ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:11 - ಕೊಡವ ಬೈಬಲ್

¹¹ ಆಚೇಂಗಿ, ಅಯಿಂಗ ಎಣ್ಣ್‌ನ ತಕ್ಕ್ ಬೋರೆಯಿಂಗಕ್ ಪುಚ್ಚಿ ತಕ್ಕ್‌ರನೆಕೆ ಇಂಜತ್. ಆನಗುಂಡ್ ಈ ಪೊಣ್ಣಾಳುವ ಎಣ್ಣ್‌ವಾನ ಅಯಿಂಗ ದಾರೂ ನಂಬಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 19:14

ಅಕ್ಕ ಲೋಟ ಪೊರಮೆ ಪೋಯಿತ್‌ ತಾಂಡ ಮೂಡಿ ಮಕ್ಕಕ್‌ ಗೊತ್ತ್‌ಮಾಡ್‌ನ ಮೈಮಂಗಡ ಪಕ್ಕ ಪೋಯಿತ್: ನಿಂಗ ಎದ್ದಿತ್‌ ಈ ಜಾಗತ್‌ನ ಬುಟ್ಟಿತ್‌ ಪೋಯಿರಿ. ಯೆಹೋವ ಈ ಪಟ್ಟಣತ್‌ನ ನಾಶಮಾಡ್‌ವಕ್‌ ಉಂಡ್‍ೕಂದ್‌ ಎಣ್ಣ್‌ಚಿ. ಆಚೇಂಗಿ ಅಯಿಂಗ ಲೋಟ ತಮಾಶಿ ಮಾಡಿಯಂಡುಂಡ್‍ೕಂದ್‌ ಗೇನ ಮಾಡ್‌ಚಿ.

ಮಾರ್ಕ 16:11

ಯೇಸು ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬದ್‍ಕಿಯಂಡುಂಡ್‍ೕಂದ್, ಅವಕ್ ಅಂವೊ ಕಾಂಬ್‍ಚಿಟ್ಟಂಡತ್‍ೕಂದ್ ಎಣ್ಣ್‌ವಕ ದಾರೂ ನಂಬಿತ್‌ಲ್ಲೆ.

ಮಾರ್ಕ 16:13

ಅಯಿಂಗಳು ಪೋಯಿತ್ ನಂಗ ಯೇಸುನ ಕಂಡತ್ ಎಣ್ಣುವಕಾಪಕ ದಾರೂ ನಂಬಿತ್‌ಲ್ಲೆ.

ಮಾರ್ಕ 16:14

ಕಡೇಕ್ ಅಂವೊಂಡ ಪನ್ನಂದ್ ಶಿಷ್ಯಂಗ ಉಂಬಕ್ ಅಳ್‌ತಂಡಿಪ್ಪಕ ಯೇಸು ಪ್ರತ್ಯಕ್ಷವಾಚಿ. ಚಾವ್‍ಯಿಂಜ ಜೀವವಾಯಿತ್ ಎದ್ದ ನನ್ನ ಕಂಡಯಿಂಗ ನಿಂಗಕ್ ಬಂದಿತ್ ಎಣ್ಣುವಕಾಪಕ ನಿಂಗ ಅದ್‍ನ ನಂಬುವಕಿಂಜಿಲೆ. ಅಯಿಂಗಕ್ ನಂಬಿಕೆ ಬರತೆಗುಂಡ್ ಪಿಂಞ ಅಯಿಂಗಡ ಹೃದಯ ಅಚ್ಚಕ್ ಕಠಿಣ ಆಯಿತ್ಂಜಗುಂಡ್ ಯೇಸು ಅಯಿಂಗಳ ಜೋರ್ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:25

ಪಿಂಞ ಯೇಸು ಆ ದಂಡ್ ಶಿಷ್ಯಂಗಳ ನೋಟಿತ್: ನಿಂಗ ಎನ್ನಂಗ್ ನಂಬುಲೆ? ಪ್ರವಾದಿಯಂಗ ಎಣ್ಣ್‌ನಾನೆಲ್ಲ ನಂಬುವಕ್ ಎನ್ನಂಗ್ ಇಚ್ಚಕ್ ಮಂದ ಆಯಿತುಳ್ಳಿರ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:41

ಅಯಿಂಗಕ್ ಇಂಞು ನಂಬುವಕ್ ಕಯಿಂಜಿತ್‌ಲ್ಲೆ. ಎನ್ನಂಗೆಣ್ಣ್‌ಚೇಂಗಿ ಅಯಿಂಗಕ್ ಕುಶಿಯು ಆಶ್ಚರ್ಯವು ಆಚಿ. ಆನಗುಂಡ್ ಯೇಸು ಅಯಿಂಗಕ್, ನಿಂಗಡ ಪಕ್ಕ ಉಂಬಕ್ ಎಂತಾಚೇಂಗಿ ಉಂಡಾಂದ್ ಕ್‍ೕಟತ್.

ಅಪೊಸ್ತಲ 12:9

ಅನ್ನನೆ ಪೇತ್ರ ಜೈಲ್‍ಯಿಂಜ ಪೊರಟಿತ್ ದೂತಂಡ ಬಯ್ಯ ಪೋಯಂಡ್, ದೂತ ಮಾಡ್‍ನದೆಲ್ಲ ಸತ್ಯಾಂದ್ ಅರಿಯತೆ, ಅಂವೊ ಒರ್ ದರ್ಶನ ಕಂಡಂಡುಂಡ್‍ೕಂದ್ ಗೇನ ಮಾಡ್‍ಚಿ.