ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:28 - ಕೊಡವ ಬೈಬಲ್

²⁸ ಇದೆಲ್ಲ ಆಪದ್‍ನ ನಿಂಗ ಕಾಂಬಕ, ಎದ್ದ್ ನಿಂದಿತ್ ಮಂಡೆನ ಕೊಡಿಕ್ ಮಾಡಿತ್ ನಿಲ್ಲಿ, ಎನ್ನಂಗೆಣ್ಣ್‌ಚೇಂಗಿ ನಿಂಗಡ ಬುಡ್‍ಗಡೆ ದಿವಸ ಪಕ್ಕ ಬಾತ್‍ೕಂದ್ ಗೊತ್ತ್ ಮಾಡಿಯೊಳಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:28 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:11

ಅಲ್ಲಿ ಒರ್ ಪೊಣ್ಣಾಳ್‌ಕ್ ಪದನೆಟ್ಟ್ ಕಾಲತ್ಂಜ ಕೂಳಿ ಪುಡ್‌ಚಿತ್ಂಜತ್. ಆ ಕೂಳಿ ಅವಳ ಸೌಕ್ಯ ಇಲ್ಲತೆ ಮಾಡಿತ್ಂಜತ್. ಅವ ಗೂನಿಯಾಯಿತ್, ಚೆನ್ನಂಗ್ ಸಹ ನೇರೆ ನಿಪ್ಪಕ್ ಕಯ್ಯತೆ ಬಗ್ಗಿ ಪೋಯಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:7

ಅನ್ನನೆ, ದೇವ ಗೊತ್ತ್ ಮಾಡ್‍ನಯಿಂಗಡಲ್ಲಿ ಪೋಲ್ ಬಯಿಟ್ ಮೊರೆ ಇಟ್ಟಂಡುಳ್ಳಯಿಂಗಡ ನ್ಯಾಯತ್‍ನ ಕ್‍ೕಟಿತ್ ಅದ್‍ನ ಎಡ್‍ಕತೆ ಇಪ್ಪ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:29

ಇದ್‍ಲ್ಲತೆ ಯೇಸು ಅಯಿಂಗಕ್ ಒರ್ ಕಥೇರ ರೂಪತ್‍ನ ಎಣ್ಣಿ ಕೊಡ್‍ತತ್: ಅತ್ತಿಪಣ್ಣ್ ಮರತ್‍ನ ಪಿಂಞ ಬೋರೆ ಏದ್ ಮರತ್‍ನ ನೋಟಿ.

ರೋಮ್ 8:19

ದೇವಡ ಮಕ್ಕ ದಾರ್‍ೕಂದ್ ಎಲ್ಲಾರ್‌ಕು ಗೊತ್ತಾಪಕಾಯಿತ್, ದೇವಡ ಎಲ್ಲಾ ಸೃಷ್ಟಿಯು ಬಾರಿ ಕುಶೀಲ್ ಪಾರಕಾತಂಡುಂಡ್.

ರೋಮ್ 8:23

ಅದ್ ಮಾತ್ರ ಅಲ್ಲತೆ, ಪವಿತ್ರಾತ್ಮತ್‍ರ ಆದ್ಯ ಫಲ ಕ್‍ಟ್ಟ್‌ನ ನಂಗ ಸಹ, ನಂಗಡ ತಡೀರ ವಿಮೋಚನವಾನ ಮಕ್ಕಡ ಹಕ್ಕ್ ಬಪ್ಪಕಾಯಿತ್ ನಂಗಡ ಒಳ್‍ಲ್ ನೆರೆಂಗಿಯಂಡುಂಡ್.

ಎಫೆಸ 1:14

ಅಂವೊಂಡ ಮಕ್ಕಳಾಯಿತ್ ಉಳ್ಳ ನಂಗಕ್ ಅಂವೊ ವಾಗ್ದಾನ ಮಾಡ್‍ನನೆಕೆ, ಪೂರ್ತಿ ವಿಮೋಚನ ಕ್‌ಟ್ಟ್‌ವಾಂದ್ ಪವಿತ್ರಾತ್ಮನೇ ನಂಗಕ್ ದೀರ್ಗ ಸಾಕ್ಷಿಯಾಯಿತ್ ಉಂಡ್. ಅಂವೊಂಡ ಮಹಿಮೆನ ನಂಗ ಕೊಂಡಾಡಂಡೂಂದ್ ಅಂವೊ ಇನ್ನನೆ ಮಾಡ್‍ಚಿ.

ಎಫೆಸ 4:30

ವಿಮೋಚನ ಕ್‍ಟ್ಟ್‌ವ ನಾಳ್‍ಕಾಯಿತ್, ನಿಂಗಕ್ ಮುದ್ರೆ ಇಟ್ಟಿತ್ತುಳ್ಳ ದೇವಡ ಪವಿತ್ರಾತ್ಮನ ದುಃಖಪಡ್‌ತತಿ.