ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:10 - ಕೊಡವ ಬೈಬಲ್

¹⁰ ದೇವದೂತ ಅಯಿಂಗಳ ನೋಟಿತ್: ನಿಂಗ ಬೊತ್ತತಿ! ಎಲ್ಲಾ ಜನಕ್ ಕುಶಿ ಆಪಂತ ನಲ್ಲ ಸುದ್ದಿನ ನಾನ್ ನಿಂಗಕ್ ಎಡ್‌ತ ಬಂದಿಯೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:10 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:3

ನಿನ್ನ ಆಶೀರ್ವಾದ ಮಾಡುವಯಿಂಗಳ, ನಾನ್‌ ಆಶೀರ್ವಾದ ಮಾಡುವಿ, ನೀಕ್‌ ಶಾಪ ಇಡ್‌ವಯಿಂಗಳ ನಾನ್‌ ಶಾಪ ಇಡುವಿ. ಈ ಬೂಮಿಲ್‌ ಉಳ್ಳ ಎಲ್ಲಾ ವಂಶವು ನೀಡ ಮೂಲಕ ಆಶೀರ್ವಾದ ಪೊಂದುವಾಂದ್‌ ಎಣ್ಣ್‌ಚಿ.

ಮತ್ತಾಯ 14:27

ಅಕ್ಕಣೆ ಯೇಸು ಅಯಿಂಗಡ ಕೂಡೆ ತಕ್ಕ್ ಪರಿಂದಿತ್: ನಿಂಗ ದೈರ್ಯ ಎಡ್‌ತೊಳಿ, ಇದ್ ನಾನೇ, ಪೋಡಿ ಬೋಂಡಾಂದ್ ಎಣ್ಣ್‌ಚಿ.

ಮತ್ತಾಯ 28:18

ಯೇಸು ಅಯಿಂಗಡ ಪಕ್ಕ ಪೋಯಿತ್, ನಾಕ್ ಪರಲೋಕತ್‌ಲು ಬೂಲೋಕತ್‌ಲು ಎಲ್ಲಾ ಅದಿಕಾರ ನಾಕ್ ತಂದಿತುಂಡ್.

ಮತ್ತಾಯ 28:5

ಅಕ್ಕ ದೇವದೂತ ಪೊಣ್ಣಾಳ್‍ರ ಪಕ್ಕ: ನಿಂಗ ಬೊತ್ತತಿ! ಶಿಲುಬೇಕ್ ಇಟ್ಟ ಯೇಸುನ ನಿಂಗ ತ್‍ೕಡಿಯಂಡುಳ್ಳಿರಾಂದ್ ನಾಕ್ ಗೊತ್ತುಂಡ್.

ಮಾರ್ಕ 1:15

ಕಾಲ ಪೂರ್ತಿ ಆಚಿ, ದೇವಡ ರಾಜ್ಯ ಬೆರಿಯ ಬಪ್ಪ. ನಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್, ದೇವಡ ನಲ್ಲ ಸುದ್ದಿನ ನಂಬೀಂದ್ ಎಣ್ಣ್‌ಚಿ.

ಮಾರ್ಕ 16:15

ಪಿಂಞ, ಅಂವೊ ಅಯಿಂಗಳ ನೋಟಿತ್: ನಿಂಗ ಬೂಲೋಕವೆಲ್ಲಾ ಪೋಯಿತ್ ದೇವಡ ನಲ್ಲ ಸುದ್ದಿನ ಎಲ್ಲಾ ಜನಕು ಪ್ರಚಾರ ಮಾಡಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:13

ಆಚೇಂಗಿ ಆ ದೂತ ಅಂವೊಂಗ್, ಜಕರಿಯ ನೀನ್ ಬೊತ್ತತೆ, ನೀಡ ಪ್ರಾರ್ಥನೆ ದೇವಕ್ ಮುಟ್ಟ್‌ಚಿ. ನೀಡ ಪೊಣ್ಣ್ ಎಲಿಸಬೇತ್ ನೀಕ್ ಒರ್ ಕ್‍ಣ್ಣ ಕುಂಞಿನ ಪೆರುವ. ನೀನ್ ಅಂವೊಂಗ್ ಯೋಹಾನಾಂದ್ ಪೆದ ಇಡಂಡೂಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:19

ಅದ್ಂಗ್ ದೇವದೂತ: ನಾನ್ ದೇವಡ ಸನ್ನಿದಿಲ್ ನಿಪ್ಪ ಗಬ್ರಿಯೇಲ ಎಣ್ಣುವ ದೂತ. ನೀಡ ಕೂಡೆ ತಕ್ಕ್ ಪರಿವಕಾಯಿತು ಈ ನಲ್ಲ ಸುದ್ದಿನ ನೀಕ್ ಎಣ್ಣ್‌ವಕಾಯಿತು ನೀಡ ಪಕ್ಕ ನನ್ನ ದೇವ ಅಯಿಚತ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:30

ದೇವದೂತ ಅವಡ ಪಕ್ಕ: ನೀನ್ ಬೊತ್ತತೆ ಮರಿಯ, ದೇವಡ ಕೃಪೆ ನೀಕ್ ಕ್‍ಟ್ಟಿತುಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:11

ಇಂದ್ ದೇವ ಗೊತ್ತ್ ಮಾಡಿತ್ ಅಯಿಚ ಒಡೆಯನಾನ ಕ್ರಿಸ್ತ ಎಣ್ಣುವ ರಕ್ಷಕ ನಿಂಗಕಾಯಿತ್ ದಾವೀದಂಡ ಊರ್‌ಲ್ ಪುಟ್ಟಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:47

ಇಂಞು: ಯೆರೂಸಲೇಮ್ಂಜ ಎಲ್ಲಾ ದೇಶತ್‍ರ ಜನಕ್ ಪಾಪಕ್ಷಮೆ ಕ್‍ಟ್ಟ್‌ವಕ್ ದೇವಡ ಪಕ್ಕ ತಿರಿಗಿತ್ ಬರಂಡೂಂದ್ ನಾಡ ಅದಿಕಾರತ್‍ಲ್ ಪ್ರಚಾರ ಮಾಡೀಂದ್ ಎಣ್ಣಿ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:1

ಬಯ್ಯಂಜಿ, ಯೇಸು ಅಲ್ಲಿಯತ್‍ರ ಪಟ್ಟಣ ಪಿಂಞ ಗ್ರಾಮಕೆಲ್ಲಾ ಪ್ರಯಾಣ ಮಾಡಿತ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡಿಂಜತ್. ಅಂವೊಂಡ ಪನ್ನೆರಂಡ್ ಶಿಷ್ಯಂಗಳು ಅಂವೊಂಡ ಕೂಡೆ ಇಂಜತ್.

ಅಪೊಸ್ತಲ 13:32

ನಂಗಡ ಅಜ್ಜಂಗಕ್ ದೇವ ವಾಗ್ದಾನ ಮಾಡ್‍ನ ನಲ್ಲ ಸುದ್ದಿನ ನಂಗ ನಿಂಗಕ್ ಪ್ರಚಾರ ಮಾಡಿಯಂಡುಂಡ್.

ರೋಮ್ 10:15

ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಯಿಂಗಳ ಅಯಿಂಗಡ ಪಕ್ಕ ಅಯಿಕತೆ ಪೋಚೇಂಗಿ ದಾರ್ ಎಣ್ಣುವ? ಅದ್ಂಗೇ, ಸಮಾದಾನತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಯಿಂಗಡ ಪಾದ ಎಚ್ಚಕ್ ಚಾಯಿ ಉಂಡ್‍ೕಂದ್ ಒಳ್‍ದಿ ಬೆಚ್ಚಿತುಂಡಲ್ಲ?

ಎಫೆಸ 3:8

ದೇವಡ ಮಕ್ಕಡಲ್ಲಿ ಎಲ್ಲಾಡಕಿಂಜ ಚೆರಿಯಂವೊನಾನ ನಾಕ್, ಕ್ರಿಸ್ತಂಡ ಲೆಕ್ಕ ಮಾಡ್‌ವಕ್ ಕಯ್ಯತಚ್ಚಕ್ ಉಳ್ಳ ಐಶ್ವರ್ಯತ್‍ನ ಯೆಹೂದ್ಯಂಗಲ್ಲತ ಜನಕ್ ಅರಿಚಿಡುವಕುಳ್ಳ ಈ ಕೃಪೆ ನಾಕ್ ಕ್‍ಟ್ಟ್‌ಚಿ.

ಕೊಲೊಸ್ಸೆ 1:23

ನಿಂಗಕ್ ಕ್‍ಟ್ಟ್‌ನ ಈ ನಲ್ಲ ಸುದ್ದಿರ ನಂಬಿಕೇನ ಗಟ್ಟಿಯಾಯಿತ್ ಪುಡ್‍ಚಂಡ್, ಸ್ತಿರವಾಯಿತ್, ದೃಡವಾಯಿತ್ ನಿಂದಂಡಿಂಜತೇಂಗಿ ನಿಂಗಕ್ ಅನ್ನನೆ ಕ್‍ಟ್ಟುವ. ಈ ನಲ್ಲ ಸುದ್ದಿ, ಈ ಲೋಕತ್‍ರ ಎಲ್ಲಾ ಸೃಷ್ಟಿಕ್ ಅರಿಚಿಟ್ಟಂಡುಂಡ್, ಅದ್ಂಗಾಯಿತ್, ಪೌಲನಾನ ನಾನ್ ದೇವಡ ಸೇವಕನಾಯಿತ್ ಉಳ್ಳ.