏದ್ ಕಾಲಕು ದೇವಡ ಮಿಂಞತ್ ತ್‍ೕರ ಪೂರ್ತಿ ಮಾಡ್‌ವಕ್ ಕಯ್ಯುಲೆ.

ಇಬ್ರಿಯ 3:5

ಮೋಶೆ ಒರ್ ಸೇವಕನಾಯಿತ್ ದೇವಡ ಮನೆಲ್ ಎಲ್ಲಾ ವಿಷಯತ್‍ಲು ಸತ್ಯವಂತಂವೊನಾಯಿತ್ಂಜತ್; ಅಂವೊ, ಬಪ್ಪ ಕಾಲತ್‍ಲ್ ಎಣ್ಣ್‌ವಕುಳ್ಳ ವಿಷಯಂಗಕೆಲ್ಲಾ ಸಾಕ್ಷಿಯಾಯಿತ್ ಇಂಜತ್.

ಇಬ್ರಿಯ 7:1

ಈ ಮೆಲ್ಕಿಜೆದೇಕ ಸಾಲೇಮ್ ಎಣ್ಣುವ ಪಟ್ಟಣಕ್ ರಾಜನಾಯಿತು, ದೇವಾದಿ ದೇವಡ ಯಾಜಕನಾಯಿತು ಇಂಜತ್. ರಾಜಂಗಳ ಚೋಪ್‍ಚಿಟ್ಟಿತ್ ಬಂದ ಅಬ್ರಹಾಮಂಗ್ ಇಂವೊ ವಂದನೆ ಮಾಡ್‌ವಕ್ ಪೋಯಿತ್ ಅಬ್ರಹಾಮನ ಆಶೀರ್ವಾದ ಮಾಡ್‍ಚಿ.

ಇಬ್ರಿಯ 9:8

ಇದ್ಂಡ ಮೂಲಕ ಪವಿತ್ರಾತ್ಮ ಎಂತ ಕಾಂಬ್‌ಚಿಟ್ಟಂಡ್ ಉಂಡ್ ಎಣ್ಣ್‌ಚೇಂಗಿ: ಆದ್ಯ ಕೋಂಬರೆ ಇಪ್ಪಕತ್ತನೆ, ಪವಿತ್ರವಾನ ಜಾಗಕ್ ಪೋಪಕುಳ್ಳ ಬಟ್ಟೇನ ಇಂಞು ಎಲ್ಲಾರ್‌ಕು ಕಾಂಬ್‍ಚಿಟ್ಟಿತ್‌ಲ್ಲೇಂದ್ ಎಣ್ಣಿಯಂಡುಂಡ್.

1 ಪೇತ್ರ 1:11

ಅಯಿಂಗಡಲ್ಲಿ ಇಂಜ ಕ್ರಿಸ್ತಂಡ ಆತ್ಮ, ಕ್ರಿಸ್ತಂಗ್ ಬಪ್ಪಕುಳ್ಳ ಕಷ್ಟತ್‍ನ ಪಿಂಞ ಅದ್‍ನಗುಂಡ್ ಬಯ್ಯ ಬಪ್ಪ ಮಹಿಮೆನ ಮಿಂಞಲೇ ಎಣ್ಣುವಕ, ಏದ್ ಕಾಲತ್‍ಲ್ ಇನ್ನನೆಲ್ಲ ಆಪಾ, ಆ ಕಾಲತ್‍ಲ್ ಎಂತೆಲ್ಲಾ ಆಪಾಂದ್ ಸಹ ಪಡಿಚಂಡಿಂಜತ್.

ಪ್ರಕಟನೆ 19:10

ಅಕ್ಕ ನಾನ್ ಅಯಿಂಗಕ್ ಅಡ್ಡ ಬುದ್ದಿತ್ ವಂದನೆ ಮಾಡಂಡೂಂದ್ ಕಾಲ್ ಪುಡ್‌ಚಿಯೆ. ಅಂವೊ ನನ್ನ ನೋಟಿತ್: ಅನ್ನನೆ ಮಾಡತೆ, ನಾನ್ ಸಹ ನೀಡ ಕೂಡೆ ಯೇಸುರ ವಿಷಯತ್ ಸಾಕ್ಷಿ ಕೊಡ್‍ತ ನೀಡ ಅಣ್ಣತಮ್ಮಣಂಗಡ ಕೂಡೆ ಒರ್ ಸೇವಕ; ದೇವಕ್ ಆರಾದನೆ ಮಾಡ್. ಯೇಸುರ ವಿಷಯತ್‍ರ ಸಾಕ್ಷಿ, ಪ್ರವಾದನೆರ ಆತ್ಮವಾಯಿತುಂಡ್‍ೕಂದ್ ಎಣ್ಣ್‌ಚಿ.