ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:31 - ಕೊಡವ ಬೈಬಲ್

³¹ ಮರ ಪಚ್ಚೆ ಆಯಿತಿಪ್ಪಕಲೆ ಇಚ್ಚಕೆಲ್ಲಾ ಆಪಕ, ಮರ ಒಣಂಗಿ ಪೋನ ಪಿಂಞ ಎಂತೆಲ್ಲಾ ಆಕೂಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:31 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 11:31

ಇದಾ! ನೀತಿವಂತಂವೊಂಗ್‌ ಈ ಬೂಮಿಲ್‌ ಅಂವೊಂಡ ಕ್ರಿಯೆಕ್‌ ತಕ್ಕಂತ ಫಲ ಕ್‌ಟ್ಟುವ. ಅನ್ನನಾಚೇಂಗಿ ದುಷ್ಟಂಗು, ಪಾಪಿಕು ದಂಡನೆ ಕ್‌ಟ್ಟೋದ್‌ ಎಚ್ಚಕ್‌ ಕಂಡಿತ.

ಮತ್ತಾಯ 3:12

ಅಂವೊಂಡ ಕೈಯಿಲ್ ಒರ್ ಪಾತ್‍ಮೊರ ಉಂಡ್, ಅದ್‍ನಗುಂಡ್ ಅಂವೊ ತಾಂಡ ಕಳತ್‌ನ ಶುದ್ದ ಮಾಡಿತ್ ಪಿಲ್ಲ್‌ಕಾಳ್‌ನ ಗೋದಿ ಕಾಳ್‌ಯಿಂಜ ಬೋರೆ ಮಾಡಿತ್ ತಾಂಡ ಗೋದಿ ಕಾಳ್‌ನ ಪತ್ತಾಯ ಕೋಂಬರೆಲ್ ದುಂಬ್‌ಚಿಡ್‌ವ; ಪಿಲ್ಲ್‌ಕಾಳ್‌ನ ಕೆಡತ ತಿತ್ತ್‌ಲ್ ಚುಡ್‌ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:30

ಆ ಕಾಲತ್‍ಲ್ ಕುಂದ್‌ಕ್: ನಂಗಡ ಮೇಲೆ ಬೂಳೀಂದು, ನಂಗಳ ಮುಚ್ಚೊಳೀಂದು ಜನ ಎಣ್ಣುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:32

ಬೋರೆ ದಂಡ್ ಕ್ರೂರ ಪಾಪ ಮಾಡ್‍ನ ಕಳ್ಳಂಗಳ, ಯೇಸುರ ಕೂಡೆ ಕೊಲ್ಲ್‌ವಕ್ ಕಾಕಿಯಂಡ್ ಪೋಚಿ.

ಯೋಹಾನ 15:6

ದಾರ್ ನಾಡಲ್ಲಿ ಸ್ತಿರವಾಯಿತ್ ಇಲ್ಲೆ, ಅಂವೊ ಪೊರಮೆ ಚಾಡ್‌ನ ಕೊಂಬ್‌ರನೆಕೆ ಇಪ್ಪ. ಆ ಕೊಂಬ್ ಒಣಂಗಿ ಪೋಪ; ಅನ್ನನೆ ಚಾಡ್‌ನ ಕೊಂಬ್‍ನ ಕೂಟಿತ್ ತಿತ್ತ್‌ಕ್ ಇಡ್‌ವ. ಅನ್ನನೆ ಅದ್ ಚುಟ್ಟ್ ಪೋಪ.

ಇಬ್ರಿಯ 6:8

ಆಚೇಂಗಿ, ಮುಳ್ಳ್ ಗಿಡ ಪಿಂಞ ಕಚ್ಚಡತ್‌ನ ತಪ್ಪ ನೆಲ ದೇವಡ ಶಾಪಕ್ ತಕ್ಕಂತದಾಯಿತುಂಡ್. ತಿತ್ತ್‌ಕ್ ಇಡ್‌ವದೇ ಅದ್ಂಡ ಅಂತ್ಯ.

ಯೂದ ಒಳ್‍ದ್‍ನ ಕಾಗದ 1:12

ಈಂಗ ನಿಂಗಡ ಕೂಡೆ ಅಳ್‌ತಂಡ್ ದೇವಡ ಗದ್ದಾಳತ್‍ಲ್ ತಿಂಬಕ ಅದ್ಂಡ ಪವಿತ್ರತ್‍ನ ಅಶುದ್ದ ಮಾಡಿತ್, ಞಾಣ ಇಲ್ಲತ ಕೊರಿ ಕಾಪಂವೊಂಡನೆಕೆ ಅಯಿಂಗಳ ಮಾತ್ರ ನೋಟಿಯೊವ. ಅಯಿಂಗ ನೆಲಕ್ ಮಳೆ ಕೊಡ್‍ಕತ ಬೀಜುವ ಮೋಡತ್‍ರನೆಕೆ ಪಿಂಞ ಫಲ ಕೊಡ್‍ಕತ ದಂಡ್ ಕುರಿ ಚತ್ತಿತ್ ಬೇರೋಡೆ ಒಣಂಗಿ ಪೋನ ಮರತ್‌ರನೆಕೆ ಆಯಿತುಂಡ್.