ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:16 - ಕೊಡವ ಬೈಬಲ್

¹⁶ ಈ ಪಸ್ಕತ್‍ರ ಅರ್ಥ ದೇವಡ ರಾಜ್ಯತ್‍ಲ್ ಪೂರ್ತಿ ಆಪಕ್ ಮಿಂಞ, ನಾನ್ ಇದ್‍ನ ಪುನಃ ಉಂಬ್‍ಲೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:16 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:37

ಅನ್ನನೆ ಅಂವೊ ಬಪ್ಪಕ, ಪಾರಾಕಾತಂಡ್ ತಯಾರಾಯಿತುಳ್ಳಯಿಂಗಕ್ ವಿಶೇಷ ದಯೆ ಕಾಟುವ. ಅಂವೊನೇ ಅಯಿಂಗಳ ಅಳ್‍ಪ್‍ಚಿಟ್ಟಿತ್, ಊಟೋಪಚಾರ ಮಾಡ್‌ವಕ್ ಉಳ್ಳ ಬಟ್ಟೆ ಇಟ್ಟಂಡ್, ಅಯಿಂಗ ಅಳ್‌ತಿತ್ ಉಂಬಕ, ಅಂವೊನೇ ಅಯಿಂಗಕ್ ಸೇವೆ ಮಾಡ್‌ವಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:15

ಯೇಸು ಇನ್ನನೆ ಎಣ್ಣ್‌ನ ಪಿಂಞ, ಉಂಬಕ್ ಅಳ್‌ತಿತ್ಂಜ ಒರ್ ಮನುಷ್ಯ, ದೇವಡ ರಾಜ್ಯತ್‍ಲ್ ಉಂಬಂವೊ ಆಶೀರ್ವಾದ ಪಡ್ಂದವೋಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:15

ಅಕ್ಕ ಅಂವೊ ಅಯಿಂಗಳ ನೋಟಿತ್: ನಾನ್ ಮರಣತ್‌ರ ಕಷ್ಟ ಅನುಬವಿಚಿಡುವಕ್ ಮಿಂಞ ನಿಂಗಡ ಕೂಡೆ ಈ ಗದ್ದಾಳತ್‍ಲ್ ಉಂಗಂಡೂಂದ್ ದುಂಬ ಕುಶಿಪಟ್ಟಂಡಿಂಜ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:18

ನಾನ್ ದೇವಡ ರಾಜ್ಯತ್‍ಲ್ ಪುದಿಯ ರಸತ್‌ನ ಕುಡಿಪಕತ್ತನೆ ಈ ದ್ರಾಕ್ಷಿರಸತ್‍ನ ಕುಡಿಪ್‌ಲೇಂದ್ ನಾನ್ ನಿಂಗಕ್ ಎಣ್ಣ್‌ವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:30

ನಾಡ ರಾಜ್ಯತ್‍ಲ್ ನಾಡ ಕೂಡೆ ನಿಂಗ ಉಂಬಿರ, ಕುಡಿಪಿರ. ಇಸ್ರಾಯೇಲ್‍ರ ಪನ್ನೆರಂಡ್ ಕುಲತ್‍ನ ನ್ಯಾಯತೀರ್ಪ್ ಕೊಡ್‍ಪಕ್ ಪನ್ನೆರಂಡ್ ಸಿಂಹಾಸನತ್‍ರ ಮೇಲೆ ಒಬ್ಬೊಬ್ಬನು ಅಳ್‌ಪಿರಾಂದ್ ಅಯಿಂಗಕ್ ಎಣ್ಣ್‌ಚಿ.

ಯೋಹಾನ 6:27

ಪಾಳಾಯಿ ಪೋಪ ಆಹಾರಕಾಯಿತ್ ಅಲ್ಲ ಆಚೇಂಗಿ ನಿಂಗಳ ನಿತ್ಯ ಜೀವಕತ್ತನೆ ಕೊಂಡ್ ಪೋಪ ಆಹಾರಕಾಯಿತ್ ಕ್ರಿಯೆ ಮಾಡಿ; ಅದ್‍ನ ಮನುಷ್ಯಕುಮಾರ ನಿಂಗಕ್ ತಪ್ಪ, ಎನ್ನಂಗೆಣ್ಣ್‌ಚೇಂಗಿ, ಅಂವೊ ಅನ್ನನೆ ಮಾಡ್‌ವಕ್ ಅಪ್ಪನಾನ ದೇವ ಅಂವೊನ ಅದಿಕಾರಿಯಾಯಿತ್ ನೀಮಿಚಿಟ್ಟಿತುಂಡ್.

ಅಪೊಸ್ತಲ 10:41

ಆಚೇಂಗಿ, ಎಲ್ಲಾರು ಅಂವೊನ ಕಾಂಬನೆಕೆ ಮಾಡತೆ, ಯೇಸು ಚತ್ತಯಿಂಗ ಮದ್ಯತ್ಂಜ ಜೀವವಾಯಿತ್ ಬಂದ ಪಿಂಞ, ಅಂವೊಂಡ ಕೂಡೆ ಉಂಡಯಿಂಗಳು, ಕುಡಿಚಯಿಂಗಳು ಪಿಂಞ ಮಿಂಞಲೇ ಆಯ್ಕೆ ಮಾಡಿತ್ಂಜ ಸಾಕ್ಷಿಯಂಗಳಾನ ನಂಗಕ್ ಪ್ರತ್ಯಕ್ಷ ಆಯಿತ್ ನಂಗ ಕಾಂಬನೆಕೆ ಮಾಡ್‍ಚಿ.

ಪ್ರಕಟನೆ 19:9

ಇಂಞು ದೇವದೂತ ನನ್ನ ನೋಟಿತ್: ಕೊರಿಕುಟ್ಟಿಯಾನವೊಂಡ ಮಂಗಲತ್‍ರ ಗದ್ದಾಳಕ್ ಕಾಕ್‍ಚಿಟ್ಟಯಿಂಗ ಆಶೀರ್ವಾದ ಪಡ್ಂದಯಿಂಗ ಇನ್ನನೆ ಒಳ್‌ದ್‍ೕಂದ್ ಎಣ್ಣ್‌ಚಿ. ಇದ್ ದೇವಡ ಸತ್ಯವಾಯಿತುಳ್ಳ ತಕ್ಕ್‍ೕಂದ್ ಎಣ್ಣ್‌ಚಿ.