ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:37 - ಕೊಡವ ಬೈಬಲ್

³⁷ ಚತ್ತ್ ಪೋನಯಿಂಗ ಜೀವವಾಯಿತ್ ಎದ್ದಿತ್ ಬದ್‍ಕಾವಾಂದ್ ಕತ್ತಿಯಂಡಿಂಜ ಪೊದರ್‌ರ ವಿಷಯತ್‍ನ ಎಣ್ಣುವ ಮೋಶೇರ ಗ್ರಂಥತ್‌ರ ಜಾಗತ್‍ಲ್ ಚಾಯಿತೆ ಎಣ್ಣಿತುಂಡ್. ಎನ್ನನೆ ಎಣ್ಣ್‌ಚೇಂಗಿ, ಅಂವೊ ಒಡೆಯನ, ಅಬ್ರಹಾಮಂಡ ದೇವ, ಇಸಾಕಂಡ ದೇವ, ಯಾಕೋಬಂಡ ದೇವಾಂದ್ ಎಣ್ಣಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:37 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:7

ನೀಕು ನೀಡ ಬಯ್ಯ ಬಪ್ಪ ನೀಡ ಮಕ್ಕಡ ಸಂತಾನಕು ನಾನ್‌ ಯೆಹೋವನಾನ ದೇವನಾಯಿತ್‌ಪ್ಪಕಾಯಿತ್‌ ನಾಕು ನೀಕು, ನೀಡ ಬಯ್ಯ ಬಪ್ಪ ಮಕ್ಕಡ ಸಂತಾನತ್‌ರ ಮದ್ಯತ್‌ಲ್, ನಾಡ ಒಪ್ಪಂದತ್‌ನ ನಿತ್ಯ ಒಪ್ಪಂದವಾಯಿತ್‌ ಸ್ತಾಪನೆ ಮಾಡುವಿ.

ಆದ್ಯತ್‌ರ ಪುಸ್ತಕ 28:13

ಅದಾ, ಯೆಹೋವ ಮೊಟ್ಟ್‌ರ ಕೊಡಿಲ್‌ ನಿಂದಿತ್: ನಾನ್‌ ನೀಡ ಮುತ್ತಜ್ಜಂಗಳಾನ ಅಬ್ರಹಾಮಂಡ ದೇವನು ಇಸಾಕಂಡ ದೇವನು ಆನ ಯೆಹೋವ; ನೀನ್‌ ಬುದ್ದಂಡುಳ್ಳ ಬೂಮಿನ ನೀಕು ನೀಡ ಸಂತಾನಕು ತಪ್ಪಿ.

ಆದ್ಯತ್‌ರ ಪುಸ್ತಕ 28:21

ನನ್ನ ನಾಡ ಅಪ್ಪಂಡ ಮನೆಕ್‌ ಸಮಾದಾನಾತ್‌ಲ್‌ ತಿರಿತ್‌ ಬಪ್ಪಕ್‌ ಮಾಡ್‌ಚೇಂಗಿ, ಯೆಹೋವ ನಾಕ್‍ ದೇವನಾಯಿತ್‌ಪ್ಪ.

ಆದ್ಯತ್‌ರ ಪುಸ್ತಕ 32:9

ಅಲ್ಲಿಂಜ ಯಾಕೋಬ: ಓ ದೇವ, ನಾಡ ಅಪ್ಪನಾನ ಅಬ್ರಹಾಮಂಡ ದೇವನೇ, ನಾಡ ಅಪ್ಪನಾನ ಇಸಾಕಂಡ ದೇವನೇ, ನಾಡ ದೇಶಕು, ನಾಡ ಬೆಂದ್‌ಕ ಉಳ್ಳ ಜಾಗಕು ತಿರಿತ್‌ ಪೋಂದ್‌ ಎಣ್ಣಿಯ ಯೆಹೋವ ನೀನೆ. ನೀನ್‌ ನಾಕ್‍ ನಲ್ಲದ್‌ನ ಮಾಡ್‌ವಿಯಾಂದ್‌ ತಕ್ಕ್‌ ತಂದಿತುಳ್ಳಿಯ.