ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:7 - ಕೊಡವ ಬೈಬಲ್

⁷ ಅವ ಮೊದ ಕ್‍ಣ್ಣ ಕುಂಞಿನ ಪೆತ್ತತ್. ಅಯಿಂಗಕ್ ಚತ್ರತ್‌ಲ್ ಜಾಗ ಇಲ್ಲತ ಕಾರಣ ಅವ ಕುಂಞಿನ ಬಟ್ಟೇಲ್ ಸುತ್ತುವಂಜಿ ಒರ್ ಕೊಟ್ಟ್‌ಲ್ ಇಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:7 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 42:27

ಆಚೇಂಗಿ ಬಯಿಟ್ ಅಯಿಂಗ ಒಳಿಯುವ ಜಾಗತ್‌ಲ್, ಒಬ್ಬ ಕತ್ತೆಯಕ್‌ ಉಂಬಕ್‌ ಮೇಚಿ ಕೊಡ್‌ಪಕಾಯಿತ್‌ ತಾಂಡ ಚೀಲತ್‌ನ ತೊರ್ಪಕ ಅಂವೊಂಡ ಪಣ ಅದ್‌ಲ್‌ ಉಳ್ಳದ್‌ನ ಕಂಡತ್.

ಆದ್ಯತ್‌ರ ಪುಸ್ತಕ 43:21

ನಂಗ ತಿರಿತ್‌ ಮನೆಕ್‌ ಪೋಪಕ, ಬಯಿಟ್ ಒಳಿಯುವ ಜಾಗತ್‌ಲ್‌ ಚೀಲತ್‌ನ ತೊರ್‌ಂದಿತ್‌ ನೋಟ್‌ವಕ ತೂಕ ಕಮ್ಮಿ ಆಕತೆ ನಂಗ ಆಹಾರ ದಾನ್ಯತ್‌ನ ಎಡ್‌ಪಕ್‌ ಕೊಡ್‌ತ ಪಣ ನಂಗಡನಂಗಡ ಚೀಲತ್‌ಲ್‌ ಉಳ್ಳದ್‌ ನಂಗಕ್‌ ಗೊತ್ತಾಚಿ. ಅದ್‌ನ ನಂಗ ಅದ್‌ನ ತಿರಿತ್‌ ಎಡ್‌ತಂಡ್‌ ಬಂದಿತುಂಡ್.

ಮತ್ತಾಯ 1:25

ಆಚೇಂಗಿ, ಮರಿಯ ಕ್‍ಣ್ಣ ಕುಂಞಿನ ಪೆರ್‌ವಕತ್ತನೆ ಅಂವೊ ಅವಡ ಕೂಡೆ ಬುದ್ದವಕಿಂಜಿಲೆ. ಕುಂಞಿ ಪುಟ್ಟ್‌ನ ಪಿಂಞ ಯೋಸೇಫ ಕುಂಞಿಕ್ ಯೇಸೂಂದ್ ಪೆದ ಇಟ್ಟತ್.

ಮತ್ತಾಯ 13:55

ಇಂವೊ ಒರ್ ಆಚಾರಿರ ಮೋಂವೊನಲ್ಲ? ಇಂವೊಂಡ ಅವ್ವ ಮರಿಯ ಅಲ್ಲ? ಯಾಕೋಬ, ಯೋಸೇಫ, ಸೀಮೋನ, ಯೂದ ಈಂಗ ಇಂವೊಂಡ ತಮ್ಮಣಂಗಲ್ಲ?

ಮತ್ತಾಯ 8:20

ಅದ್ಂಗ್ ಯೇಸು: ಕುರ್‌ಕಂಗ ವಾಸ ಮಾಡ್‌ವಕ್ ತೂತ ಉಂಡ್, ಬಾನತ್‍ರ ಪಕ್ಷಿಯಕ್ ಗೂಡ್ ಉಂಡ್, ಆಚೇಂಗಿ ಮನುಷ್ಯಕುಮಾರಂಗ್ ಮಂಡೆ ಬೆಪ್ಪಕ್ ಜಾಗ ಇಲ್ಲೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:34

ಅಂವೊಂಡ ಪಕ್ಕ ಬಂತ್ ಬಗ್ಗಿತ್, ಗಾಯಕ್ ಎಣ್ಣೆ ಪಿಂಞ ದ್ರಾಕ್ಷಿರಸತ್‍ನ ಇಟ್ಟಿತ್ ಗಾಯತ್‍ನ ಕೆಟ್ಟ್‌ಚಿ; ಅಂವೊನ ತಾಂಡ ಕತ್ತೆರ ಮೇಲೆ ಇಟ್ಟಿತ್, ಚತ್ರಕ್ ಕಾಕಿಯಂಡ್ ಪೋಯಿತ್ ನೋಟಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:6

ಅಯಿಂಗ ಬೇತ್ಲೆಹೇಮ್‌ಲ್ ಇಪ್ಪಕ ಅವ ಪೆರುವ ಸಮಯ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:8

ಅಂದ್ ಬಯಿಟ್ ಚೆನ್ನ ಕೊರಿ ಕಾಪಯಿಂಗ ಬೇತ್ಲೆಹೇಮ್‍ರ ಪಕ್ಕತ್‍ರ ಬೇಲ್‌ಲ್ ಕೊರಿಯಳ ಕಾತಂಡ್ ಇಂಜತ್.

ಯೋಹಾನ 1:14

ಈ ತಕ್ಕಾಯಿತ್‌ಂಜಂವೊ ಮನುಷ್ಯಂಡ ರೂಪತ್‌ಲ್ ಬಂದಿತ್, ಕೃಪೆಯಿಂಜಲು, ಸತ್ಯತ್ಂಜಲು ದುಂಬ್‍ನಂವೊನಾಯಿತ್ ನಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತ್. ಅಪ್ಪನಾನ ದೇವಡ ಒರೇ ಮೋಂವೊಂಡ ಮಹಿಮೇಕ್ ತಕ್ಕಂತ ಮಹಿಮೇರೆನೆಕೆ ನಂಗ ಅಂವೊಂಡ ಮಹಿಮೆನ ಕಂಡತ್.

2 ಕೊರಿಂಥ 8:9

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಕ್ ಗೊತ್ತುಂಡ್; ಅಂವೊ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು, ಅಂವೊಂಡ ಗರೀಬತನತ್‍ರಗುಂಡ್ ನಿಂಗ ಐಶ್ವರ್ಯವಂತಯಿಂಗಳಾಯಿತ್ ಆಪನೆಕೆ ಅಂವೊ ನಿಂಗಕಾಯಿತ್ ಗರೀಬನಾಚಿ.

ಗಲಾತ್ಯ 4:4

ಆಚೇಂಗಿ ಸರಿಯಾನ ಕಾಲ ಬಪ್ಪಕ, ನ್ಯಾಯಪ್ರಮಾಣಕ್ ಒಳಪಟ್ಟಿತ್ಂಜ ಒರ್ ಪೊಣ್ಣಾಳ್‍ರಗುಂಡ್, ದೇವ ಅಂವೊಂಡ ಮೋಂವೊನ ಈ ಲೋಕಕ್ ಅಯಿಚತ್.