ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:34 - ಕೊಡವ ಬೈಬಲ್

³⁴ ನಿಂಗಡ ವಿಷಯತ್‍ಲ್ ಎಚ್ಚರತ್‍ಲ್ ಇರಿ. ನಿಂಗಡ ಸಮಯತ್‍ನೆಲ್ಲ ತಿಂಬಕಾಯಿತ್ ಕುಡಿಪಕಾಯಿತ್ ಪಿಂಞ ಬದ್‍ಕ್‍ರ ವಿಷಯಕಾಯಿತ್ ವ್ಯಸನ ಪಟ್ಟಂಡ್ ಇರತಿ. ಅನ್ನನೆ ಮಾಡಿಯಂಡಿಂಜತೇಂಗಿ, ನಿಂಗ ಗೇನ ಮಾಡತ ಸಮಯತ್‍ಲ್ ಆ ದಿವಸ ಬಂದಿತ್ ನಿಂಗಳ ಪುಡ್‌ಚಿರ್‍ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:34 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 19:32

ಬಾ, ನಂಗ ಅಪ್ಪಂಗ್‌ ಕಳ್ಳ್ ಕುಡಿಪ್‌ಚಿಟ್ಟಿತ್‌ ಅಂವೊಂಡ ಕೂಡೆ ಬುದ್ದೋನ. ಅಕ್ಕ ನಂಗಕ್‌ ಮಕ್ಕ ಆಯಿತ್‌ ಅಪ್ಪನಗುಂಡ್‌ ಸಂತಾನತ್‌ನ ಉಳಿಚಿಡನಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 19:35

ಅಂದ್‌ ಬಯಿಟ್ ಅಯಿಂಗಡ ಅಪ್ಪಂಗ್‌ ಕಳ್ಳ್ ಕುಡಿಪ್‌ಚಿಟ್ಟಪಿಂಞ ಚೆರಿಯವ ಅಂವೊಂಡ ಕೂಡೆ ಬುದ್ದಂಡತ್. ಪುನಃ ಅವ ಎಕ್ಕ ಬುದ್ದಂಡತೋ ಎಕ್ಕ ಎದ್ದಿತ್‌ ಪೋಚೋ ಅಂವೊಂಗ್‌ ಒಂದೂ ಗೊತ್ತಾಯಿತ್‌ಲ್ಲೆ.

ಆದ್ಯತ್‌ರ ಪುಸ್ತಕ 27:14

ಅಂವೊ ಪೋಯಿತ್‌ ಅದ್‌ನ ಕೊಂಡ್‌ ಬಂದಿತ್‌ ಅಂವೊಂಡ ಅವ್ವಂಡ ಪಕ್ಕ ಕೊಡ್‌ತತ್. ಅಂವೊಂಡ ಅವ್ವ ಅಂವೊಂಡ ಅಪ್ಪಂಗ್‌ ಕುಶಿಯಾನ ನಲ್ಲ ರಸವುಳ್ಳ ಅಡಿಗೆ ತಯಾರ್‌ ಮಾಡ್‌ಚಿ.

ಜ್ಞಾನತ್‌ರ ಪಡಿಮ 21:4

ಚೊಕ್ಕ್‌ಲ್‌ ನೋಟ್‌ವ ಕಣ್ಣು, ಆಂಗಾರತ್‌ರ ಹೃದಯ, ದುಷ್ಟಂಡ ಬೊಳ್‌ಚ ಎಲ್ಲಾ ಪಾಪ ಮಾಡ್‌ವಕ್‌ ಬಟ್ಟೆ ಕಾಟುವ.

ಜ್ಞಾನತ್‌ರ ಪಡಿಮ 23:20

ಕುಡುಕಂಗಡ ಕೂಡೆಯು, ದುಂಬ ಯರ್ಚಿ ತಿಂಬಯಿಂಗಡ ಕೂಡೆಯು ಸಹವಾಸ ಬೆಚ್ಚೊತೆ.

ಮತ್ತಾಯ 13:22

ಮುಳ್ಳ್‌ರ ಪೊದೆಲ್ ಬುದ್ದ ಕುರು ಎನ್ನನೇಂದ್ ಎಣ್ಣ್‌ಚೇಂಗಿ, ಅಯಿಂಗ ದೇವಡ ವಾಕ್ಯತ್‍ನ ಕ್‍ೕಪ. ಆಚೇಂಗಿ ಈ ಬದ್‍ಕ್‍ರ ವಿಷಯತ್ ಬೇಜಾರ್ ಮಾಡಿಯಂಡ್, ಪಣತ್‍ರ ಮೇಲೆ ಉಳ್ಳ ಆಸೆರಗುಂಡ್, ಇದೆಲ್ಲ, ಅಯಿಂಗ ಕ್‍ೕಟ ದೇವಡ ವಾಕ್ಯತ್‍ನ ನೆರ್‌ಕಿತ್, ಅಯಿಂಗ ಫಲ ಕೊಡ್‍ಕತೆ ಪೋಪ.

ಮಾರ್ಕ 13:9

ನಿಂಗ ಎಚ್ಚರತ್‍ಲ್ ಇರಿ. ಅಯಿಂಗ ನಿಂಗಳ ನ್ಯಾಯಾಲಯಕ್ ಬಲ್‍ಚಂಡ್ ಪೋಯಿತ್ ಅಯಿಂಗಡ ಆಲೋಚನೆ ಸಬೇಲ್ ಒಪ್ಪ್‌ಚ್ಚಿಟಿತ್, ಅಯಿಂಗಡ ಸಬಾಮಂದಿರತ್‍ಲ್ ನಿಂಗಳ ಚಾಟಿಲ್ ಪೊಯ್ಯುವ, ನಾಡಗುಂಡ್ ಬಲ್ಯ ಅದಿಪತಿಯಂಗಡ ಪಿಂಞ ರಾಜಂಗಡ ಮಿಂಞತ್‍ಲ್ ನಾಡ ನಲ್ಲ ಸುದ್ದಿ ಎಣ್ಣ್‌ವಕಾಯಿತ್ ನಿಪ್ಪ್‌ಚಿಡುವ.

ಮಾರ್ಕ 4:19

ಈ ಬದ್‍ಕ್‍ರ ದುಃಖ, ಐಶ್ವರ್ಯತ್‍ರ ಬೋದ ಪಿಂಞ ಬೋರೆ ಬೋರೆ ತರತ್‍ರ ಇಚ್ಛೆಯು ದೇವಡ ವಾಕ್ಯತ್‍ನ ಇರ್‌ಕುವಗುಂಡ್ ಫಲ ಕ್‍ಟ್ಟುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:41

ಅದ್ಂಗ್ ಯೇಸು: ಮಾರ್ಥ, ಮಾರ್ಥ, ನೀನ್ ದುಂಬ ವಿಷಯತ್‍ನ ಗೇನ ಮಾಡಿಯಂಡ್ ಬೇಜಾರ್ ಮಾಡಿಯಂಡ್ ಉಳ್ಳಿಯ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:40

ಅನ್ನನೆ, ನಿಂಗಳು ತಯಾರಾಯಿತಿರಿ. ಎನ್ನಂಗೆಣ್ಣ್‌ಚೇಂಗಿ ನಿಂಗ ಗೇನ ಮಾಡತ ಸಮಯತ್‍ಲ್ ಮನುಷ್ಯಕುಮಾರ ಬಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:3

ನಿಂಗ ಈ ವಿಷಯತ್‍ಲ್ ಎಚ್ಚರವಾಯಿತಿರಿ. ನೀಡ ಅಣ್ಣತಮ್ಮಣಂಗ ನೀಕ್ ವಿರೋದವಾಯಿತ್ ತಪ್ಪ್ ಮಾಡ್‍ಚೇಂಗಿ ಅಂವೊನ ಗದರಿಚಿಡ್. ಪಿಂಞ ಅಂವೊ ಪಶ್ಚಾತಾಪ ಪಟ್ಟತೇಂಗಿ, ಅಂವೊನ ಮನ್ನಿಚಿಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:35

ಬೂಲೋಕತ್‍ಲ್ ಉಳ್ಳ ಎಲ್ಲಾ ಜನಡಮೇಲೆ ಇನ್ನನೆ ಬಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:8

ಯೇಸು ಅಯಿಂಗಕ್: ನಿಂಗಳ ದಾರೂ ವಂಚನೆ ಮಾಡತನೆಕೆ ಕಾಪಾಡಿಯೊಳಿ, ಎನ್ನಂಗೆಣ್ಣ್‌ಚೇಂಗಿ ದುಂಬ ಜನ ನಾಡ ಪೆದತ್‍ಲ್ ಬಂದಿತ್, ನಾನೇ ಕ್ರಿಸ್ತ, ಕಡೆ ಕಾಲ ಬಾತ್‍ೕಂದ್ ಎಣ್ಣುವ, ಅಯಿಂಗಡ ಬಯ್ಯ ಪೋಕತಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:14

ಮುಳ್ಳ್‌ರ ಪೊದೆಲ್ ಬಿತ್ತ್‌ನ ಜನ ದೇವಡ ವಾಕ್ಯತ್‍ನ ಕ್‍ೕಪ, ಅಕ್ಕಣೆ ಪೋಯಿತ್, ಈ ಬದ್‍ಕ್‍ರ ದುಃಖ, ಐಶ್ವರ್ಯತ್‍ರ ಬೋಗ ಪಿಂಞ ಬೋರೆ ಬೋರೆ ತರತ್‍ರ ಇಚ್ಛೆಯಿಂಜ ನೆರಿಂಗಿತ್ ಫಲ ಕೊಡ್‍ಕತೆ ಇಪ್ಪ.

1 ಕೊರಿಂಥ 5:11

ನಾನ್ ನಿಂಗಕ್ ಎಂತ ಒಳ್‍ದಿಯೆ ಎಣ್ಣ್‌ಚೇಂಗಿ, ಯೇಸು ಕ್ರಿಸ್ತನ ನಂಬ್‍ವಂವೋಂದ್ ಎಣ್ಣಿಯಂಡ್, ಆಚೇಂಗಿ ವ್ಯಬಿಚಾರ ಮಾಡಿಯಂಡ್, ದುಡ್ಡ್‌ರ ಮೇಲೆ ಅತಿ ಆಸೆ ಬೆಚ್ಚಂಡ್, ವಿಗ್ರಹ ಆರಾದನೆ ಮಾಡಿಯಂಡ್, ಬಜ್ಜಂಡ್, ಕುಡ್‌ಚಂಡ್, ಜನಳ ವಂಚನೆ ಮಾಡಿಯಂಡ್ ಉಳ್ಳಯಿಂಗಡ ಕೂಡೆ ಕೂಟ್ ಕೂಡತೀಂದ್ ಎಣ್ಣಿಯೆ. ಅಂತ ಜನಡ ಕೂಡೆ ಉಂಬಕ್ ಸಹ ಅಳ್‌ಕತಿ.

1 ಕೊರಿಂಥ 6:10

ಕಳ್ಳಂಗ, ಅತಿ ಆಸೆ ಉಳ್ಳಯಿಂಗ, ಕುಡ್‍ಕಂಗ, ತಪ್ಪಿಲ್ಲತದ್‍ನ ತಪ್ಪ್‍ೕಂದ್ ಎಣ್ಣ್‌ವಯಿಂಗ, ಲೂಟಿಕಾರಂಗ, ಈಂಗ ದಾರೂ ದೇವಡ ರಾಜ್ಯಕ್ ಬಾದ್ಯತೆ ಉಳ್ಳಯಿಂಗಳಾಯಿತ್ ಇಪ್ಪುಲೆ.

ಗಲಾತ್ಯ 5:20

ವಿಗ್ರಹ ಆರಾದನೆ, ಮಾಟ, ವಿರೋದ, ಪಗೆ, ವೈರಾಗ್ಯ, ಚೆಡಿ, ಬಡಾಯಿ, ವಿಂಗಡ, ಗುಂಪ್ ಮಾಡ್‍ವದ್, ಬೋರೆ ಬೋರೆ ಮಾಡ್‍ವದ್,

ಫಿಲಿಪ್ಪಿ 4:6

ನಿಂಗ ಒರ್ ವಿಷಯಕು ಬೇಜಾರ್ ಮಾಡಂಡ, ಅದ್ಂಡ ಬದ್‍ಲ್ ಎಲ್ಲಾ ವಿಷಯಕ್ ದೇವನ ತುದಿಚಂಡ್ ನಿಂಗಡ ಪ್ರಾರ್ಥನೆಲ್ ನಿಂಗಕ್ ಎಂತ ಬೋಂಡೂಂದ್ ಅಂವೊನ ಬೋಡಿತ್ ಕ್‍ೕಳಿ.

ಇಬ್ರಿಯ 12:15

ದಾರ್ ಒಬ್ಬನು ದೇವಡ ಕೃಪೇನ ಕಳೆಂದ್ ಪೋಕತನೆಕೆ, ಏದ್ ಒರ್ ವಿಷವುಳ್ಳ ಬೇರೂ ಮೊಳಕೆ ಬುಟ್ಟಿತ್, ಜಗಳ ಉಂಟ್ ಮಾಡಿ ದುಂಬ ಜನ ಪಾಳಾಯಿ ಪೋಕತನೆಕೆ ನೋಟಿಯೊಳಿ.

2 ಪೇತ್ರ 3:10

ಒಡೆಯಂಡ ದಿವಸ ಒರ್ ಕಳ್ಳ ಬಪ್ಪನೆಕೆ ಬಪ್ಪ; ಬಲ್ಯ ಸದ್ದ್ ಕ್‍ೕಪ, ಅಕ್ಕ, ಪಂಚಬೂತಂಗ ಎಲ್ಲಾ ತಿತ್ತ್‌ರಗುಂಡ್ ಕತ್ತಿ ಪೋಪ, ಬಾನ ಕಾಂಗತೆ ಆಯಿಪೋಪ, ಬೂಮಿಯು ಅದ್‍ಲ್ ಉಳ್ಳ ಎಲ್ಲವೂ ಇಲ್ಲತ ಆಯಿಪೋಪ.

2 ಪೇತ್ರ 3:14

ಆನಗುಂಡ್ ನಾಡ ಪ್ರೀತಿರ ಜನಳೇ, ಇನ್ನತದೆಲ್ಲ ಬಪ್ಪಾಂದ್ ಪಾರಕಾತಂಡ್ ಉಳ್ಳಾಂಗ್, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ಕುತ್ತ ಇಲ್ಲತಯಿಂಗಳಾಯಿತು, ಅಂವೊಂಡ ಕೂಡೆ ಸಮಾದಾನತ್‍ಲ್ ಇಪ್ಪಯಿಂಗಳಾಯಿತ್ ಎಚ್ಚರತ್‍ಲ್ ಇರಂಡು.

ಪ್ರಕಟನೆ 3:3

ಆನಗುಂಡ್, ನೀನ್ ನನ್ನಿಂಜ ಎಂತದ್‍ನ ಪಡ್ಂದಿತುಳ್ಳಿಯ, ಎಂತಾನ ಕ್‍ೕಟಿತುಳ್ಳಿಯ ಅದ್‍ನ ಗೇನ ಮಾಡ್. ಅದ್ಂಗ್ ತಗ್ಗಿತ್ ನಡ್‌ಂದಿತ್, ಪಶ್ಚಾತಾಪ ಪಡ್. ನೀನ್ ಎಚ್ಚರ ಎಡ್‍ಕತೆ ಪೋನಕ, ಒರ್ ಕಳ್ಳ ಬಪ್ಪನೆಕೆ ನಾನ್ ನೀಡ ಮೇಲೆ ಬಪ್ಪಿ; ನಾನ್ ಬಪ್ಪ ಸಮಯ ನೀಕ್ ಗೊತ್ತಾಪುಲೆ.