ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:27 - ಕೊಡವ ಬೈಬಲ್

²⁷ ದಾರ್ ಬಲ್ಯಂವೊ? ಉಂಬಕ್ ಅಳ್‍ಪಂವೊನಾ ಅಥವ ಸೇವ ಮಾಡ್‍ವಂವೊನಾ? ಉಂಬಕ್ ಅಳ್‍ಪಂವೊ ತಾನೆ! ಅನ್ನನೆ ಇಂಜಿತು ನಾನ್ ನಿಂಗಡ ಮದ್ಯತ್‍ಲ್ ಪಣಿಕಾರನಾಯಿತ್ ಉಂಡಲ್ಲ!

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:27 ပူးပေါင်းရင်းမြစ်များ

ಮತ್ತಾಯ 20:28

ಅನ್ನನೆ, ಮನುಷ್ಯಕುಮಾರ ಸಹ ಬೋರೆಯಿಂಗಡಿಂಜ ಸೇವೆ ಮಾಡ್‌ಚಿಟ್ಟ್‌ವಕಾಯಿತ್ ಬಂದಿತ್ತ್‌ಲ್ಲೆ. ಆಚೇಂಗಿ ಸೇವೆ ಮಾಡ್‌ವಕಾಯಿತು, ದುಂಬ ಜನಳ ಬುಡ್‍ಗಡೆ ಮಾಡ್‌ವಕ್ ತಾಂಡ ಜೀವತ್‍ನ ಕೊಡ್‍ಪಕಾಯಿತು ಬಂದಿಯೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:37

ಅನ್ನನೆ ಅಂವೊ ಬಪ್ಪಕ, ಪಾರಾಕಾತಂಡ್ ತಯಾರಾಯಿತುಳ್ಳಯಿಂಗಕ್ ವಿಶೇಷ ದಯೆ ಕಾಟುವ. ಅಂವೊನೇ ಅಯಿಂಗಳ ಅಳ್‍ಪ್‍ಚಿಟ್ಟಿತ್, ಊಟೋಪಚಾರ ಮಾಡ್‌ವಕ್ ಉಳ್ಳ ಬಟ್ಟೆ ಇಟ್ಟಂಡ್, ಅಯಿಂಗ ಅಳ್‌ತಿತ್ ಉಂಬಕ, ಅಂವೊನೇ ಅಯಿಂಗಕ್ ಸೇವೆ ಮಾಡ್‌ವಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

2 ಕೊರಿಂಥ 8:9

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಕ್ ಗೊತ್ತುಂಡ್; ಅಂವೊ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು, ಅಂವೊಂಡ ಗರೀಬತನತ್‍ರಗುಂಡ್ ನಿಂಗ ಐಶ್ವರ್ಯವಂತಯಿಂಗಳಾಯಿತ್ ಆಪನೆಕೆ ಅಂವೊ ನಿಂಗಕಾಯಿತ್ ಗರೀಬನಾಚಿ.