ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:38 - ಕೊಡವ ಬೈಬಲ್

³⁸ ಆನಗುಂಡ್, ಅಂವೊ ಚತ್ತಪೋನಯಿಂಗಕ್ ದೇವ ಅಲ್ಲ ಆಚೇಂಗಿ ಜೀವತ್‍ಲ್ ಉಳ್ಳಯಿಂಗಕ್ ದೇವ. ದೇವಕ್ ಎಲ್ಲಾರು ಬದ್‍ಕಿತುಳ್ಳಯಿಂಗಳೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:38 ပူးပေါင်းရင်းမြစ်များ

ಮತ್ತಾಯ 22:32

ಅನ್ನನಾಚೇಂಗಿ ಅಂವೊ ಚತ್ತ್ ಪೋನಯಿಂಗಕ್ ದೇವ ಅಲ್ಲ ಆಚೇಂಗಿ ಜೀವತ್‍ಲ್ ಉಳ್ಳಯಿಂಗಕ್ ದೇವನಾಯಿತುಂಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 12:27

ಅಂವೊ ಚತ್ತಪೋನಯಿಂಗಕ್ ದೇವ ಅಲ್ಲ ಆಚೇಂಗಿ ಜೀವತ್‍ಲ್ ಉಳ್ಳಯಿಂಗಕ್ ದೇವ. ಆನಗುಂಡ್ ನಿಂಗ ದುಂಬ ತಪ್ಪಾಯಿತ್ ಅರ್ಥ ಮಾಡಿಯಂಡುಳ್ಳಿರಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:39

ಅದ್‍ನ ಕ್‍ೕಟಿತ್ ನ್ಯಾಯಪ್ರಮಾಣತ್‍ರ ಚೆನ್ನ ಉಪಾದ್ಯಂಗ, ನೀನ್ ಚಾಯಿತೆ ಜವಾಬ್ ಕೊಡ್‍ತಿಯಾಂದ್ ಯೇಸುಕ್ ಎಣ್ಣ್‌ಚಿ.

ಯೋಹಾನ 14:19

ಇಂಞು ಚೆನ್ನ ಸಮಯ ಆನ ಪಿಂಞ ಈ ಲೋಕತ್‍ರ ಜನ ನನ್ನ ಕಾಂಬುಲೆ. ಆಚೇಂಗಿ ನಿಂಗ ಕಾಂಬಿರ. ನಾನ್ ಬದ್‍ಕಿಯಂಡುಳ್ಳಗುಂಡ್, ನಿಂಗಳು ಬದ್‍ಕ್‍ವಿರ.

ಯೋಹಾನ 6:57

ನನ್ನ ಅಯಿಚ ಜೀವವಾಯಿತುಳ್ಳ ಅಪ್ಪನಾನ ದೇವ ಎಲ್ಲಾರ್‌ಕು ಜೀವ ತಪ್ಪಂವೊ. ಅಂವೊನಗುಂಡ್ ನಾಕ್ ಜೀವ ಉಂಡ್. ನಾಕ್ ಜೀವ ಉಳ್ಳನೆಕೆ, ನನ್ನ ತಿಂಬಯಿಂಗಕ್ ನನ್ನಗುಂಡ್ ಜೀವ ಇಪ್ಪ.

2 ಕೊರಿಂಥ 13:4

ಅಂವೊನ ಬಲ ಇಲ್ಲತಂವೊನಾಯಿತ್ ಶಿಲುಬೇಲ್ ಇಟ್ಟತೇಂಗಿಯು, ದೇವಡ ಶಕ್ತಿರಗುಂಡ್ ಬದ್‍ಕಿಯಂಡುಂಡ್; ಅನ್ನನೆ ನಂಗಳು ಅಂವೊಂಡಲ್ಲಿ ಬಲ ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ನಿಂಗಕ್ ಸೇವೆ ಮಾಡ್‌ವಕಾಯಿತ್ ದೇವಡ ಶಕ್ತಿರಗುಂಡ್ ಅಂವೊಂಡಲ್ಲಿ ನಂಗ ಬದ್‍ಕಿಯಂಡಿಪ್ಪ.

2 ಕೊರಿಂಥ 6:16

ದೇವಡ ಆಲಯಕು ವಿಗ್ರಹಕು ಎಂತ ಐಕ್ಯ? ನಂಗಳೇ ಜೀವವಾಯಿತುಳ್ಳ ದೇವಡ ಆಲಯವಾಯಿತುಂಡಲ್ಲ! ನಾನ್ ಅಯಿಂಗಡ ಮದ್ಯತ್‍ಲ್ ವಾಸ ಮಾಡಿತ್, ನಡ್ಂದಂಡ್, ನಾನ್ ಅಯಿಂಗಡ ದೇವನಾಯಿತು, ಅಯಿಂಗ ನಾಡ ಜನವಾಯಿತು ಇಪ್ಪಾಂದ್ ದೇವ ಎಣ್ಣಿತುಂಡ್.

ಇಬ್ರಿಯ 11:16

ಆಚೇಂಗಿ, ಅಯಿಂಗ ಬುಟ್ಟಿತ್ ಬಂದ ದೇಶಕಿಂಜ ವಿಶೇಷವಾಯಿತುಳ್ಳ ಪರಲೋಕತ್‍ರ ದೇಶತ್‍ನ ಕುಶಿಪಟ್ಟತ್; ಆನಗುಂಡ್ ದೇವ, ಅಯಿಂಗಡ ದೇವಾಂದ್ ಕಾಕುವಕ್ ಞಾಣ ಪಡುಲೆ; ಅಯಿಂಗಕಾಯಿತ್ ಒರ್ ಪಟ್ಟಣತ್‍ನ ತಯಾರ್ ಮಾಡ್‍ಚಿ.

ಪ್ರಕಟನೆ 22:1

ಪಿಂಞ, ಶುದ್ದವಾನ ತೆಳ್ಂಗ್‍ನ ಜೀವತ್‍ರ ನೀರ್ ಕ್‍ಟ್ಟ್‌ವ ಪೊಳೆನ ನಾಕ್ ಕಾಟ್‍ಚಿ. ಆ ಪೊಳೆ ದೇವಡ ಪಿಂಞ ಕೊರಿಕುಟ್ಟಿಯಾನವೊಂಡ ಸಿಂಹಾಸನತ್ಂಜ ಪೊರಟಿತ್ ಬಾತ್.