ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:26 - ಕೊಡವ ಬೈಬಲ್

²⁶ ಆನಗುಂಡ್ ಅಯಿಂಗಕ್ ಯೇಸುನ ಜನಡ ಮಿಂಞತ್‍ಲ್ ಪುಡಿಪಕ್ ಕಯಿಂಜಿತ್‌ಲ್ಲೆ. ಅದ್ಂಗ್ ಬದ್‍ಲ್, ಯೇಸುರ ತಕ್ಕ್ ಕ್‍ೕಪದು ಅಯಿಂಗಕ್ ಆಶ್ಚರ್ಯ ಆಯಿತ್ ಒಂದು ಪರಿವಕ್ ಕಯಿಂಜಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:26 ပူးပေါင်းရင်းမြစ်များ

ಮತ್ತಾಯ 22:12

ರಾಜ ಅಂವೊನ: ಮಂಗಲತ್‍ರ ಬಟ್ಟೆ ಇಡತೆ ನೀನ್ ಇಲ್ಲಿಕ್ ಎನ್ನನೆ ಬಂದಿಯಾಂದ್ ಕ್‍ೕಟತ್? ಅಂವೊ ಮುಂಡತೆ ಇಂಜತ್.

ಮತ್ತಾಯ 22:22

ಅಂವೊ ಕೊಡ್‍ತ ಉತ್ತರತ್‍ನ ಕ್‍ೕಪಕ ಅಯಿಂಗಕೆಲ್ಲ ದುಂಬ ಆಶ್ಚರ್ಯ ಆಯಿತ್, ಅಂವೊನ ಬುಟ್ಟಿತ್ ಪೋಚಿ.

ಮತ್ತಾಯ 22:34

ಯೇಸು, ಸದ್ದುಕಾಯಂಗಡ ಬಾಯಿನ ಮುಚ್ಚಿರ್‍ತ್‍ೕಂದ್ ಗೊತ್ತಾನ ಪಿಂಞ ಫರಿಸಾಯಂಗ ಕೂಡಿ ಬಂದಿತ್ ಪ್ರಶ್ನೆ ಇಡ್‌ವಕ್ ತಯಾರಾಚಿ.

ಮತ್ತಾಯ 8:10

ಇದ್‍ನ ಕ್‍ೕಟ ಯೇಸು, ಅಲ್ಲಿ ಉಳ್ಳ ಜನಳೆಲ್ಲ ನೋಟ್‌ವಂಜಿ: ಇನ್ನತ ಒರ್ ನಂಬಿಕೇನ ಇಸ್ರಾಯೇಲ್ ಜನತ್‍ಲ್ ಸಹ ನಾನ್ ಕಂಡಿತ್‌ಲ್ಲೇಂದ್ ಆಶ್ಚರ್ಯತ್‍ಲ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:17

ಯೇಸುರ ತಕ್ಕ್ ಕ್‍ೕಪದು ಅಂವೊಂಡ ಶತ್ರುವಂಗಕ್ ಞಾಣ ಆಚಿ. ಆಚೇಂಗಿ, ಬೋರೆ ಜನಕೆಲ್ಲ ಯೇಸು ಮಾಡ್‍ನ ಈ ಬಲ್ಯ ಕಾರ್ಯತ್‍ನ ಕಂಡಿತ್ ಬಾರಿ ಕುಶಿ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:20

ರೋಮ್ ರಾಜ್ಯತ್‍ರ ಅದಿಕಾರಿಯಾನ ಅದಿಪತಿಕ್ ಯೇಸುನ ಪುಡ್‍ಚಿ ಕೊಡ್‍ಪಕಾಯಿತ್, ನೀತಿಲ್ ನಡ್‍ಪ ಜನಡನೆಕೆ ನಾಟಕ ಮಾಡ್‌ವ ದಂಡ್ ಗೂಡಚಾರಂಗಳ, ಯೆಹೂದ್ಯಂಗಡ ಅದಿಕಾರಿಯಂಗ ಯೇಸುರ ಪಕ್ಕ ಅಯಿಚತ್. ಯೇಸು ಪರಿಯುವ ತಕ್ಕಿಂಜಿಲೇ ಅಂವೊನ ಪುಡಿಪ ಸಮಯಕಾಯಿತ್ ನೋಟಿಯಂಡ್ ಇಂಜತ್.

ರೋಮ್ 3:19

ದೇವಡ ನ್ಯಾಯಪ್ರಮಾಣತ್‍ಲ್ ಎಣ್ಣುವ ವಿಷಯವೆಲ್ಲ, ನ್ಯಾಯಪ್ರಮಾಣಕ್ ಒಳಪಟ್ಟಯಿಂಗಕ್ ಎಣ್ಣಿಯಂಡುಂಡ್‍ೕಂದ್ ನಂಗಕ್ ಇಕ್ಕ ಗೊತ್ತುಂಡ್. ಅನ್ನನೆ ದಾರೂ ನಂಗ ಪಾಪಿ ಅಲ್ಲಾಂದ್ ಎಣ್ಣುವಕ್ ಕಯ್ಯತನೆಕೆ, ಈ ಲೋಕತ್‍ಲ್ ಉಳ್ಳ ಎಲ್ಲಾರು ಅಂವೊಂಗ್ ಲೆಕ್ಕ ಕೊಡ್‍ಪನೆಕೆ ಆಚಿ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:10

ದುಂಬ ಜನ, ಮುಕ್ಯವಾಯಿತ್, ರಕ್ಷಣೆ ಕ್‍ಟ್ಟುವಕ್ ಸುನ್ನತಿ ಮಾಡಂಡೂಂದ್ ಎಣ್ಣಿಯಂಡುಳ್ಳ ಯೆಹೂದ್ಯಂಗ, ಏದ್ ಅದಿಕಾರಕು ಬಗ್ಗಿತ್ ನಡ್‍ಕತಯಿಂಗಳಾಯಿತ್, ಬೋಂಡತ ತಕ್ಕ್ ಪರ್ಂದಂಡ್, ಜನಳ ಮೋಸಮಾಡ್‍ವಯಿಂಗಳಾಯಿತ್ ಉಂಡ್.