ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:4 - ಕೊಡವ ಬೈಬಲ್

⁴ ಅಯಿಂಗ ಆಶ್ಚರ್ಯತ್‍ಲ್ ನಿಂದಿತಿಪ್ಪಕ, ಅಕ್ಕಣೆ ದಂಡ್ ಮನುಷ್ಯಂಗ ಪಳಪಳಾಂದ್ ಮಿನ್ನುವ ಬಟ್ಟೇನ ಇಟ್ಟಂಡ್ ಅಯಿಂಗಕ್ ಪ್ರತ್ಯಕ್ಷ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:4 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:2

ಅದ್‌ ಎನ್ನನೆ ಎಣ್ಣ್‌ಚೇಂಗಿ, ಅಬ್ರಹಾಮ ಕಣ್ಣೆಡ್‌ತಿತ್‌ ನೋಟ್‌ವಕ, ಮೂಂದ್‌ ಆಣಾಳ್‌ವ ಅಂವೊಂಡ ಪಕ್ಕತ್‌ಲ್‌ ನಿಂದಿತುಳ್ಳದ್‌ನ ಕಂಡತ್. ಅಂವೊ ಎದ್ದಿತ್‌ ಅಯಿಂಗಳ ಸ್ವೀಕಾರ ಮಾಡ್‌ವಕಾಯಿತ್‌ ಓಡಿಪೋಯಿತ್‌ ಅಯಿಂಗಡ ಮಿಂಞತ್‌ ಅಡ್ಡ ಬುದ್ದಿತ್:

ಮಾರ್ಕ 16:5

ಅಯಿಂಗ ಒಳ್‍ಕ್ ಪೋಯಿತ್ ಬಲ್‌ತೆ ಬರಿಲ್ ಒರ್ ಬಾಲೆಕಾರ ಬೊಳ್‍ತ ಬಟ್ಟೆ ಇಟ್ಟಂಡ್ ಅಳ್‌ತಂಡಿಂಜಾನ ಕಂಡಿತ್ ಪೋಡಿ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:9

ಅಕ್ಕ ದೇವಡ ಒಡೆಯಂಡ ದೂತಂಗ ಅಯಿಂಗಕ್ ಪ್ರತ್ಯಕ್ಷ ಆಚಿ. ದೇವಡ ಮಹಿಮೆ ಅಯಿಂಗ ಸುತ್ತ್‌ಲ್ ಮಿನ್ನ್‌ಚಿ. ಅಯಿಂಗಕೆಲ್ಲ ದುಂಬ ಪೋಡಿ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:5

ಪೋಡಿಲ್ ಆ ಪೊಣ್ಣಾಳ್‍ವ ನೆಲಕ್ ಮಂಡೆ ಬಗ್ಗಿತ್ ನಿಂದಂಡಿಪ್ಪಕ, ಆ ದಂಡಾಳು ಅಯಿಂಗಳ ನೋಟಿತ್: ಜೀವವಾಯಿತ್ ಬದ್‍ಕಿಯಂಡುಳ್ಳಂವೊನ ಎನ್ನಂಗ್ ಚತ್ತಯಿಂಗಡ ಜಾಗತ್‍ಲ್ ತ್‍ೕ‌ಡಿಯೇಂಡುಳ್ಳಿರ?

ಅಪೊಸ್ತಲ 1:10

ಅಂವೊ ಅನ್ನನೆ ಕೊಡಿಕ್ ಪೋನದ್‍ನ ಅಯಿಂಗೆಲ್ಲ ಕಣ್ಣ್ ಎಡ್‍ಕತೆ ನೋಟಿಯಂಡ್ ಇಪ್ಪಕಲೆ, ಮಿನ್ನುವ ಬಟ್ಟೆ ಇಟ್ಟ ದಂಡ್ ಮನುಷ್ಯಂಗ ಪ್ರತ್ಯಕ್ಷ ಆಯಿತ್ ಅಯಿಂಗಡ ಪಕ್ಕ ನಿಂದಂಡಿಂಜತ್.

ಅಪೊಸ್ತಲ 12:7

ಒಮ್ಮಕೆ, ಒಡೆಯಂಡ ದೂತ ಪೇತ್ರಂಡ ಪಕ್ಕ ನಿಂದತ್. ಅಂವೊ ಇಂಜ ಕೋಂಬರೆಲ್ ಬೊಳಿ ಮಿನ್ನ್‌ಚಿ. ದೂತ, ಪೇತ್ರಂಡ ನಿಪ್ಪ್‌ನ ತಟ್ಟಿತ್ ಎಪ್ಪಿತ್: ಬೆರಿಯ ಏಳ್‍ೕಂದ್ ಎಣ್ಣ್‌ಚಿ. ಒಡನೆ ಅಂವೊಂಡ ಕೈಕ್ ಕೆಟ್ಟಿತ್ಂಜ ಸರ್ಪಣಿ ಅಡಿಕ್‌ ಬುದ್ದತ್.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.