ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:37 - ಕೊಡವ ಬೈಬಲ್

³⁷ ಇಕ್ಕ ಅವಕ್ ಎಂಬತನಾಲ್ ವಯಸಾಯಿತ್ಂಜತ್. ಅವ ಎಲ್ಲಿಯು ಪೋಕತೆ ದೇವಾಲಯತ್‍ಲ್ ವಾಸ ಮಾಡಿಯಂಡ್, ಪೊಲಾಕ ಬೈಟ್ ದೇವನ ಆರಾದನೆ ಮಾಡಿಯಂಡ್, ಪಟ್ಟಣಿ ನಿಂದಂಡ್, ಪ್ರಾರ್ಥನೆ ಮಾಡಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:37 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:33

ಯೋಹಾನಂಡ ಶಿಷ್ಯಂಗ ಅಕ್ಕಕ್ಕ ಪಟ್ಟಣಿ ನಿಂದಂಡ್ ಪ್ರಾರ್ಥನೆ ಮಾಡಿಯಂಡುಂಡ್. ಅನ್ನನೆ ಫರಿಸಾಯಂಗಡ ಶಿಷ್ಯಂಗಳು ಪಟ್ಟಣಿ ನಿಪ್ಪಂಜಿ ಪ್ರಾರ್ಥನೆ ಮಾಡಿಯಂಡುಂಡ್. ಆಚೇಂಗಿ ನೀಡ ಶಿಷ್ಯಂಗ ಉಂಡಂಡ್ ಕುಡಿಚಂಡ್ ಉಂಡಲ್ಲಾಂದ್ ಅಯಿಂಗ ಅಂವೊನ ಕ್‍ೕಟತ್.

ಅಪೊಸ್ತಲ 13:3

ಬಯ್ಯ, ಅಯಿಂಗ ಪಟ್ಟಣಿ ನಿಂದಿತ್, ಪ್ರಾರ್ಥನೆ ಮಾಡಿತ್, ಅಯಿಂಗಡ ಮೇಲೆ ಕೈ ಬೆಚ್ಚಿತ್ ಅಯಿಂಗಳ ಅಯಿಚತ್.

ಅಪೊಸ್ತಲ 14:23

ಇದ್‍ಲ್ಲತೆ ಓರೋರ್ ಸಬೇಲು ಪೆರಿಯಯಿಂಗಳ ನೇಮಿಚಿಟ್ಟಿತ್, ಪಟ್ಟಣಿ ನಿಂದಿತ್ ಪ್ರಾರ್ಥನೆ ಮಾಡಿತ್, ಅಯಿಂಗ ನಂಬ್‍ನ ದೇವಡ ಕೈಕ್ ಅಯಿಂಗಳ ಒಪ್ಪ್‌ಚಿಟ್ಟತ್.

ಅಪೊಸ್ತಲ 26:7

ಇಂಞು ಎಣ್ಣಂಡು ಎಣ್ಣ್‌ಚೇಂಗಿ, ಆ ವಾಗ್ದಾನ ನೆರವೇರ್‌ವಾಂದ್ ನಿರಿಕ್ಷೇಲ್ ನಂಬಿಯಂಡುಳ್ಳ ಕಾರಣಕಾಯಿತ್ ನಂಗಡ ಪನ್ನೆರಂಡ್ ಕುಲತ್‍ರ ಜನವು, ಬಯಿಟ್ ಪೋಲ್ ನೇರಾಯಿತು ಆರಾದನೆ ಮಾಡಿಯಂಡುಂಡ್. ಅಗ್ರಿಪ್ಪ ರಾಜಾನೇ, ಈ ನಿರಿಕ್ಷೇರ ನಂಬಿಕೆಕಾಯಿತೇ ಯೆಹೂದ್ಯಂಗ ನಾಡ ಮೇಲೆ ಕುತ್ತ ಎಣ್ಣಿತುಂಡ್.

1 ತಿಮೊಥೆಯ 5:5

ದಾರೂ ಸಹಾಯ ಮಾಡ್‌ವಕ್ ಇಲ್ಲತೆ, ಒರ್ ವಡಿಯ ಚತ್ತ್‌ಪೋನ ಪೊಣ್ಣಾಳ್, ದೇವಡ ಮೇಲೆ ನಂಬಿಕೆ ಬೆಚ್ಚಿತ್, ಬಯಿಟ್ ಪೋಲ್ ದೇವಡ ಪಕ್ಕ ಪ್ರಾರ್ಥನೆ ಮಾಡಿಯಂಡ್, ದೇವ ಸಹಾಯ ಮಾಡ್‌ವಕಾಯಿತ್ ಅವ ಬೋಡಿಯಂಡಿಪ್ಪ.

ಪ್ರಕಟನೆ 3:12

ದಾರ್ ಗೆಲ್ಲುವ, ಅಂವೊನ ನಾನ್ ದೇವಾಲಯತ್‍ಲ್ ಕಂಬವಾಯಿತ್ ಮಾಡ್‌ವಿ, ಅದ್‍ಂಜ ಅಂವೊ ಎಕ್ಕಲೂ ಪೋಪದೇಯಿಲ್ಲೆ; ನಾಡ ದೇವಡ ಪೆದತ್‍ನ, ನಾಡ ದೇವನಗುಂಡ್ ಪರಲೋಕತ್ಂಜ ಇಳಿಂಜಿ ಬಪ್ಪ ಪುದಿಯ ಯೆರೂಸಲೇಮ್‍ೕಂದ್ ಎಣ್ಣುವ ನಾಡ ದೇವಡ ಪಟ್ಟಣತ್‍ರ ಪೆದತ್‍ನ ಪಿಂಞ ನಾಡ ಪುದಿಯ ಪೆದತ್‍ನ ಅಂವೊಂಡ ಮೇಲೆ ಒಳ್‍ದ್‍ವಿ.

ಪ್ರಕಟನೆ 7:15

ಆನಗುಂಡ್, ಈಂಗ, ದೇವಡ ಸಿಂಹಾಸನತ್‍ರ ಮಿಂಞ ಇಂಜಂಡ್, ಬಯಿಟ್ ಪೋಲ್ ಅಂವೊಂಡ ಆಲಯತ್‍ಲ್ ಸೇವೆ ಮಾಡಿಯಂಡುಂಡ್. ಸಿಂಹಾಸನತ್‍ಲ್ ಅಳ್‌ತಂಡ್ ಉಳ್ಳಂವೊ ಅಯಿಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಉಂಡ್.