ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:14 - ಕೊಡವ ಬೈಬಲ್

¹⁴ ಪರಲೋಕತ್‍ಲ್ ಉಳ್ಳ ದೇವಕ್ ಮಹಿಮೆಯು, ಬೂಲೋಕತ್‍ಲ್ ಶಾಂತಿಯು, ಮನುಷ್ಯಂಗಡ ಮೇಲೆ ಪ್ರೀತಿಯು ಇಕ್ಕಡ್‍ೕಂದ್ ದೇವನ ತುದಿಚಂಡ್ ಪಾಟ್ ಪಾಡ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:14 ပူးပေါင်းရင်းမြစ်များ

ಮತ್ತಾಯ 21:9

ಅಂವೊಂಡ ಸುತ್ತ್‌ಲ್ ಇಂಜ ಜನ ಇನ್ನನೆ ಕೂತ್ ಕೊಡ್‍ತತ್. ದಾವೀದಂಡ ಮೋಂವೊಂಗ್ ಹೊಸನ್ನ! ಒಡೆಯನಾನ ದೇವಡ ಪೆದತ್‍ಲ್ ಬಪ್ಪಂವೊಂಗ್ ಆಶೀರ್ವಾದ! ಪರಲೋಕತ್‍ಲ್ ಹೊಸನ್ನಾಂದ್ ಕೂತ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:79

ಇರ್‌ಟ್‌ಲ್ ಪಿಂಞ ಚಾವ್‍ರ ಪೋಡಿಲ್ ಅಳ್‌ತಂಡುಳ್ಳ ಜನಕ್ ಬೊಳ್‍ಚ ಕಾಟ್‍ವ. ಅಂವೊ ನಂಗಳ ಶಾಂತಿರ ಬಟ್ಟೇಲ್ ನಡ್‍ಪ್‍ಚಿಡುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:38

ಒಡೆಯನಾನ ದೇವಡ ಪೆದತ್‍ಲ್ ಬಂದಂಡುಳ್ಳ ರಾಜ ಆಶೀರ್ವಾದ ಪಡ್ಂದಂವೊ, ಪರಲೋಕತ್‍ಲ್ ಸಮಾದಾನ ಇಕ್ಕಡ್, ಪರಲೋಕತ್‍ಲ್ ದೇವಕ್ ಮಹಿಮೆ ಕ್‍ಟ್ಟಡ್‍ೕಂದ್ ತುದಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:13

ಅಕ್ಕಣೆ ಪರಲೋಕತ್‍ರ ದೂತಂಗಡ ಸೈನ್ಯ ಆ ದೂತಂಡ ಕೂಡೆ ಪ್ರತ್ಯಕ್ಷವಾಯಿತ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:15

ಇನ್ನನೆ ಎಣ್ಣಿತ್ ದೇವದೂತಂಗ ಪರಲೋಕಕ್ ಪೋನ ಪಿಂಞ ಕೊರಿ ಕಾಪಯಿಂಗ ಅಯಿಂಗಯಿಂಗಳ ನೋಟಿತ್: ನಂಗ ಬೆತ್ಲೆಹೇಮ್‍ಕ್ ಪೋಯಿತ್ ದೇವ ನಂಗಕ್ ಅರಿಚಿಟ್ಟದ್‍ನ ನೋಟಿತ್ ಬಕ್ಕನಾ ಎಣ್ಣಿಯಂಡ್ ತಕ್ಕ್ ಪರ್ಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:22

ಪವಿತ್ರಾತ್ಮ ಅಲ್ಲಿಂಜ ಒರ್ ಪಾರಿವಾಳ ರೂಪತ್‌ಲ್ ಅಂವೊಂಡ ಮೇಲೆ ಇಳ್ಂಜಿತ್ ಪಿಂಞ ಪರಲೋಕತ್ಂಜ: ನೀನ್ ನಾಡ ಕೊದಿರ ಮೋಂವೊ, ನೀಡ ಮೇಲೆ ನಾಕ್ ದುಂಬ ಕುಶಿ ಉಂಡ್‍ೕಂದ್ ಒರ್ ವಾಣಿ ಬಾತ್.

ಯೋಹಾನ 14:27

ಸಮಾದಾನತ್‍ನ ನಿಂಗಕ್ ಬುಟ್ಟಿತ್ ಪೋಪಿ, ನಾಡ ಸಮಾದಾನತ್‍ನೇ ನಿಂಗಕ್ ತಪ್ಪಿ; ಈ ಲೋಕ ತಪ್ಪ ಪ್ರಕಾರ ನಾನ್ ನಿಂಗಕ್ ತಪ್ಪುಲೆ. ನಿಂಗಡ ಹೃದಯ ಬೇಜಾರ್ ಪಡತೆ, ಗಾಬರಿ ಆಕತೆ ಇರಡ್.

ಯೋಹಾನ 17:4

ನೀನ್ ನಾಕ್ ಕೊಡ್‍ತ ಕ್ರಿಯೇನ ಪೂರ್ತಿಮಾಡಿಯೆ, ನಾನ್ ಈ ಲೋಕತ್‍ಲ್ ನೀಕ್ ಮಹಿಮೆ ಕ್‍ಟ್ಟುವನೆಕೆ ಮಾಡಿಯೆ.

ಯೋಹಾನ 3:16

ದೇವ ಈ ಲೋಕತ್‍ರ ಜನಳ ಎಚ್ಚಕೋ ಪ್ರೀತಿ ಮಾಡಿತ್, ಅಂವೊಂಡ ಒರೇ ಮೋಂವೊನ ಕೊಡ್‍ತತ್; ದಾರೆಲ್ಲ ಅಂವೊನ ನಂಬುವ ಅಯಿಂಗೆಲ್ಲಾ ಪಾಳಾಕತೆ ನಿತ್ಯ ಜೀವತ್‍ನ ಪಡೆಯುವ.

ಅಪೊಸ್ತಲ 10:36

ಎಲ್ಲಾ ಜನಕು ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ದೇವಡ ಕೂಡೆ ಸಮಾದಾನ ಉಂಡ್‍ೕಂದ್ ಉಳ್ಳ ಸುದ್ದಿನ ಇಸ್ರಾಯೇಲ್ ಜನಕ್ ದೇವ ಅರಿಚಿಟ್ಟ ನಲ್ಲ ಸುದ್ದಿ ನಿಂಗಕ್ ಗೊತ್ತುಂಡ್.

ರೋಮ್ 5:1

ಇನ್ನನೆ, ನಂಗ ನಂಬಿಕೆಯಿಂಜ ನೀತಿವಂಯಿಂಗಳಾನಗುಂಡ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ನಂಗಕ್ ದೇವಡ ಪಕ್ಕ ಸಮಾದಾನ ಕ್‍ಟ್ಟ್‌ಚಿ.

ಎಫೆಸ 1:6

ಅನ್ನನೆ, ದೇವ ಪ್ರೀತಿ ಮಾಡ್‌ವ ಅಂವೊಂಡ ಮೋಂವೊಂಡಲ್ಲಿ ನಂಗಡ ಮೇಲೆ ಇನಾಮಾಯಿತ್ ಬೂಕ್‌ನ ಅಂವೊಂಡ ಮಹಿಮೇರ ಕೃಪೆಕಾಯಿತ್ ಅಂವೊನ ತುದಿಪನೆಕೆ ಮಾಡ್‍ಚಿ.

ಎಫೆಸ 1:9

ದೇವ ಕ್ರಿಸ್ತಂಡ ಮೂಲಕ ಮಾಡಂಡೂಂದ್ ತೀರ್ಮಾನ ಮಾಡಿತ್ಂಜ, ಅಂವೊಂಡ ಕುಶೀರ ಚಿತ್ತತ್‍ರ ಗುಟ್ಟ್‌ನ ನಂಗ ಗೊತ್ತಾಪನೆಕೆ ಮಾಡ್‍ಚಿ.

ಎಫೆಸ 2:4

ಆಚೇಂಗಿ, ಕರುಣೆ ದುಂಬ್‍ನ ದೇವನಾನ ಅಂವೊ ನಂಗಡ ಮೇಲೆ ಬೆಚ್ಚ ಬಲ್ಯ ಪ್ರೀತಿರಗುಂಡ್,

ಫಿಲಿಪ್ಪಿ 2:11

ಪ್ರತಿ ಒಬ್ಬನು ಯೇಸು ಕ್ರಿಸ್ತನೇ ಒಡೆಯಾಂದ್ ಎಣ್ಣಿತ್ ನಂಗಡ ಅಪ್ಪನಾನ ದೇವನ ಮಹಿಮೆ ಪಡ್‍ತ್‍ವ.

ಫಿಲಿಪ್ಪಿ 2:13

ಎನ್ನಂಗೆಣ್ಣ್‌ಚೇಂಗಿ ದೇವ ಅಂವೊಂಗ್ ಕುಶಿಯಾನದ್‌ನ ಮಾಡ್‌ವಕ್, ನಿಂಗಕ್ ಆಸೆ ಪಿಂಞ ಶಕ್ತಿ ತಂದಿತ್ ನಿಂಗಡ ಬದ್‍ಕ್‍ಲ್ ಕ್ರಿಯೆ ಮಾಡಿಯಂಡುಂಡ್.

ಕೊಲೊಸ್ಸೆ 1:20

ಅಂವೊಂಡ ಮೋಂವೊಂಡ ಮೂಲಕ, ಎಲ್ಲಾನ ತಾಂಡ ಪಕ್ಕ ಪುನಃ ಕೊಂಡ್ ಬಂದಿತ್ ನಿಂಗಡ ಕೂಡೆ ಇಂಜ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡ್‌ವಕ್ ತೀರ್ಮಾನ ಮಾಡ್‍ಚಿ. ಪರಲೋಕತ್‍ಲ್ ಉಳ್ಳಾನ ಎಲ್ಲಾ, ಬೂಲೋಕತ್‍ಲ್ ಉಳ್ಳಾನ ಎಲ್ಲಾ, ತಾಂಡ ಮೋಂವೊ ಶಿಲುಬೇಲ್ ಬೂಕ್‌ನ ಚೋರೆರ ಮೂಲಕ ಸಮಾದಾನ ಮಾಡ್‌ವಕ್ ಅಂವೊ ತೀರ್ಮಾನ ಮಾಡ್‍ಚಿ.

2 ಥೆಸಲೊನೀಕ 2:16

ನಂಗಡ ಒಡೆಯನಾನ ಯೇಸು ಕ್ರಿಸ್ತನು, ನಂಗಡ ಮೇಲೆ ಪ್ರೀತಿ ಬೆಚ್ಚಿತ್ ನಂಗಡ ಹೃದಯತ್‍ಲ್ ನಿತ್ಯ ಒತ್ತಾಸೆನೆ, ಕುಶೀರ ನಿರಿಕ್ಷೇನ, ನಂಗಕ್ ಕೃಪೆಯಾಯಿತ್ ದಾನಮಾಡ್‍ನ ಅಪ್ಪನಾನ ದೇವನು,

ಪ್ರಕಟನೆ 5:13

ಅದಲ್ಲತೆ, ಪರಲೋಕತ್‍ಲ್, ಬೂಮಿಲ್, ಬೂಮಿರ ಅಡಿಲ್ ಉಳ್ಳ ಸೃಷ್ಟಿಯ, ಸಮುದ್ರತ್‍ಲ್ ಪಿಂಞ ಅದ್‍ಲ್ ಉಳ್ಳ ಸೃಷ್ಟಯ ಎಲ್ಲಾ: ಸಿಂಹಾಸನತ್‍ಲ್ ಅಳ್‌ತಂಡುಳ್ಳವೊಂಗ್ ಪಿಂಞ ಕೊರಿಕುಟ್ಟಿಯಾನಂವೊಂಗ್, ತುದಿಯು ಗನವು ಮಹಿಮೆಯು ಶಕ್ತಿಯು, ಎಕ್ಕಾಲು ಕ್‍ಟ್ಟಡ್‍ೕಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.