ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:5 - ಕೊಡವ ಬೈಬಲ್

⁵ ಆಚೇಂಗಿ ಅಯಿಂಗ ಇಂಞು ಜೋರಾಯಿತ್: ಇಂವೊ ಗಲಿಲಾಯತ್ಂಜ ಇಲ್ಲಿಕತ್ತನೆ ಯೂದಾಯ ಸೀಮೆಯೆಲ್ಲ ಇಂವೊಂಡ ಬೋದನೆಲ್ ಜನಡ ಮನಸ್ಸ್‌ನ ಕಲಹ ಮಾಡ್‌ವಕಾಯಿತ್ ಪಾಳ್ ಮಾಡಿಯಂಡ್ ಉಂಡ್‍ೕಂದ್ ಎಣ್ಣಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:5 ပူးပေါင်းရင်းမြစ်များ

ಮತ್ತಾಯ 11:1

ಯೇಸು ಇನ್ನನೆ ತಾಂಡ ಪನ್ನೆರಂಡ್ ಶಿಷ್ಯಂಗಕ್ ಆಜ್ಞೆ ಕೊಡ್‍ತ ಪಿಂಞ, ಬೋದನೆ ಮಾಡ್‌ವಕು, ಪ್ರಚಾರ ಮಾಡ್‌ವಕು ಪಕ್ಕತ್‌ಲುಳ್ಳ ಅಯಿಂಗಡ ಪಟ್ಟಣಕ್ ಪೋಚಿ.

ಮತ್ತಾಯ 2:1

ರಾಜನಾನ ಹೆರೋದಂಡ ದಿವಸತ್‍ಲ್ ಯೂದಾಯ ಪ್ರಾಂತ್ಯತ್‍ಲ್ ಬೇತ್ಲೆಹೇಮ್ ಎಣ್ಣುವ ಊರ್‌ಲ್ ಯೇಸು ಪುಟ್ಟ್‌ಚಿ. ಅಕ್ಕ ಕ್‍ೕಕ್ ದಿಕ್ಕಿಂಜ ಬಂದ ಚೆನ್ನ ಜ್ಞಾನಿಯಂಗ ಯೆರೂಸಲೇಮ್‌ಕ್ ಬಂತ್:

ಮತ್ತಾಯ 27:24

ಗಲಾಟೆ ಜಾಸ್ತಿ ಆಪದ್ ಅಲ್ಲತೆ ಅಂವೊಂಡ ಪ್ರಯತ್ನತ್ಂಜ ಒರ್ ಪ್ರಯೋಜನವು ಇಲ್ಲೇಂದ್ ಗೊತ್ತಾನ ಪಿಂಞ ಪಿಲಾತ ಚೆನ್ನ ನೀರ್‌ನ ಎಡ್‍ತಂಡ್ ಜನಡ ಮಿಂಞ ಕೈ ಕತ್ತ್‌ವಂಜಿ, ಜನಡ ಮಿಂಞತ್: ಈ ನೀತಿವಂತಂವೊಂಡ ಚಾವ್‍ಕ್ ನಾನ್ ಜವಾಬ್‍ದಾರನಲ್ಲ! ನಿಂಗಕ್ ಎಂತ ಬೋಂಡ್‌ವೋ ಅದ್‍ನ ನಿಂಗಳೇ ಮಾಡಿಯೊಳೀಂದ್ ಎಣ್ಣ್‌ಚಿ.

ಮತ್ತಾಯ 4:23

ಪಿಂಞ ಯೇಸು, ಗಲಿಲಾಯ ನಾಡ್‍ಕೆಲ್ಲಾ ಪೋಯಿತ್, ಅಯಿಂಗಡ ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್, ಅಲ್ಲಿಯತ್‍ರ ಜನಡ ಎಲ್ಲಾ ಕಾಯಿಲೆನ ಪಿಂಞ ರೋಗತ್‍ನ ವಾಸಿ ಮಾಡ್‍ಚಿ.

ಮಾರ್ಕ 1:14

ಯೋಹಾನನ ಜೈಲ್‌ಕ್ ಇಟ್ಟ ಪಿಂಞ ಯೇಸು ಗಲಿಲಾಯಕ್ ಪೋಯಿತ್, ಅಲ್ಲಿ ಜನಕ್ ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:53

ಯೇಸು ಅಲ್ಲಿಂಜ ಪೋನ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಪಿಂಞ ಫರಿಸಾಯಂಗ ಯೇಸುರ ಮೇಲೆ ಜೋರಾಯಿತ್ ನಿಂದನೆಮಾಡ್‌ವಕ್, ನಾನಾ ತರತ್‍ರ ಪ್ರಶ್ನೆ ಕ್‍ೕಪಕ್, ಯೇಸುರ ಮೇಲೆ ಕುತ್ತ ಕಂಡ್‌ಪುಡಿಪಕ್, ಅಂವೊಂಡ ತಕ್ಕ್‌ಲ್ ಕೆಣಿಪಕಾಯಿತ್ ನೋಟಿಯಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:23

ಮಿಂಞಕಿಂಜ ಜೋರಾಯಿತ್ ಇಂವೊನ ಶಿಲುಬೇಕ್ ಇಡಿ ಎಣ್ಣಿಯಂಡ್ ಜನ ಕೂತ್ ಕೊಡ್‌ತಂಡ್ ಇಂಜತ್. ಅನ್ನನೆ ಅಯಿಂಗ ಜೋರ್ ಮಾಡ್‍ನಗುಂಡ್ ಅಯಿಂಗ ಗೆದ್ದ್‌ರ್‌ತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:6

ಇದ್‍ನ ಕ್‍ೕಟ ಪಿಂಞ ಪಿಲಾತ ಅದಿಪತಿ ಇಂವೊ ಗಲಿಲಾಯತ್‍ರ ಮನುಷ್ಯನಾಂದ್ ಕ್‍ೕಟತ್?

ಯೋಹಾನ 1:43

ಪಿತ್ಯಾಂದ್ ಗಲಿಲಾಯಕ್ ಪೋಪಕ್ ಯೇಸು ತೀರ್ಮಾನ ಮಾಡ್‍ಚಿ. ಅಲ್ಲಿ ಎತ್ತ್‌ವಕ, ಫಿಲಿಪ್ಪಾಂದ್ ಒಬ್ಬನ ಕಂಡಿತ್, ನಾಡ ಬಯ್ಯಕ್ ಬಾಂದ್ ಎಣ್ಣ್‌ಚಿ.

ಯೋಹಾನ 19:15

ಅಕ್ಕ ಜನ: ಇಂವೊನ ಕೊಂಡ್ ಪೋ, ಕೊಂಡ್ ಪೋ, ಇಂವೊನ ಶಿಲುಬೇಕ್ ಇಡೀಂದ್ ಜನಡ ಗುಂಪ್ ಕೂತ್ ಕೊಡ್‍ತತ್. ಅದ್ಂಗ್: ನಿಂಗಡ ರಾಜನ ನಾನ್ ಶಿಲುಬೇಕ್ ಇಡ್‌ವದಾಂದ್ ಪಿಲಾತ ಕ್‍ೕಟತ್. ಅಕ್ಕ, ಮುಕ್ಯ ಯಾಜಕಂಗ: ಕೈಸರ ಅಲ್ಲತೆ ನಂಗಕ್ ಬೋರೆ ರಾಜ ಇಲ್ಲೇಂದ್ ಎಣ್ಣ್‌ಚಿ.

ಯೋಹಾನ 2:11

ಇನ್ನನೆ, ಯೇಸು ತಾಂಡ ಆದ್ಯ ಅದ್ಬುತ ಕಾರ್ಯತ್‍ನ ಗಲಿಲಾಯ ಪ್ರಾಂತ್ಯತ್‍ರ ಕಾನಾ ಎಣ್ಣುವ ಊರ್‌ಲ್ ಮಾಡಿತ್, ತಾಂಡ ಮಹಿಮೆನ ಕಾಂಬ್‍ಚಿಟ್ಟತ್. ಅಂವೊಂಡ ಶಿಷ್ಯಂಗ ಯೇಸುನ ನಂಬ್‍ಚಿ.

ಯೋಹಾನ 7:41

ಇಂಞು ಚೆನ್ನ ಜನ: ಇಂವೊ ಕ್ರಿಸ್ತಾಂದ್ ಎಣ್ಣ್‌ಚಿ. ಇಂಞು ಚೆನ್ನ ಜನ: ಕ್ರಿಸ್ತ ಗಲಿಲಾಯತ್ಂಜ ಬಪ್ಪಕಯ್ಯುವಾಂದ್ ಎಣ್ಣ್‌ಚಿ.

ಯೋಹಾನ 7:52

ಅಕ್ಕ ಅಯಿಂಗ: ನೀನ್ ಸಹ ಗಲಿಲಾಯತ್ಂಜ ಬಂದಂವೊನಾ? ಗಲಿಲಾಯತ್ಂಜ ಒರ್ ಪ್ರವಾದಿಯು ಬಪ್ಪ್‌ಲೇಂದ್ ದೇವಡ ಪುಸ್ತಕತ್‍ಲ್ ಚಾಯಿ ನೋಟ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 10:37

ದೀಕ್ಷಾಸ್ನಾನತ್‍ರ ವಿಷಯತ್‍ನ ಯೋಹಾನ ಬೋದನೆ ಮಾಡ್‌ವಕ್ ಸುರ್ ಮಾಡ್‍ನ ಪಿಂಞ ಗಲಿಲಾಯತ್ಂಜ ಸುರು ಮಾಡಿತ್ ಯೂದಾಯತ್‍ರ ಪ್ರಾಂತ್ಯತ್‍ಲ್ ಎಲ್ಲಾ ಎಂತ ಆಚೀಂದ್ ನಿಂಗಕ್ ಗೊತ್ತುಂಡ್.

ಅಪೊಸ್ತಲ 23:10

ಇನ್ನನೆ ಗಲಾಟೆ ಜೋರಾಯಂಡೇ ಇಪ್ಪಕ, ಅಯಿಂಗ ಪೌಲನ ಬಲ್‍ಚಿ ಕಳಿಚಿತ್ ತುಂಡ್ ತುಂಡ್ ಮಾಡಿರ್‌ವಾಂದ್ ಸೇನೆರ ಅದಿಕಾರಿಕ್ ಪೋಡಿ ಆಚಿ. ಅಕ್ಕ ಅಂವೊ ಸಿಪಾಯಿಯಂಗಕ್, ನಿಂಗ ಪೋಯಿತ್ ಅಯಿಂಗಡ ಮದ್ಯತ್ಂಜ ಅಂವೊನ ಒತ್ತಾಯ ಮಾಡಿತ್ ಕೋಟೆಕ್ ಪುಡ್‌ಚಿತ್ ಬಾರೀಂದ್ ಹುಕುಮ್ ಕೊಡ್‍ತತ್.

ಅಪೊಸ್ತಲ 5:33

ಈ ತಕ್ಕ್‌ನ ಅಯಿಂಗ ಕ್‍ೕಪಕ, ಅಯಿಂಗಕ್ ದುಂಬ ಚೆಡಿ ಬಂತ್, ಅಯಿಂಗಳ ಕೊಲೆ ಮಾಡ್‌ವಕ್ ತೀರ್ಮಾನ ಮಾಡ್‍ಚಿ.

ಅಪೊಸ್ತಲ 7:54

ಈ ತಕ್ಕ್‌ನೆಲ್ಲಾ ಅಯಿಂಗ ಕ್‍ೕಟದು, ಅಯಿಂಗಕೆಲ್ಲ ದುಂಬ ಚೆಡಿ ಬಂತ್ ಅಂವೊನ ನೋಟಿತ್ ಅಯಿಂಗಡ ಪಲ್ಲ್‌ನ ಕಡಿಚತ್.

ಅಪೊಸ್ತಲ 7:57

ಅಕ್ಕ ಅಲ್ಲಿಂಜ ಜನ, ಅಯಿಂಗಡ ಕೆಮಿನ ಮುಚ್ಚಿತ್, ಜೋರ್‌ಲ್ ಕೂತ್ ಕೊಡ್‍ತತ್. ಒಮ್ಮಕೆ ಎಲ್ಲಾರು ಅಂವೊಂಡ ಮೇಲೆ ಪಾರಿತ್