ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:38 - ಕೊಡವ ಬೈಬಲ್

³⁸ ಒಡೆಯನಾನ ದೇವಡ ಪೆದತ್‍ಲ್ ಬಂದಂಡುಳ್ಳ ರಾಜ ಆಶೀರ್ವಾದ ಪಡ್ಂದಂವೊ, ಪರಲೋಕತ್‍ಲ್ ಸಮಾದಾನ ಇಕ್ಕಡ್, ಪರಲೋಕತ್‍ಲ್ ದೇವಕ್ ಮಹಿಮೆ ಕ್‍ಟ್ಟಡ್‍ೕಂದ್ ತುದಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:38 ပူးပေါင်းရင်းမြစ်များ

ಮತ್ತಾಯ 2:2

ಯೆಹೂದ್ಯಂಗಡ ರಾಜನಾಯಿತ್ ಪುಟ್ಟ್‌ನ ಕುಂಞಿ ಎಲ್ಲಿ? ಕ್‍ೕಕ್ ದಿಕ್ಕ್‌ಲ್ ಅಂವೊಂಡ ನಕ್ಷತ್ರತ್‍ನ ಕಂಡಿತ್, ಅಂವೊನ ಆರಾದನೆ ಮಾಡ್‌ವಕ್ ನಂಗ ಬಂದಿಯೇಂದ್ ಎಣ್ಣ್‌ಚಿ.

ಮತ್ತಾಯ 21:9

ಅಂವೊಂಡ ಸುತ್ತ್‌ಲ್ ಇಂಜ ಜನ ಇನ್ನನೆ ಕೂತ್ ಕೊಡ್‍ತತ್. ದಾವೀದಂಡ ಮೋಂವೊಂಗ್ ಹೊಸನ್ನ! ಒಡೆಯನಾನ ದೇವಡ ಪೆದತ್‍ಲ್ ಬಪ್ಪಂವೊಂಗ್ ಆಶೀರ್ವಾದ! ಪರಲೋಕತ್‍ಲ್ ಹೊಸನ್ನಾಂದ್ ಕೂತ್ ಕೊಡ್‍ತತ್.

ಮತ್ತಾಯ 25:34

ಅಕ್ಕ ರಾಜ ತಾಂಡ ಬಲ್‌ತೆ ಬರಿಲ್ ಉಳ್ಳ ಜನಳ ನೋಟಿತ್: ನಾಡ ಅಪ್ಪಂಡ ಆಶೀರ್ವಾದ ಪಡ್ಂದಯಿಂಗಳೇ ಬಾರಿ, ಈ ಲೋಕ ಸೃಷ್ಟಿ ಆಪಕ್ ಮಿಂಞ ತಯಾರ್ ಮಾಡ್‍ನ ನಿಂಗಡ ರಾಜ್ಯತ್‍ನ ಎಡ್‌ತೊಳಿ.

ಮತ್ತಾಯ 25:40

ಅಕ್ಕ ರಾಜ, ನಾಡ ಅಣ್ಣತಮ್ಮಣಂಡಡೆಲ್ ಚೆರಿಯಯಿಂಗಳಾಯಿತುಳ್ಳ ಒಬ್ಬಂಗ್ ಮಾಡ್‍ಚೇಂಗಿಯು, ಅದ್‍ನ ನಿಂಗ ನಾಕ್ ಮಾಡ್‌ನನೆಕೇಂದ್ ನೇರಾಯಿತು ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:35

ಆನಗುಂಡ್, ನಿಂಗಡ ದೇವಾಲಯ ದಾರೂ ಪೋಪಕ್ಕಾಗತ ಜಾಗ ಆಯಿಪೋಪ. ಒಡೆಯಂಡ ಪೆದತ್‍ಲ್ ಬಪ್ಪಂವೊ ಆಶೀರ್ವಾದ ಮಾಡ್‍ನಂವೋಂದ್ ನಿಂಗ ಎಣ್ಣ್‌ವಕತ್ತನೆ ನನ್ನ ನಿಂಗ ಕಾಂಬ್‍ಲೇಂದ್ ನೇರಾಯಿತ್ ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ರೋಮ್ 5:1

ಇನ್ನನೆ, ನಂಗ ನಂಬಿಕೆಯಿಂಜ ನೀತಿವಂಯಿಂಗಳಾನಗುಂಡ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ನಂಗಕ್ ದೇವಡ ಪಕ್ಕ ಸಮಾದಾನ ಕ್‍ಟ್ಟ್‌ಚಿ.

ಎಫೆಸ 1:12

ಕ್ರಿಸ್ತಂಡ ಮೇಲೆ ಮಿಂಞಲೇ ನಿರೀಕ್ಷೆ ಬೆಚ್ಚಿತುಳ್ಳಯಿಂಗಳಾನ ನಂಗ ಅಂವೊನ ಕೊಂಡಾಡಿತ್ ಮಹಿಮೆ ಕೊಡುಕಂಡೂಂದ್ ಅಂವೊ ಇನ್ನನೆ ಮಾಡ್‍ಚಿ.

ಎಫೆಸ 1:6

ಅನ್ನನೆ, ದೇವ ಪ್ರೀತಿ ಮಾಡ್‌ವ ಅಂವೊಂಡ ಮೋಂವೊಂಡಲ್ಲಿ ನಂಗಡ ಮೇಲೆ ಇನಾಮಾಯಿತ್ ಬೂಕ್‌ನ ಅಂವೊಂಡ ಮಹಿಮೇರ ಕೃಪೆಕಾಯಿತ್ ಅಂವೊನ ತುದಿಪನೆಕೆ ಮಾಡ್‍ಚಿ.

ಎಫೆಸ 3:10

ಆನಗುಂಡ್, ಸಬೆರ ಮೂಲಕ ಅಂವೊಂಡ ನಾನಾತರ ಜ್ಞಾನತ್‍ನ ಇಕ್ಕ ಎಲ್ಲಾ ಅದಿಪತಿಯಂಗಕು, ಪರಲೋಕತ್‍ಲ್ ಉಳ್ಳ ಎಲ್ಲಾ ಅದಿಕಾರಕು ಗೊತ್ತಾಪನೆಕೆ ಮಾಡ್‍ಚಿ.

ಎಫೆಸ 3:21

ಸಬೇಲ್ ಕ್ರಿಸ್ತ ಯೇಸುರ ಮೂಲಕ ಎಕ್ಕಲೂ ಪರಂಬರೆ ಪರಂಬರೆಯಾಯಿತ್ ಮಹಿಮೆ ಆಡ್. ಆಮೆನ್.

ಕೊಲೊಸ್ಸೆ 1:20

ಅಂವೊಂಡ ಮೋಂವೊಂಡ ಮೂಲಕ, ಎಲ್ಲಾನ ತಾಂಡ ಪಕ್ಕ ಪುನಃ ಕೊಂಡ್ ಬಂದಿತ್ ನಿಂಗಡ ಕೂಡೆ ಇಂಜ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡ್‌ವಕ್ ತೀರ್ಮಾನ ಮಾಡ್‍ಚಿ. ಪರಲೋಕತ್‍ಲ್ ಉಳ್ಳಾನ ಎಲ್ಲಾ, ಬೂಲೋಕತ್‍ಲ್ ಉಳ್ಳಾನ ಎಲ್ಲಾ, ತಾಂಡ ಮೋಂವೊ ಶಿಲುಬೇಲ್ ಬೂಕ್‌ನ ಚೋರೆರ ಮೂಲಕ ಸಮಾದಾನ ಮಾಡ್‌ವಕ್ ಅಂವೊ ತೀರ್ಮಾನ ಮಾಡ್‍ಚಿ.

1 ತಿಮೊಥೆಯ 1:17

ನಿತ್ಯವಾಯಿತುಳ್ಳಂವೊನೂ ಚಾವ್ ಇಲ್ಲತಂವೊನು ಕಣ್ಣ್‌ಕ್ ಕಾಂಗತ ರಾಜನಾಯಿತ್, ತಾನ್ ಒಬ್ಬನೇ ಜ್ಞಾನವುಳ್ಳಂವೊನಾಯಿತ್ ಇಪ್ಪ ದೇವಕ್ ಎಕ್ಕಾಲು ಗನ ಪಿಂಞ ಮಹಿಮೆ ಇರಡ್. ಆಮೆನ್.

1 ಪೇತ್ರ 1:12

ಅಯಿಂಗಕಾಯಿತ್ ಅಲ್ಲತೆ, ನಂಗಕಾಯಿತೇ ಇನ್ನನೆ ಅಯಿಂಗ ಪ್ರವಾದನೆ ಎಣ್ಣ್‌ಚೀಂದ್ ಅಯಿಂಗಕ್ ಗೊತ್ತಾಚಿ. ಪರಲೋಕತ್ಂಜ ಈ ಲೋಕಕ್ ದೇವ ಅಯಿಚ ಪವಿತ್ರಾತ್ಮತ್‍ರಗುಂಡ್, ನಿಂಗಕ್ ದೇವಡ ನಲ್ಲ ಸುದ್ದಿನ ಎಣ್ಣ್‌ನಯಿಂಗಡ ಮೂಲಕ, ಈ ವಿಷಯತ್‌ನೆಲ್ಲ ಇಕ್ಕ ನಿಂಗಕ್ ಎಣ್ಣಿಯಂಡುಂಡ್. ಇದ್‍ನ ದೇವದೂತಂಗ ಸಹ ಚಾಯಿ ನೋಟ್‍ವಕ್ ಕುಶೀಲ್ ಉಂಡ್.