ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:39 - ಕೊಡವ ಬೈಬಲ್

³⁹ ಪಿಂಞ ಯೇಸು ಎದ್ದಿತ್, ಅಂವೊ ಎಕ್ಕಾಲು ಮಾಡ್‌ವ ಪದ್ದತಿರ ಪ್ರಕಾರ ಆಲಿವ್ ಕುಂದ್‌ಕ್ ಪೋಚಿ. ಅಂವೊಂಡ ಶಿಷ್ಯಂಗಳು ಬಯ್ಯಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:39 ပူးပေါင်းရင်းမြစ်များ

ಮತ್ತಾಯ 21:1

ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಯೆರೂಸಲೇಮ್‍ರ ಆಲಿವ್ ಕುಂದ್‌ರ ಪಕ್ಕತ್‍ಲ್ ಇಂಜ ಬೇತ್ಫಗೆ ಊರ್‌ರ ಪಕ್ಕ ಬಪ್ಪಕ,

ಮತ್ತಾಯ 26:30

ಪಿಂಞ ಅಯಿಂಗ ದೇವಡ ಪಾಟ್ ಪಾಡಿಯಂಡೇ ಆಲಿವ್ ಎಣ್ಣುವ ಕುಂದ್‌ಕ್ ಪೋಚಿ.

ಮಾರ್ಕ 11:11

ಯೇಸು ಯೆರೂಸಲೇಮ್‌ಕ್ ಬಂತ್, ದೇವಾಲಯಕ್ ಪೋಯಿತ್ ಅಲ್ಲಿ ಎಲ್ಲಾನ ಸುತ್ತ್‌ಮುತ್ತ್ ನೋಟ್‌ಚಿ. ಬಯಿಟಾಯಿ ಬಂದಗುಂಡ್ ಅಂವೊಂಡ ಪನ್ನೆರಂಡ್ ಶಿಷ್ಯಂಗಳ ಕಾಕಿಯಂಡ್ ಬೇಥಾನ್ಯ ಎಣ್ಣುವಲ್ಲಿಕ್ ಪೋಚಿ.

ಮಾರ್ಕ 11:19

ಬೈಟಾಪಕ ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಯೆರೂಸಲೇಮ್‍ನ ಬುಟ್ಟಿತ್ ಪೋಯಿರ್‌ತ್.

ಮಾರ್ಕ 13:3

ಪಿಂಞ ಯೇಸು ದೇವಾಲಯತ್‍ರ ಮಿಂಞತ್ ಆಲಿವ್ ಕುಂದ್‌ರ ಕೊಡಿಲ್ ಅಳ್‌ತಿತಿಪ್ಪಕ, ಪೇತ್ರ, ಯಾಕೋಬ, ಯೋಹಾನ ಪಿಂಞ ಅಂದ್ರೆಯ ಎಣ್ಣ್‌ವಯಿಂಗ ಗುಟ್ಟ್‌ಲ್ ಯೇಸುರ ಪಕ್ಕ ಬಾತ್.

ಮಾರ್ಕ 14:26

ಅಯಿಂಗೆಲ್ಲಾರು ದೇವಡ ಪಾಟ್ ಪಾಡಿಯಂಡೇ ಆಲಿವ್ ಎಣ್ಣುವ ಕುಂದ್‌ಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:37

ಯೇಸು ಎಕ್ಕಾಲು ದೇವಾಲಯತ್‍ಲ್ ಬೋದನೆ ಕೊಡ್‌ತಂಡ್, ಬೈಟಾಪಕ ಆಲಿವ್ ಕುಂದ್‌ಕ್ ಪೋಯಿತ್ ದಿನ ಕಯಿಪಯಿಂಜತ್.