ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:19 - ಕೊಡವ ಬೈಬಲ್

¹⁹ ಪಿಂಞ ಯೇಸು ಒಟ್ಟಿನ ಎಡ್‌ಪಂಜಿ ದೇವನ ತುದಿಚಿತ್, ಶಿಷ್ಯಂಗಕ್ ಪೊಳ್‌ಚಿತ್ ಕೊಡ್‌ತಿತ್: ಇದ್ ನಿಂಗಕಾಯಿತ್ ತಪ್ಪ ನಾಡ ತಡಿ, ನನ್ನ ಗೇನ ಮಾಡ್‌ವಕಾಯಿತ್ ಇದ್‍ನ ತಿಂಗಂಡೂಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:19 ပူးပေါင်းရင်းမြစ်များ

ಮತ್ತಾಯ 14:19

ಪಿಂಞ ಯೇಸು ಅಯಿಂಗಳೆಲ್ಲ ಪಿಲ್ಲ್‌ರ ಮೇಲೆ ಅಳ್‌ಪಕ್ ಹುಕುಮ್ ಕೊಡ್‍ತತ್. ಯೇಸು, ಅಂಜ್ ಒಟ್ಟಿ ಪಿಂಞ ದಂಡ್ ಮೀನ್‌ನ ಎಡ್‍ತಿತ್, ಕೊಡಿಕ್ ಪರಲೋಕತ್‌ನ ನೋಟುವಂಜಿ ದೇವಕ್ ವಂದನೆ ಮಾಡಿತ್, ಒಟ್ಟಿನ ಮುರಿಪಂಜಿ ಅಂವೊಂಡ ಶಿಷ್ಯಂಗಕ್ ಕೊಡ್‍ತತ್; ಶಿಷ್ಯಂಗ, ಎಲ್ಲಾ ಜನಕ್ ಕೊಡ್‍ತತ್.

ಮತ್ತಾಯ 15:36

ಯೇಸು, ಏಳ್ ಒಟ್ಟಿ ಪಿಂಞ ಮೀನ್‌ನ ಎಡ್‍ತಿತ್, ದೇವಕ್ ವಂದನೆ ಮಾಡಿತ್, ಒಟ್ಟಿನ ಪೊಳ್‌ಚಿತ್ ಶಿಷ್ಯಂಗಕ್ ಕೊಡ್‌ತಿತ್, ಇದ್‍ನ ನಿಂಗ ಎಲ್ಲಾರ್‌ಕು ಕೊಡೀಂದ್ ಎಣ್ಣ್‌ಚಿ; ಶಿಷ್ಯಂಗ ಜನಕ್ ಉಂಬಕ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:17

ಯೇಸು ದ್ರಾಕ್ಷಿರಸತ್‍ರ ಕಪ್ಪ್‌ನ ಎಡ್‌ಪಂಜಿ ದೇವನ ತುದಿಚಿತ್, ಶಿಷ್ಯಂಗಕ್ ಕೊಡ್‌ಪಂಜಿ: ನಿಂಗ ಇದ್‍ನ ಎಡ್‍ತಂಡ್, ನಿಂಗಡಲ್ಲಿ ಪಾಲ್ ಮಾಡಿಯೊಳಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:20

ಉಂಡಿತ್ ಆನ ಪಿಂಞ, ಅಂವೊ ಅನ್ನನೆ ದ್ರಾಕ್ಷಿರಸತ್‍ರ ಕಪ್ಪ್‌ನ ಎಡ್‍ತಂಡ್: ಇದ್ ನಿಂಗಕಾಯಿತ್ ಬೂಕ್‌ವ ನಾಡ ಚೋರೆನಗುಂಡ್ ಮಾಡ್‍ನ ದೇವಡ ಪುದಿಯ ಒಪ್ಪಂದಾಂದ್ ಎಣ್ಣಿತ್ ಅಯಿಂಗಕ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:30

ಯೇಸು ಅಯಿಂಗಡ ಕೂಡೆ ಉಂಬಕ್ ಅಳ್‌ಪಕ, ಒಟ್ಟಿನ ಎಡ್‌ಪಂಜಿ ದೇವಕ್ ವಂದನೆ ಎಣ್ಣಿತ್ ಒಟ್ಟಿನ ಪೊಳಿಪಂಜಿ ಅಯಿಂಗಕ್ ಕೊಡ್‍ತತ್.

ಯೋಹಾನ 6:23

ಆ ಸಮಯತ್‍ಲ್, ಬೋರೆ ದೋಣಿಯ ತಿಬೇರಿಯ ಪೊಳೆರ ಕರೆಯಿಂಜ ಬಾತ್. ಈ ತಿಬೇರಿಯ ಪಟ್ಟಣ, ಯೇಸು ಒಟ್ಟಿನ ದೇವಕ್ ವಂದನೆ ಮಾಡಿತ್ ಕೊಡ್‍ತ ಜಾಗತ್‍ರ ಪಕ್ಕ ಇಂಜತ್.

ಯೋಹಾನ 6:51

ನಾನೇ ಪರಲೋಕತ್ಂಜ ಬಂದ ಜೀವತ್‍ರ ಒಟ್ಟಿ; ಈ ಒಟ್ಟಿನ ತಿಂಬಯಿಂಗ ಎಕ್ಕಾಲು ಬದ್‍ಕ್‍ವ; ನಾನ್ ತಪ್ಪ ಒಟ್ಟಿ ನಾಡ ತಡಿಯೇ. ಈ ಲೋಕತ್‍ರ ಜನ ನಿತ್ಯ ಜೀವ ಪಡೆಯುವಕಾಯಿತ್ ನಾನ್ ನಾಡ ತಡೀನ ತಪ್ಪೀಂದ್ ಎಣ್ಣ್‌ಚಿ.

1 ಕೊರಿಂಥ 10:16

ನಂಗ ಆರಾದನೆ ಮಾಡ್‌ವಕ್ ಒಕ್ಕಚೆ ಕೂಡಿ ಬಪ್ಪಕ, ಕ್ರಿಸ್ತ ನಂಗಕಾಯಿತ್ ಚತ್ತ್ ಪೋನದ್‍ನ ಗೇನ ಮಾಡ್‌ವಕಾಯಿತ್, ನಂಗ ದೇವಕ್ ವಂದನೆ ಮಾಡಿತ್ ಕುಡಿಪ ದ್ರಾಕ್ಷಿರಸ, ನಂಗ ಆ ಚೋರೆರ ಪಾಲ್‍ದಾರಂಗಾಂದ್ ಕಾಟಿತಪ್ಪ ಅಲ್ಲಾ? ನಂಗ ತಿಂಬ ಒಟ್ಟಿ ಕ್ರಿಸ್ತಂಡ ತಡೀರ ಪಾಲ್‍ದಾರಂಗಾಂದ್ ಕಾಟಿತಪ್ಪ ಅಲ್ಲಾ?

1 ಕೊರಿಂಥ 10:4

ಪಿಂಞ ಅಯಿಂಗೆಲ್ಲಾರು ಒರೇ ಆತ್ಮೀಯ ನೀರ್‌ನ ಕುಡಿಚತ್. ಎನ್ನನೆ ಎಣ್ಣ್‌ಚೇಂಗಿ ಬಂಡೆ ಕಲ್ಲಿಂಜ ನೀರ್ ಬಪ್ಪಕ್ ಮಾಡ್‍ಚಿ. ಆ ಬಂಡೆ ಕಲ್ಲ್, ಅಯಿಂಗಡ ಕೂಡೆ ಪೋಯಂಡಿಂಜ ಕ್ರಿಸ್ತನೇ.

ಗಲಾತ್ಯ 1:4

ಅಂವೊ ನಂಗಳ ಇಕ್ಕತ್‍ರ ಮೋಸವಾನ ಲೋಕತ್ಂಜ ಕಾಪಾಡ್‌ವಕಾಯಿತ್, ನಂಗಡ ಅಪ್ಪನಾನ ದೇವಡ ಚಿತ್ತತ್‍ರನೆಕೆ ನಂಗಡ ಪಾಪಕಾಯಿತ್ ಅಂವೊನ ಚಾವ್‍ಕ್ ಒಪ್ಪ್‌ಚಿಟ್ಟತ್.

ಗಲಾತ್ಯ 4:25

ಹಾಗರ್ ಅರಬಿ ದೇಶತ್‍ಲ್ ಉಳ್ಳ ಸೀನಾಯಿ ಪರ್ವತತ್‍ರನೆಕೆ. ಅದ್ ಇಕ್ಕ ಉಳ್ಳ ಯೆರೂಸಲೇಮ್ಂದ್ ಎಣ್ಣ್‌ವಕ್ ಕಯ್ಯು. ಅನ್ನನೆ ಇಕ್ಕಲು ಅದ್ ಅದ್ಂಡ ಮಕ್ಕಡ ಕೂಡೆ ಅಡಿಯಾಳಾಯಿತ್ ಉಂಡ್.

ಎಫೆಸ 5:2

ಕ್ರಿಸ್ತ ನಂಗಳ ಪ್ರೀತಿ ಮಾಡಿತ್, ನಂಗಕಾಯಿತ್, ದೇವಕ್ ಎನ್ನನೆ ಅಂವೊನನೇ ಒರ್ ಸುಗಂದ ವಾಸನೆರ ಕಾಣಿಕೆಯಾಯಿತು, ಬಲಿಯಾಯಿತು ಒಪ್ಪ್‌ಚಿಟ್ಟತೋ ಅನ್ನನೆ ನಿಂಗಳು ಸಹ ಪ್ರೀತಿಲ್ ನಡ್‌ಕಂಡು.

1 ಥೆಸಲೊನೀಕ 5:18

ಎಂತ ನಡ್‌ಂದತೇಂಗಿಯು ದೇವಕ್ ವಂದನೆ ಎಣ್ಣಿಯಂಡ್ ಇರಿ; ಎನ್ನಂಗೆಣ್ಣ್‌ಚೇಂಗಿ, ಇನ್ನನೆ ಮಾಡ್‌ವದೇ ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ರ ಮೂಲಕ, ನಿಂಗಡ ಮೇಲೆ ಉಳ್ಳ ದೇವಡ ಚಿತ್ತವಾಯಿತ್ ಉಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

1 ಪೇತ್ರ 2:24

ಅಂವೊ ನಂಗಡ ಪಾಪತ್‍ನ ತಾಂಡ ತಡೀಲ್ ಎಡ್‍ತಂಡ್, ಶಿಲುಬೇಲ್ ಪೊರ್‌ತಂಡ್‌ ಚತ್ತತ್. ಆನಗುಂಡ್, ನಂಗ ಪಾಪಕ್ ಚತ್ತ್ ಪೋಯಿತ್ ನೀತಿಕ್ ಬದ್‍ಕ್‍ವನೆಕೆ ಆಚಿ. ಅಂವೊಂಡ ಗಾಯತ್‍ನಗುಂಡ್ ನಂಗ ವಾಸಿಯಾಚಿ.