ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:10 - ಕೊಡವ ಬೈಬಲ್

¹⁰ ಪಾಳಾಯಿ ಪೋನದ್‍ನ ತ್‍ೕಡ್‍ವಕು ಅದ್‍ನ ಕಾಪಾಡ್‌ವಕು ಮನುಷ್ಯಕುಮಾರ ಬಾತ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:10 ပူးပေါင်းရင်းမြစ်များ

ಮತ್ತಾಯ 1:21

ಅವ ಒರ್ ಕ್‍ಣ್ಣ ಕುಂಞಿನ ಪೆರ್‌ವ. ಅಂವೊಂಗ್ ಯೇಸೂಂದ್ ಪೆದ ಇಡಂಡು. ಎನ್ನಂಗೆಣ್ಣ್‌ಚೇಂಗಿ ಅಂವೊ ತಾಂಡ ಜನಳ ಪಾಪತ್ಂಜ ಕಾಪಾಡ್‌ವಾಂದ್ ದೇವದೂತ ಎಣ್ಣ್‌ಚಿ.

ಮತ್ತಾಯ 10:6

ಅದ್ಂಡ ಬದ್‍ಲ್ ಇಸ್ರಾಯೇಲ್‍ಕ್ ಮಾತ್ರ ಪೋಯಿ. ಅಯಿಂಗ ಬಟ್ಟೆ ತಪ್ಪಿ ಪೋನ ಕೊರಿರನೆಕೆ ಉಂಡ್.

ಮತ್ತಾಯ 15:24

ಅದ್ಂಗ್ ಯೇಸು: ತಪ್ಪಿ ಪೋಯಿತುಳ್ಳ ಕೊರಿಯಡನೆಕೆ ಉಳ್ಳ ಇಸ್ರಾಯೇಲ್ ಜನಕಾಯಿತ್ ದೇವ ನನ್ನ ಅಯಿಚತ್‍ೕಂದ್ ಎಣ್ಣ್‌ಚಿ.

ಮತ್ತಾಯ 18:10

ಈ ಚೆರಿಯಯಿಂಗಡಡೆಲ್ ಒಬ್ಬನನೂ ಕಮ್ಮಿಯಾಯಿತ್ ನೋಟತೆ ಇಪ್ಪಕ್ ಎಚ್ಚರತ್‍ಲ್ ಇರಿ. ಅಯಿಂಗಡ ದೇವದೂತಂಗ ನಾಡ ಪರಲೋಕತುಲುಳ್ಳ ಅಪ್ಪಂಡ ಮೂಡ್‍ನ ಎಕ್ಕಲೂ ಅಯಿಂಗಕಾಯಿತ್ ನೋಟಿಯಂಡ್ ಇಪ್ಪ.

ಮತ್ತಾಯ 18:11

ಪಾಪತ್‍ರಗುಂಡ್ ದೇವಡಯಿಂಜ ಕಳೆಂದ್ ಪೋನ ಜನಳ ಕಾಪಾಡ್‌ವಕಾಯಿತ್ ಮನುಷ್ಯಕುಮಾರ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:32

ಆಚೇಂಗಿ ಇಕ್ಕ ಕುಶಿಪಡ್‍ವದ್ ನ್ಯಾಯ, ಎನ್ನಂಗೆಣ್ಣ್‌ಚೇಂಗಿ ನೀಡ ತಮ್ಮಣ ಚತ್ತ್ ಪೋಯಿತ್ಂಜತ್, ಪುನಃ ಎದ್ದಿತ್ ಬಾತ್, ಅಂವೊ ಕಾಂಗತೆ ಪೋಯಿತ್ಂಜತ್, ಆಚೇಂಗಿ ಇಕ್ಕ ಕ್‍ಟ್ಟ್‌ಚೀಂದ್ ಅಂವೊಂಡ ಅಪ್ಪ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:8

ಯೇಸು ಇಂಞೊರ್ ಕಥೇರ ರೂಪತ್‍ನ ಎಣ್ಣ್‌ಚಿ: ಒರ್ ಪೊಣ್ಣಾಳ್‍ರ ಕೈಯಿಂಜ ಪತ್ತ್ ಬೊಳ್ಳಿರ ನಾಣ್ಯತ್‌ಲ್ ಒರ್ ನಾಣ್ಯ ಕಾಂಗತ ಪೋನಕ, ಆ ಒರ್ ನಾಣ್ಯತ್‍ನ ತ್‍ೕಡ್‍ವಕಾಯಿತ್ ಬೊಳ್‌ಚತ್‍ನ ಕತ್ತಿಚಿಟ್ಟ್, ಮನೆನ ಒಡ್‌ಕಿತ್, ಕಂಡ್‍ಪುಡಿಪಕ‍ತ್ತನೆ ತ್‍ೕಡಿಯಂಡಿಪ್ಪಲ್ಲ?

ಯೋಹಾನ 3:17

ಈ ಲೋಕತ್‍ಲ್ ಉಳ್ಳ ಜನಳ ತೀರ್ಪ್ ಮಾಡ್‌ವಕಾಯಿತ್ ದೇವ ತಾಂಡ ಮೋಂವೊನ ಅಯಿಚಿತ್ತ್‌ಲ್ಲೆ, ಆಚೇಂಗಿ ಅಂವೊಂಡ ಮೂಲಕ ಲೋಕತ್‍ಲ್ ಉಳ್ಳ ಜನಳ ರಕ್ಷಣೆ ಮಾಡ್‌ವಕಾಯಿತೇ ಅಯಿಚತ್.

ರೋಮ್ 5:6

ನಂಗ ಶಕ್ತಿ ಇಲ್ಲತಯಿಂಗಳಾಯಿತಿಪ್ಪಕಲೇ, ನೇಮಿಚಿಟ್ಟ ಕಾಲತ್‍ಲ್, ಕ್ರಿಸ್ತ ಅಕ್ರಮಕಾರಂಗಕಾಯಿತ್ ಚತ್ತತ್.

ಇಬ್ರಿಯ 7:25

ಆನಗುಂಡ್, ತಾಂಡ ಮೂಲಕ ದೇವಡ ಪಕ್ಕ ಬಪ್ಪಯಿಂಗಕಾಯಿತ್ ಎಕ್ಕಾಲು ದೇವಡ ಮಿಂಞತ್ ಬೋಡ್‌ವನೆಕೆ ಬದ್‍ಕಿಯಂಡಿಪ್ಪಗುಂಡ್, ಅಯಿಂಗಳ ಪೂರ್ತಿಯಾಯಿತ್ ರಕ್ಷಣೆ ಮಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್.