ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:5 - ಕೊಡವ ಬೈಬಲ್

⁵ ಅಯಿಂಗ ಕುಶಿಪಟ್ಟಿತ್, ನೀಕ್ ನಂಗ ದುಡ್ಡ್ ತಪ್ಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:5 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:4

ಅಂವೊ ಮುಕ್ಯ ಯಾಜಕಂಗ ಪಿಂಞ ದೇವಾಲಯತ್‍ರ ಸೇನೆರ ಅದಿಕಾರಿಯಡ ಪಕ್ಕ ಪೋಯಿತ್ ಎನ್ನನೆ ಯೇಸುನ ಕಾಟಿ ಕೊಡುಕಂಡೂಂದ್ ಚರ್ಚೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:6

ಇದ್ಂಗ್ ಇಸ್ಕರಿಯೋತ ಒತ್ತಂಡ್ ಜನಡ ಗುಂಪ್ ಇಲ್ಲತ ಸಮಯತ್‍ಲ್ ಯೇಸುನ ಅಯಿಂಗಕ್ ಕಾಟಿ ಕೊಡ್‍ಪಕುಳ್ಳ ಸಮಯ ನೋಟಿಯಂಡ್ ಇಂಜತ್.

ಅಪೊಸ್ತಲ 1:18

ಅಂವೊ ಇನ್ನನೆ ಮೋಸ ಮಾಡ್‍ನಗುಂಡ್, ಕ್‍ಟ್ಟ್‌ನ ಪಣತ್‌ಲ್ ಒರ್ ಜಾಗ ಎಡ್‍ತಂಡತ್. ಅಲ್ಲಿ ಅಂವೊಂಡ ಮಂಡೆ ಅಡಿಕ್ ಬೂವಂಜಿ, ಅಂವೊಂಡ ಕೆಲ ಒಡಂದಿತ್ ಅದ್ಂಡ ಒಳ್‍ಲ್ ಉಳ್ಳ ಕರ್ ಎಲ್ಲಾ ಪೊರಮೆ ಬಂದಿತ್ ಚತ್ತ್ ಪೋಚಿ.

ಅಪೊಸ್ತಲ 8:20

ಅದ್ಂಗ್ ಪೇತ್ರ ಅಂವೊನ ನೋಟಿತ್: ದೇವಡ ವರತ್‍ನ ದುಡ್ಡ್‌ಕ್ ಎಡ್‍ಪಕ್ ನೀನ್ ಗೇನ ಮಾಡಿಯ? ಆನಗುಂಡ್, ನೀಡ ದುಡ್ಡ್ ನೀಡ ಕೂಡೆ ನಾಶ ಆಯಿ ಪೋಡ್.

2 ಪೇತ್ರ 2:15

ಈಂಗ ಸರಿಯಾನ ಬಟ್ಟೇನ ಬುಟ್ಟಿತ್, ತಪ್ಪ್‌ಚಿಟ್ಟಿತ್, ಬೆಯೋರ ಎಣ್ಣ್‌ವಂವೊಂಡ ಮೋಂವೊನಾನ ಬಿಳಾಮ ಎಣ್ಣ್‌ವಂವೊಂಡ ಬಟ್ಟೇಲ್ ನಡ್‌ಂದಯಿಂಗ; ಈ ಬಿಳಾಮ ಅನೀತಿರ ಸಂಪಾದೆನೆಲ್ ಕುಶಿಪಟ್ಟತ್.

2 ಪೇತ್ರ 2:3

ದುರಾಸೇಲ್, ಅಯಿಂಗಳೇ ಮಾಡ್‍ನ ಕಥೇರ ಬೋದನೆರ ಮೂಲಕ ನಿಂಗಡಿಂಜ ಅಯಿಂಗಕ್ ಆದಾಯ ಆಪನೆಕೆ ವಂಚನೆ ಮಾಡ್‌ವ. ದೇವ ಅಯಿಂಗಳ ಪಂಡೇ ನ್ಯಾಯತೀರ್ಪ್ ಮಾಡಿರ್‌ತ್, ಅಯಿಂಗಡ ಮೇಲೆ ಬಪ್ಪ ಶಿಕ್ಷೆ ಬೆರಿಯ ಬಪ್ಪ.

ಯೂದ ಒಳ್‍ದ್‍ನ ಕಾಗದ 1:11

ಕಳ್ಳ ಬೋದನೆ ಮಾಡ್‌ವಯಿಂಗಕ್ ಅಯ್ಯೋ! ಈಂಗ ತಮ್ಮಣನ ಕೊಂದ ಕಾಯಿನ ಎಣ್ಣ್‌ವಂವೊಂಡ ಬಟ್ಟೇಲ್ ನಡ್ಂದಂಡುಂಡ್. ಪಣಕಾಯಿತ್ ದೇವಡ ಮಕ್ಕಳ ಬಿಳಾಮ ಎಣ್ಣ್‌ವಂವೊ ಮೋಸ ಮಾಡ್‍ನನೆಕೆ ಈಂಗಳು ದುಡ್‍ಕಿಯಂಡ್ ಓಡ್‍ವ. ಪಿಂಞ ಕೋರಹ ಎಣ್ಣ್‌ವಂವೊ ಎದ್‍ರ್ ತಕ್ಕ್ ಪರ್ಂದಿತ್ ಎನ್ನನೆ ಪಾಳಾಯಿ ಪೋಚೋ, ಅನ್ನನೆ ಈಂಗಳು ಪಾಳಾಯಿ ಪೋಪ.