ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:9 - ಕೊಡವ ಬೈಬಲ್

⁹ ಅದ್ಂಗ್ ಯೇಸು: ಇಂದ್ ನೀಕ್ ಪಿಂಞ ನೀಡ ಮನೆಲ್ ಉಳ್ಳಯಿಂಗಕ್ ರಕ್ಷಣೆ ಕ್‍ಟ್ಟ್‌ಚಿ; ಎನ್ನಂಗೆಣ್ಣ್‌ಚೇಂಗಿ, ಇಂವೊ ಸಹ ಅಬ್ರಹಾಮಂಡ ನೇರಾನ ಕುಮಾರನಾಯಿತುಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:9 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:16

ಅನ್ನನಾಚೇಂಗಿ, ಪದನೆಟ್ಟ್ ಕಾಲತ್ಂಜ ಸೈತಾನ ಕೆಟ್ಟಿ ಇಟ್ಟಿತ್ತುಳ್ಳ ಇವ ಅಬ್ರಹಾಮಂಡ ಸಂತಾನಕರ್ತಿ. ಇವಳ, ಸಬ್ಬತ್ ದಿನತ್‌ಲ್ ಈ ಕೆಟ್ಟ್‌ಯಿಂಜ ಬುಡ್‍ಗಡೆ ಮಾಡ್‍ವದ್ ತಪ್ಪಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:30

ಅಕ್ಕ, ದಾರ್ ಮಿಂಞತ್‍ಲ್ ಉಂಡೋ ಅಯಿಂಗ ಬಯ್ಯತ್ ಆಯಿಪೋಪ. ಬಯ್ಯತ್ ಉಳ್ಳಯಿಂಗ ಮಿಂಞಕ್ ಇಪ್ಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:24

ಅಕ್ಕ ಐಶ್ವರ್ಯವಂತಂವೊ: ಅಪ್ಪನಾನ ಅಬ್ರಹಾಮನೇ, ನಾಕ್ ಕನಿಕರ ಕಾಟ್! ಲಾಜರನ ಇಲ್ಲಿ ಅಯಿಚಿತ್, ಅಂವೊ ಅಂವೊಂಡ ತುದಿ ಬೆರತ್‌ನ ನೀರ್‌ಲ್ ಮುಕ್ಕಿತ್ ನಾಡ ನಾವ್‌ನ ತಣಿಚಿಡಡ್, ಈ ಉರಿಲ್ ನಾನ್ ಕಷ್ಟಪಟ್ಟಂಡ್ ಉಳ್ಳ್‌ಂದ್ ಕೂತ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:30

ಆಚೇಂಗಿ ಆ ಐರ್ಶ್ವಯವಂತಂವೊ: ಅನ್ನನೆಯಲ್ಲ ಅಪ್ಪನಾನ ಆಬ್ರಹಾಮನೇ, ಅದ್ಂಡ ಬದ್‍ಲಾಯಿತ್, ಚತ್ತಯಿಂಗ ದಾರೇಂಗಿ ಅಯಿಂಗಡ ಪಕ್ಕ ಪೋನಕ, ಅಯಿಂಗ, ಅಂವೊ ಎಣ್ಣುವ ವಿಷಯ ನೇರ್ಂದ್ ನಂಬಿತ್, ಪಾಪತ್‍ನ ಬುಟ್ಟಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ಬಪ್ಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:30

ಲೋಕತ್‍ರ ಜನಕ್ ಜ್ಞಾನತ್‍ರ ಬೊಳ್‌ಕಾಯಿತು, ನೀಡ ಮಕ್ಕ ಇಸ್ರಾಯೇಲ್‍ಕ್ ಕೀರ್ತಿಯಾಯಿತು ದೇವ ಎಲ್ಲಾ ಜನಡ ಮಿಂಞತ್‍ಲ್ ತಯಾರ್ ಮಾಡ್‍ನ ನೀಡ ರಕ್ಷಣೆನ ನಾಡ ಕಣ್ಣ್ ಕಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:8

ಆಚೇಂಗಿ ನಿಂಗ ನೇರಾಯಿತ್ ಪಶ್ಚಾತಾಪ ಪಟ್ಟಿತ್ ಬದ್‍ಲಾಯಿತ್ ಉಳ್ಳಿರಾಂದ್, ನಿಂಗಡ ಬದ್‍ಕ್‍ಲ್ ಪಿಂಞ ಕ್ರಿಯೇಲ್ ಕಾಟಿ; ಅಬ್ರಹಾಮ ನಂಗಡ ಅಪ್ಪಾಂದ್ ನಿಂಗ ಎಣ್ಣುವಕ್ ಸುರು ಮಾಡತಿ; ದೇವಕ್ ಇಲ್ಲಿ ಉಳ್ಳ ಕಲ್ಲಿಂಜ ಸಹ ಅಬ್ರಹಾಮಂಗ್ ಮಕ್ಕಳ ಪುಟ್ಟ್‌ಚಿಡ್‌ವಕ್ ಕಯ್ಯೂಂದ್ ನಾನ್ ನಿಂಗಕ್ ಎಣ್ಣ್‌ವಿ.

ರೋಮ್ 4:16

ಆನಗುಂಡ್, ಬಾದ್ಯತೆ ಕೃಪೆಯಿಂಜ ಬಪ್ಪನೆಕೆ ಅದ್ ನಂಬಿಕೇರ ಮೂಲಕ ಬಾತ್; ನ್ಯಾಯಪ್ರಮಾಣಕ್ ಕೂಡ್‍ನ ಸಂತಾನಕಾರಂಗಕ್ ಮಾತ್ರ ಅಲ್ಲತೆ, ನಂಗ ಎಲ್ಲಾರ್‌ಕು ಅಪ್ಪನಾನ ಅಬ್ರಹಾಮಂಡ ನಂಬಿಕೇಕ್ ಕೂಡ್‍ನ ಎಲ್ಲಾ ಸಂತಾನಕಾರಂಗಕು ಆ ವಾಗ್ದಾನ ಕಂಡಿತವಾಯಿತ್ ಬಂದಂಡುಂಡ್.

ಗಲಾತ್ಯ 3:14

ಅಬ್ರಹಾಮಂಗ್ ಕ್‍ಟ್ಟ್‌ನ ಆಶೀರ್ವಾದ, ಯೆಹೂದ್ಯರಲ್ಲತಯಿಂಗಕ್ ಯೇಸು ಕ್ರಿಸ್ತಂಡ ಮೂಲಕ ಬಪ್ಪಕಾಯಿತು, ನಂಬಿಕೇರ ಮೂಲಕ ವಾಗ್ದಾನ ಮಾಡ್‍ನ ಪವಿತ್ರಾತ್ಮ ನಂಗಕ್ ಕ್‍ಟ್ಟ್‌ವಕಾಯಿತೂ ಇನ್ನನೆ ಆಚಿ.

ಗಲಾತ್ಯ 3:29

ನಿಂಗ ಕ್ರಿಸ್ತಂಡ ಜನವಾಯಿತ್ಂಜತೇಂಗಿ ನಿಂಗ ಅಬ್ರಹಾಮಂಡ ಸಂತಾನಕಾರಂಗ, ಪಿಂಞ ದೇವ ಎಂತ ವಾಗ್ದಾನ ಮಾಡ್‍ಚೋ ಅದ್ ನಿಂಗಕ್ ಕ್‍ಟ್ಟ್‌ವ.

ಗಲಾತ್ಯ 3:7

ಆನಗುಂಡ್ ದೇವಡ ಮೇಲೆ ನಂಬಿಕೆ ಬೆಪ್ಪ ಜನ ಮಾತ್ರ ಅಬ್ರಹಾಮಂಡ ನೇರಾನ ಸಂತಾನಕಾರಂಗಳಾಪಾಂದ್ ನಿಂಗ ಅರ್ಥ ಮಾಡಿಯೊಳಿ.

1 ಪೇತ್ರ 2:10

ಒರ್ ಕಾಲತ್‍ಲ್ ನಿಂಗ ದೇವಡ ಮಕ್ಕಳಾಯಿತ್ ಇಂಜಿತ್‌ಲ್ಲೆ, ಆಚೇಂಗಿ ಇಕ್ಕ ನಿಂಗ ದೇವಡ ಮಕ್ಕಳಾಯಿತ್ ಉಳ್ಳಿರ; ಒರ್ ಕಾಲತ್‍ಲ್ ನಿಂಗಕ್ ಕನಿಕರ ಕ್‍ಟ್ಟಿತ್‌ಲ್ಲೆ, ಆಚೇಂಗಿ ಇಕ್ಕ ನಿಂಗಕ್ ಕನಿಕರ ಕ್‍ಟ್ಟ್‌ಚಿ.