ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:37 - ಕೊಡವ ಬೈಬಲ್

³⁷ ಯೇಸು ಎಕ್ಕಾಲು ದೇವಾಲಯತ್‍ಲ್ ಬೋದನೆ ಕೊಡ್‌ತಂಡ್, ಬೈಟಾಪಕ ಆಲಿವ್ ಕುಂದ್‌ಕ್ ಪೋಯಿತ್ ದಿನ ಕಯಿಪಯಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:37 ပူးပေါင်းရင်းမြစ်များ

ಮತ್ತಾಯ 21:1

ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಯೆರೂಸಲೇಮ್‍ರ ಆಲಿವ್ ಕುಂದ್‌ರ ಪಕ್ಕತ್‍ಲ್ ಇಂಜ ಬೇತ್ಫಗೆ ಊರ್‌ರ ಪಕ್ಕ ಬಪ್ಪಕ,

ಮತ್ತಾಯ 21:17

ಪಿಂಞ ಅಯಿಂಗಳ ಬುಟ್ಟಿತ್, ಆ ಪಟ್ಟಣತ್ಂಜ ಪೊರಟಿತ್ ಬೇಥಾನ್ಯಕ್ ಪೋಯಿತ್ ಬಯಿಟ್ ಅಲ್ಲೇ ಒಳಿಂಜತ್.

ಮತ್ತಾಯ 26:30

ಪಿಂಞ ಅಯಿಂಗ ದೇವಡ ಪಾಟ್ ಪಾಡಿಯಂಡೇ ಆಲಿವ್ ಎಣ್ಣುವ ಕುಂದ್‌ಕ್ ಪೋಚಿ.

ಮತ್ತಾಯ 26:55

ಅದೇ ಸಮಯತ್‍ಲ್ ಯೇಸು ಜನಡ ಗುಂಪ್‌ಕ್: ಕಳ್ಳನ ಪುಡಿಪಕ್ ಬಂದನೆಕೆ ಕತ್ತಿ ಪಿಂಞ ದೊಣ್ಣೆನೆಲ್ಲ ಎಡ್‌ತ ಬಂದಿತುಳ್ಳಿರಲ್ಲಾ? ನಾನ್ ದಿನಾಲು ನಿಂಗಡ ಕೂಡೆ ದೇವಾಲಯತ್‍ಲ್ ಬೋದನೆ ಮಾಡಿಯಂಡಿಂಜ್, ಅಕ್ಕ ನಿಂಗ ಪುಡ್‌ಚಿತ್‌ಲ್ಲೆ.

ಮಾರ್ಕ 11:12

ಪಿತ್ಯಾಂದ್ ಬೇಥಾನ್ಯಯಿಂಜ ಬಯ್ಯಕ್ ಬಪ್ಪಕ ಯೇಸುಕ್ ಕೆಲಪಯಿಪಕ್ ಸುರ್ ಆಚಿ.

ಮಾರ್ಕ 11:19

ಬೈಟಾಪಕ ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಯೆರೂಸಲೇಮ್‍ನ ಬುಟ್ಟಿತ್ ಪೋಯಿರ್‌ತ್.

ಮಾರ್ಕ 14:49

ನಾನ್ ದಿನಾಲು ನಿಂಗಡ ಕೂಡೆ ದೇವಾಲಯತ್‍ಲ್ ಬೋದನೆ ಮಾಡಿಯಂಡಿಂಜ್, ಅಕ್ಕ ನಿಂಗ ಪುಡ್‌ಚಿತ್‌ಲ್ಲೆ. ಆಚೇಂಗಿ ದೇವಡ ವಾಕ್ಯತ್‍ಲ್ ಎಂತ ಒಳ್‍ದಿತುಂಡೋ ಅದ್ ನೆರವೇರಂಡೂಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:29

ಅಂವೊ ಆಲಿವ್ ಕುಂದ್‌ರ ಪಕ್ಕ ಉಳ್ಳ ಬೇತ್ಫಗೆ ಪಿಂಞ ಬೇಥಾನ್ಯ ಎಣ್ಣುವ ಊರ್‌ರ ಪಕ್ಕ ಬಪ್ಪಕ, ತಾಂಡ ದಂಡ್ ಶಿಷ್ಂಗಳ ನೋಟಿತ್:

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:37

ಆಲಿವ್ ಕುಂದ್‌ರ ಅಡಿಲ್ ಉಳ್ಳ ಬಟ್ಟೇರ ಪಕ್ಕ ಬಪ್ಪಕಾಪಕ, ಕೂಡಿತ್ಂಜ ದುಂಬ ಶಿಷ್ಯಂಗ, ಎಂತೆಲ್ಲಾ ಅದ್ಬುತ ಕಾರ್ಯತ್‍ನ ನಂಗ ಕಂಡಿತುಂಡ್‍ೕಂದ್ ಕುಶಿಪಟ್ಟಂಡ್ ದೇವನ ಜೋರಾಯಿತ್ ತುದಿಪಕ್ ಸುರು ಮಾಡ್‍ಚಿ:

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:47

ಇದಾನ ಪಿಂಞ, ಯೇಸು ಎಕ್ಕಾಲು ದೇವಾಲಯತ್‍ಲ್ ಬೋದನೆ ಕೊಡ್‌ತಂಡ್ ಇಂಜತ್. ಮುಕ್ಯ ಯಾಜಕಂಗ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಪಿಂಞ ಜನಡ ಪೆರಿಯಯಿಂಗ ಎಲ್ಲಾರು ಯೇಸುನ ಕೊಲ್ಲುವಕ್ ನೋಟಿಯಂಡ್ ಇಂಜತೇಂಗಿಯು,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:39

ಪಿಂಞ ಯೇಸು ಎದ್ದಿತ್, ಅಂವೊ ಎಕ್ಕಾಲು ಮಾಡ್‌ವ ಪದ್ದತಿರ ಪ್ರಕಾರ ಆಲಿವ್ ಕುಂದ್‌ಕ್ ಪೋಚಿ. ಅಂವೊಂಡ ಶಿಷ್ಯಂಗಳು ಬಯ್ಯಕ್ ಪೋಚಿ.

ಯೋಹಾನ 12:1

ಪಸ್ಕ ಎಣ್ಣುವ ನಮ್ಮೆಕ್ ಇಂಞು ಆರ್ ದಿವಸ ಮಾತ್ರ ಇಪ್ಪಕ, ಯೇಸು ಬೇಥಾನ್ಯ ಊರ್‌ಕ್ ಪೋಚಿ. ಈ ಬೇಥಾನ್ಯ ಊರ್, ಚತ್ತ್ ಪೋಯಿತ್ಂಜ ಲಾಜರನ ಯೇಸು ಪುನಃ ಎಪ್ಪ್‌ಚಿಟ್ಟ ಊರಾಯಿತ್ಂಜತ್.

ಯೋಹಾನ 18:2

ಅಲ್ಲಿಕ್ ಯೇಸು ಅಂವೊಂಡ ಶಿಷ್ಯಂಗಡ ಕೂಡೆ ಅಕ್ಕಕ್ಕ ಪೋಪಕಿಂಜತ್. ಆನಗುಂಡ್ ಯೇಸುನ ಪುಡ್‌ಚಿತ್ ಕೊಡ್‌ಪಕಿಂಜ ಯೂದಂಗ್ ಸಹ ಆ ಜಾಗ ಗೊತ್ತ್ಂಜತ್.

ಅಪೊಸ್ತಲ 1:12

ಅಕ್ಕ, ಆಲಿವ್ ಮರತ್‍ರ ಕುಂದಿಂಜ ಅಯಿಂಗ ಯೆರೂಸಲೇಮ್‌ಕ್ ಪೋಚಿ. ಈ ಜಾಗ, ಪಟ್ಟಣತ್ಂಜ ಒರ್ ಸಬ್ಬತ್ ದಿವಸತ್‍ಲ್ ನಡ್ಂದ್ ಪೋಯಿತ್ ಬಪ್ಪ ದೂರವಾನ ಒರ್ ಕಿಲೊ ಮೀಟರ್ ದೂರತ್‍ಲ್ ಇಂಜತ್.