ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:8 - ಕೊಡವ ಬೈಬಲ್

⁸ ಹೆರೋದ ಯೇಸುರ ವಿಷಯತ್‍ನ ದುಂಬ ಕ್‍ೕ‍ಟಿತ್ಂಜತ್. ಯೇಸು ಮಾಡ್‍ನ ಅದ್ಬುತ ಕಾರ್ಯತ್‍ನ ನೋಟ್‍ವಕಾಯಿತ್ ದುಂಬ ನಿರಿಕ್ಷೇಲ್ ಇಂಜತ್. ಅಂವೊನ ಕಾಂಗಂಡೂಂಡ್ ದುಂಬ ದಿವಸತ್ಂಜ ಪಾರಕಾತಂಡ್ ಇಂಜತ್. ಅದ್ಂಗ್ ರಾಜನಾನ ಹೆರೋದ ಯೇಸುನ ಕಾಂಬಕ ದುಂಬ ಕುಶಿಪಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:8 ပူးပေါင်းရင်းမြစ်များ

ಮತ್ತಾಯ 14:1

ಆ ಕಾಲತ್‍ಲ್, ಗಲಿಲಾಯತ್‍ಲ್ ಹೆರೋದ ಅಂತಿಪ ರಾಜನಾಯಿತ್ಂಜತ್. ಅಂವೊ ಯೇಸು ಮಾಡಿಯಂಡಿಂಜ ಅದ್ಬುತ ಕಾರ್ಯತ್‍ನೆಲ್ಲ ಕ್‍ೕಟಿತ್,

ಮಾರ್ಕ 6:14

ಅಲ್ಲಿಯತ್‍ರ ರಾಜನಾನ ಹೆರೋದಂಗ್ ಇದೆಲ್ಲಾ ಗೊತ್ತಾಚಿ. ಎನ್ನನೆ ಎಣ್ಣ್‌ಚೇಂಗಿ ಯೇಸುರ ವಿಷಯ ಎಲ್ಲೆಲಿಯು ಕ್‍ೕಳಿಪಟ್ಟಡಿಂಜತ್. ಚೆನ್ನ ಜನ, ಇಂವೊ ಚತ್ತ್‌ಪೋನ ಯೋಹಾನ. ಇಂವೊ ಚಾವ್‍ಯಿಂಜ ಬದ್‌ಕಿತ್ ಬಂದಿತುಂಡ್. ಅದ್ಂಗೇ ಇಚ್ಚಕ್ ಬಲ್ಯ ಅದ್ಬುತ ಕಾರ್ಯತ್‍ನೆಲ್ಲಾ ಇಂವೊಂಗ್ ಮಾಡ್‌ವಕ್ ಕಯ್ಯೂಂದ್ ಎಣ್ಣ್‌ಚಿ.

ಮಾರ್ಕ 8:34

ಯೇಸು ಅಲ್ಲಿ ಉಳ್ಳ ಜನಳ ಪಿಂಞ ಅಂವೊಂಡ ಶಿಷ್ಯಂಗಳ ಕಾಕುವಂಜಿ: ನಿಂಗಡಲ್ಲಿ ದಾರ್‌ಕೇಂಗಿ ನಾಡ ಶಿಷ್ಯನಾಯಿತ್ ಇಪ್ಪಕ್ ಕುಶಿ ಇಂಜತೇಂಗಿ, ಅಂವೊ ಅಂವೊಂಡ ಆಸೆನೆಲ್ಲಾ ಬುಟ್ಟಿತ್, ತಾಂಡ ಶಿಲುಬೇನ ನೇತಿಯಂಡ್ ನಾಡ ಬಯ್ಯತ್ ಬರಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:23

ಯೇಸು ಅಲ್ಲಿ ಉಳ್ಳ ಜನಕ್: ವೈದ್ಯ! ನೀಡ ಕಾಯಿಲೆನ ನೀನೇ ವಾಸಿ ಮಾಡಿಯ ಎಣ್ಣುವ ಈ ಗಾದೆನ ನಾಕ್ ನಿಂಗ ಎಣ್ಣಿತ್, ನಾನ್ ಕಪೆರ್ನೌಮ್‌ಲ್ ಮಾಡ್‌ನಾನ ನಿಂಗ ಕ್‍ೕಟದ್‍ನ ನೀಡ ಸ್ವಂತ ಊರ್‌ಲ್ ಸಹ ಮಾಡ್‍ೕಂದ್ ನಿಂಗ ನಾಕ್ ನೇರಾಯಿತ್ ಎಣ್ಣುವಿರ.

ಅಪೊಸ್ತಲ 8:19

ನಾನ್ ದಾಡ ಮೇಲೆ ಕೈ ಬೆಪ್ಪಿ, ಅಂವೊಂಗ್ ಇನ್ನನೆ ಪವಿತ್ರಾತ್ಮ ಕ್‍ಟ್ಟ್‌ವನೆಕೆ ನಾಕು ಈ ಅದಿಕಾರತ್‍ನ ತಾರೀಂದ್ ಕ್‍ೕಟತ್.