ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:33 - ಕೊಡವ ಬೈಬಲ್

³³ ಅದ್ಂಗ್ ಪೇತ್ರ: ಆಚೇಂಗಿ ಒಡೆಯನೇ, ನಾನ್ ನೀಡ ಕೂಡೆ ಜೈಲ್‌ಕ್ ಪೋಪಕು, ಚತ್ತ್ ಪೋಪಕು ತಯಾರಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:33 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 28:26

ತಾಂಡ ಹೃದಯತ್‌ನ ನಂಬುವಂವೊ ಮೂಡ. ಆಚೇಂಗಿ ಜ್ಞಾನತ್‌ರ ಬಟ್ಟೆಲ್‌ ನಡ್‌ಪಂಪವೊ ಸೌಕ್ಯತ್‌ ಇಪ್ಪ.

ಮತ್ತಾಯ 20:22

ಅದ್ಂಗ್ ಯೇಸು: ನೀನ್ ಎಂತಾನ ಕ್‍ೕಟಂಡುಳ್ಳಿಯಾಂದ್ ನೀಕ್ ಗೊತ್ತ್‌ಲ್ಲೆ. ನಾನ್ ಕುಡಿಪಕುಳ್ಳ ಕಷ್ಟತ್‍ರ ಪಾತ್ರತ್‍ನ ನೀನ್ ಕುಡಿಪಕಯ್ಯುವಾಂದ್ ಕ್‍ೕಟತ್. ಅಕ್ಕು, ನಂಗಕ್ ಕಯ್ಯೂಂದ್ ಎಣ್ಣ್‌ಚಿ.

ಮಾರ್ಕ 14:29

ಅದ್ಂಗ್ ಪೇತ್ರ: ನಿನ್ನ ಎಲ್ಲಾರು ಬುಟ್ಟಿತ್ ಪೋಚೇಂಗಿಯು ನಾನ್ ನಿನ್ನ ಬುಟ್ಟಿತ್ ಪೋಪುಲೇಂದ್ ಎಣ್ಣ್‌ಚಿ.

ಮಾರ್ಕ 14:31

ಅದ್ಂಗ್ ಪೇತ್ರ: ನಾನ್ ನೀಡ ಕೂಡೆ ಚತ್ತ್ ಪೋಂಡೂಂದ್ ಇಂಜತೇಂಗಿಯು, ನಾನ್ ಅನ್ನನೆ ಎಣ್ಣುಲೇಂದ್ ಎಣ್ಣ್‌ಚಿ. ಎಲ್ಲಾ ಶಿಷ್ಯಂಗಳು ಅಂವೊ ಎಣ್ಣ್‌ನನೆಕೆ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:34

ಅದ್ಂಗ್ ಯೇಸು: ಪೇತ್ರ, ನಾನ್ ಒಂದ್ ಎಣ್ಣ್‌ವಿ, ಇಂದ್ ಮಲ್ಲಂಗೋಳಿ ಕೂವಕ್ ಮಿಂಞ, ನಾಡ ವಿಷಯತ್‍ಲ್ ನೀನ್ ಮೂಂದ್ ಕುರಿ ಇಂವೊನ ನಾಕ್ ಗೊತ್ತಿಲ್ಲೇಂದ್ ಎಣ್ಣುವಿಯಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:57

ಅದ್ಂಗ್ ಪೇತ್ರ: ಮೂಡಿ, ನಾಕ್ ಅಂವೊನ ಗೊತ್ತ್‌ಲ್ಲೇಂದ್ ಎಣ್ಣ್‌ಚಿ.

ಯೋಹಾನ 13:38

ಯೇಸು ಅಂವೊನ ನೋಟಿತ್: ನೀನ್ ನೇರಾಯಿತು ನಾಕಾಯಿತ್ ಚಾವಕ್ ತಯಾರಾಯಿತುಳ್ಳಿಯಾ? ಇಂದ್ ಮಲ್ಲಂಗೋಳಿ ಕೂವಾಂಗ್ ಮಿಂಞ ನನ್ನ ನೀಕ್ ಗೊತ್ತ್‌ಲೇಂದ್ ಮೂಂದ್ ಕುರಿ ನೀನ್ ಎಣ್ಣುವಿಯಾಂದ್ ನೇರಾಯಿತು ನೇರಾಯಿತು ನಾನ್ ನೀಕ್ ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 21:13

ಆಚೇಂಗಿ ಪೌಲ: ನಿಂಗ ಎನ್ನಂಗ್ ಇನ್ನನೆ ಮೊರಟಂಡ್, ನಾಡ ಹೃದಯ ತಳ್ಂದ್ ಪೋಪನೆಕೆ ಮಾಡ್‌ವಿರ? ನಾನ್ ಒಡೆಯನಾನ ಯೇಸುರ ಪೆದಕಾಯಿತ್ ಯೆರೂಸಲೇಮ್‍ಲ್ ಜೈಲ್‌ಕ್ ಪೋಪಕ್ ಮಾತ್ರ ಅಲ್ಲ, ಚಾವಕು ತಯಾರಾಯಿತ್ ಉಳ್ಳ್‌ೕಂದ್ ಎಣ್ಣ್‌ಚಿ.