ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:39 - ಕೊಡವ ಬೈಬಲ್

³⁹ ನ್ಯಾಯಪ್ರಮಾಣತ್‍ಲ್ ಎಣ್ಣ್‌ನ ಪ್ರಕಾರ ಯೋಸೇಫ ಪಿಂಞ ಮರಿಯ ಎಲ್ಲಾ ಕಾರ್ಯ ಮಾಡ್‌ವಂಜಿ ಗಲಿಲಾಯತ್‍ಲ್ ಉಳ್ಳ ನಜರೇತ್ ಎಣ್ಣ್‌ವ ಅಯಿಂಗಡ ಸ್ವಂತ ಪಟ್ಟಣಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:39 ပူးပေါင်းရင်းမြစ်များ

ಮತ್ತಾಯ 3:15

ಅದ್ಂಗ್ ಯೇಸು: ಇಕ್ಕ ಇದ್‍ನ ಇನ್ನನೆ ಮಾಡ್‌ವಕ್ ಬುಡ್. ಇನ್ನನೆ ಮಾಡ್‌ವಕ ನಂಗ ದೇವಡ ಎಲ್ಲಾ ನೀತಿ ಕಾರ್ಯತ್‍ನ ಪೂರ್ತಿ ಮಾಡ್‌ವಾಂದ್ ಎಣ್ಣ್‌ನಾಂಗ್ ಯೋಹಾನ ಒತ್ತಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:26

ಎಲಿಸಬೇತ್ ಆರನೆ ತಿಂಗ ಕೆಲಕರ್ತಿಯಾಯಿತ್‌ಪ್ಪಕ, ದೇವ, ಗಬ್ರಿಯೇಲ ಎಣ್ಣ್‌ವ ದೂತನ, ಗಲಿಲಾಯತ್‍ಲುಳ್ಳ ನಜರೇತ್ ಎಣ್ಣುವ ಪಟ್ಟಣಕ್ ಅಯಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:6

ಅಯಿಂಗ ದಂಡಾಳು ದೇವಡ ಎಲ್ಲಾ ಕಾನೂನ್ ಪ್ರಕಾರ, ಆಜ್ಞೆರ ಪ್ರಕಾರ ನೀತಿವಂತಯಿಂಗಳಾಯಿತ್, ಏದ್ ಮನುಷ್ಯನು ಕುತ್ತ ಪರಿಯುವಕ್ ಕಯ್ಯತ ಬದ್‍ಕ್‍ನ ಬದ್‍ಕಿಯಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:4

ಯೋಸೇಫ, ದಾವೀದ ರಾಜಂಡ ಸಂತಾನಕಾರನಾಯಿತ್ಂಜಗುಂಡ್, ಗಲಿಲಾಯತ್‍ಲ್ ಉಳ್ಳ ನಜರೇತ್ ಎಣ್ಣುವ ಪಟ್ಟಣತ್ಂಜ ಯೂದಾಯ ನಾಡ್‍ಲ್ ಉಳ್ಳ ದಾವೀದ ಪುಟ್ಟ್‌ನ ಬೇತ್ಲೆಹೇಮ್ ಎಣ್ಣುವ ಪಟ್ಟಣಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:51

ಪಿಂಞ, ಅಂವೊ ಅಪ್ಪವ್ವಂಗಡ ಕೂಡೆ ನಜರೇತ್‌ಕ್ ಪೋಯಿತ್, ಅಯಿಂಗಕ್ ಬಗ್ಗ್‌ಚಿಟ್ಟಿತ್ ನಡ್ಂದಂಡಿಂಜತ್. ಈ ವಿಷಯತ್‌ನೆಲ್ಲ ಅಂವೊಂಡ ಅವ್ವ ಅವಡ ಹೃದಯತ್‍ಲ್ ಬೆಚ್ಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:16

ಯೇಸು ಅಂವೊ ಬೊಳ್ಂದ ನಜರೇತ್ ಊರ್‌ಕ್ ಪೋಯಿತ್, ಸಬ್ಬತ್ ದಿನ ಬಪ್ಪಕ ಪದ್ದತಿರ ಪ್ರಕಾರ ಸಬಾಮಂದಿರಕ್ ಪೋಚಿ. ಅಲ್ಲಿ ಅಂವೊ ಓದ್‍ವಕ್ ಎದ್ದ್ ನಿಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:23

ಯೇಸು ಅಲ್ಲಿ ಉಳ್ಳ ಜನಕ್: ವೈದ್ಯ! ನೀಡ ಕಾಯಿಲೆನ ನೀನೇ ವಾಸಿ ಮಾಡಿಯ ಎಣ್ಣುವ ಈ ಗಾದೆನ ನಾಕ್ ನಿಂಗ ಎಣ್ಣಿತ್, ನಾನ್ ಕಪೆರ್ನೌಮ್‌ಲ್ ಮಾಡ್‌ನಾನ ನಿಂಗ ಕ್‍ೕಟದ್‍ನ ನೀಡ ಸ್ವಂತ ಊರ್‌ಲ್ ಸಹ ಮಾಡ್‍ೕಂದ್ ನಿಂಗ ನಾಕ್ ನೇರಾಯಿತ್ ಎಣ್ಣುವಿರ.