ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:25 - ಕೊಡವ ಬೈಬಲ್

²⁵ ಅಕ್ಕ ಅಂವೊ: ಅಕ್ಕುವ, ಅನ್ನನಾಚೇಂಗಿ, ಕೈಸರಂಡದ್‌ನ ಕೈಸರಂಗ್ ಕೊಡಿ, ದೇವಡದ್‌ನ ದೇವಕ್ ಕೊಡೀಂದ್ ಉತ್ತರ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:25 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 24:21

ನಾಡ ಮೋನೇ, ಯೆಹೋವಂಗು, ರಾಜಂಗು ಬೊತ್ತಿತ್‌ ನಡೆ. ಅಯಿಂಗ ದಂಡಾಳ್‌ನ ವಿರೋದಿಚಿಡುವ ಜನಡ ಕೂಡೆ ಕೂಡತೆ.

ಮತ್ತಾಯ 17:27

ಆಚೇಂಗಿಯು, ನಂಗಡ ವಿಷಯತ್‍ಲ್ ಅಯಿಂಗ ಬೇಜಾರ್ ಮಾಡಂಡ. ನೀನ್ ಸಮುದ್ರಕ್ ಪೋಯಿತ್ ಮೀನ್‌ಕ್ ಗಾಣ ಇಡ್, ಅಕ್ಕ ಒರ್ ಮೀನ್ ಕ್‍ಟ್ಟುವ. ಅದ್ಂಡ ಬಾಯಿರ ಒಳ್‍ಲ್ ಒರ್ ಬೊಳ್ಳಿ ಉರುಪಿಯ ಕ್‍ಟ್ಟುವ; ಅದ್‍ನ ನಾಕಾಯಿತ್, ನೀಕಾಯಿತ್, ಈ ದೇವಾಲಯತ್‍ರ ಕಂದಾಯ ಎಡ್‌ಪಯಿಂಗಡ ಪಕ್ಕ ಕೊಡ್‍ೕಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 22:21

ಅಯಿಂಗ: ಇದ್‍ಲ್ ಕೈಸರಂಡದ್ ಉಂಡ್‍ೕಂದ್ ಅಯಿಂಗ ಎಣ್ಣ್‌ಚಿ. ಅಕ್ಕ ಅಂವೊ: ಅಕ್ಕುವ, ಅನ್ನನಾಚೇಂಗಿ ಕೈಸರಂಡದ್‍ನ ಕೈಸರಂಗ್ ಕೊಡಿ, ದೇವಡದ್‌ನ ದೇವಕ್ ಕೊಡೀಂದ್ ಉತ್ತರ ಕೊಡ್‍ತತ್.

ಮಾರ್ಕ 12:17

ಅಕ್ಕ ಯೇಸು ಅಯಿಂಗಕ್: ಅಕ್ಕುವ, ಅಕ್ಕ, ಕೈಸರಂಡದ್‍ನ ಕೈಸರಂಗ್ ಕೊಡಿ, ದೇವಡದ್ ದೇವಕ್ ಕೊಡೀಂದ್ ಉತ್ತರ ಕೊಡ್‍ತತ್. ಅಯಿಂಗಕ್ ಯೇಸುರ ತಕ್ಕ್ ಕ್‍ೕಟದು ಆಶ್ಚರ್ಯ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:24

ಒರ್ ಬೊಳ್ಳಿರ ನಾಣ್ಯತ್‌ನ ನಾಕ್ ಕಾಟಿ. ಇದ್‍ಲ್ ದಾಡ ಮೂಡ್ ಪಿಂಞ ದಾಡ ಪೆದ ಉಂಡ್ ಎಣ್ಣೀಂದ್ ಯೇಸು ಕ್‍ೕಟತ್. ಅದ್ಂಗ್ ಅಯಿಂಗ: ಇದ್‍ಲ್ ಕೈಸರಂಡ ಮೂಡ್ ಪಿಂಞ ಅಂವೊಂಡ ಪೆದ ಉಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 5:29

ಪೇತ್ರ ಪಿಂಞ ಬಾಕಿಯುಳ್ಳ ಅಪೊಸ್ತಲಂಗ ಅಯಿಂಗಕ್: ಮನುಷ್ಯಂಗಡ ತಕ್ಕ್ ಕ್‍ೕಪಕಿಂಜ ದೇವಡ ತಕ್ಕ್‌ಕ್ ಬಗ್ಗಿತ್ ನಡ್‍ಪದೇ ಸರಿಯಾನದ್.

1 ಕೊರಿಂಥ 10:31

ಆನಗುಂಡ್ ನಿಂಗ ತಿಂಬದಾಚೇಂಗಿಯು, ಕುಡಿಪದಾಚೇಂಗಿಯು, ಎಂತ ಮಾಡ್‌ವದಾಚೇಂಗಿಯು, ನಿಂಗ ಮಾಡ್‌ವ ಕಾರ್ಯ ದೇವಡ ಮಹಿಮೆಕಾಯಿತ್ ಮಾಡಂಡು.

1 ಪೇತ್ರ 4:11

ಒಬ್ಬ ಬೋದನೆ ಮಾಡ್‌ವದಾಚೇಂಗಿ, ಅಂವೊ ಚಾಯಿತೆ ದೇವಡ ವಾಕ್ಯತ್‍ರ ಪ್ರಕಾರ ಬೋದನೆ ಮಾಡಂಡು. ಒಬ್ಬ ಸೇವೆ ಮಾಡ್‌ವದಾಚೇಂಗಿ ದೇವ ಅಂವೊಂಗ್ ಕೊಡ್‍ತಿತುಳ್ಳ ಶಕ್ತಿರನೆಕೆ ಮಾಡಂಡು, ಅಕ್ಕ ನಿಂಗ ಎಂತ ಮಾಡ್‍ಚೇಂಗಿಯು, ಯೇಸು ಕ್ರಿಸ್ತಂಡ ಮೂಲಕ ದೇವಕ್ ಮಹಿಮೆ ಕ್‍ಟ್ಟುವನೆಕೆ ಮಾಡ್‌ವಕಾಪ. ಅಂವೊಂಗ್ ಎಕ್ಕಾಲು ಮಹಿಮೆ, ಶಕ್ತಿ ಬರಡ್. ಆಮೆನ್.