ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:34 - ಕೊಡವ ಬೈಬಲ್

³⁴ ಅದ್ಂಗ್ ಯೇಸು: ಪೇತ್ರ, ನಾನ್ ಒಂದ್ ಎಣ್ಣ್‌ವಿ, ಇಂದ್ ಮಲ್ಲಂಗೋಳಿ ಕೂವಕ್ ಮಿಂಞ, ನಾಡ ವಿಷಯತ್‍ಲ್ ನೀನ್ ಮೂಂದ್ ಕುರಿ ಇಂವೊನ ನಾಕ್ ಗೊತ್ತಿಲ್ಲೇಂದ್ ಎಣ್ಣುವಿಯಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:34 ပူးပေါင်းရင်းမြစ်များ

ಮತ್ತಾಯ 26:34

ಯೇಸು ಅಂವೊನ ನೋಟ್‌ವಂಜಿ, ಇಂದ್ ಬಯಿಟ್ ಮಲ್ಲಂಗೋಳಿ ಕೂವಾಂಗ್ ಮಿಂಞ, ನೀನ್ ನನ್ನ ಗೊತ್ತ್‌ಲೇಂದ್ ಮೂಂದ್ ಕುರಿ ಎಣ್ಣುವಿಯಾಂದ್ ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 26:74

ಅಕ್ಕ ಅಂವೊ: ಸತ್ಯ ಮಾಡಿತ್, ನಾಕ್ ಅಂವೊನ ಗೊತ್ತ್‌ಲ್ಲೆ, ಅನ್ನನೆ ನಾನ್ ಪೊಟ್ಟ್‌ಪರಿಯುವೇಂಗಿ ನಾಡ ಮೇಲೆ ಶಾಪ ಬರಡ್‍ೕಂದ್ ಎಣ್ಣ್‌ಚಿ, ಅಕ್ಕಣೆಕ್ ಮಲ್ಲಂಗೋಳಿ ಕೂಂದತ್.

ಮಾರ್ಕ 14:30

ಇಂದ್ ಬಯಿಟ್ ನೇರತೆ ದಂಡ್ ಕುರಿ ಮಲ್ಲಂಗೋಳಿ ಕೂವಾಂಗಿಂಜ ಮಿಂಞ ನೀನ್ ನನ್ನ ಮೂಂದ್ ಕುರಿ ಗೊತ್ತಿಲ್ಲೇಂದ್ ಎಣ್ಣುವಿಯಾಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:33

ಅದ್ಂಗ್ ಪೇತ್ರ: ಆಚೇಂಗಿ ಒಡೆಯನೇ, ನಾನ್ ನೀಡ ಕೂಡೆ ಜೈಲ್‌ಕ್ ಪೋಪಕು, ಚತ್ತ್ ಪೋಪಕು ತಯಾರಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:35

ಇಂಞು ಅಂವೊ ಅಯಿಂಗಕ್: ನಿಂಗಳ ನಾನ್ ಪಣ ಚೀಲ, ಸಾಮಾನ್‍ರ ಚೀಲ ಪಿಂಞ ಕಾಲ್‌ಕ್ ಎಕ್ಕಡ ಇಲ್ಲತೆ ಅಯಿಚಿತ್ ಇಪ್ಪಕ, ನಿಂಗಕ್ ಎಂತಾಚೇಂಗಿ ಕಮ್ಮಿಯಾಚಾಂದ್ ಯೇಸು ಕ್‍ೕಟತ್. ಅದ್ಂಗ್: ಒಂದು ಕಮ್ಮಿಯಾಯಿತ್‌ಲ್ಲೇಂದ್ ಅಯಿಂಗ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:61

ಆ ಸಮಯತ್‍ಲ್ ಒಡೆಯ ತಿರ್‌ಗಿತ್ ಪೇತ್ರನ ನೇರೆ ನೋಟ್‌ಚಿ. ಮಲ್ಲಂಗೋಳಿ ಕೂವಕ್ ಮಿಂಞ ನೀನ್ ಮೂಂದ್ ಕುರಿ ನನ್ನ ಗೊತ್ತ್‌ಲ್ಲೇಂದ್ ಎಣ್ಣುವಿಯಾಂದ್ ಒಡೆಯ ಎಣ್ಣ್‌ನದ್ ಅಕ್ಕಲೆ ಗೇನ ಬಾತ್.

ಯೋಹಾನ 13:38

ಯೇಸು ಅಂವೊನ ನೋಟಿತ್: ನೀನ್ ನೇರಾಯಿತು ನಾಕಾಯಿತ್ ಚಾವಕ್ ತಯಾರಾಯಿತುಳ್ಳಿಯಾ? ಇಂದ್ ಮಲ್ಲಂಗೋಳಿ ಕೂವಾಂಗ್ ಮಿಂಞ ನನ್ನ ನೀಕ್ ಗೊತ್ತ್‌ಲೇಂದ್ ಮೂಂದ್ ಕುರಿ ನೀನ್ ಎಣ್ಣುವಿಯಾಂದ್ ನೇರಾಯಿತು ನೇರಾಯಿತು ನಾನ್ ನೀಕ್ ಎಣ್ಣುವೀಂದ್ ಎಣ್ಣ್‌ಚಿ.

ಯೋಹಾನ 18:27

ಪೇತ್ರ ಅಯಿಂಗಕ್ ಒತ್ತತೆ, ಇಲ್ಲೇಂದ್ ಪುನಃ ಎಣ್ಣ್‌ಚಿ. ಅಕ್ಕಲೆ ಮಲ್ಲಂಗೋಳಿ ಕೂಂದತ್.