ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:5 - ಕೊಡವ ಬೈಬಲ್

⁵ ಕಡೇಕ್ ಅಂವೊ: ನಾನ್ ದೇವಕ್ ಬೊತ್ತ್‌ವಂವೊನಲ್ಲ ಮನುಷ್ಯನ ಲೆಕ್ಕ ಮಾಡ್‌ವಂವೂನೂ ಅಲ್ಲ, ಆಚೇಂಗಿಯು ಈ ವಿದವೆ ನನ್ನ ದುಂಬ ತೊಂದರೆ ಮಾಡಿಯಂಡುಳ್ಳಗುಂಡ್, ಪುನಃ ಅವ ನಾಡ ಪಕ್ಕ ಬಂತ್ ನನ್ನ ತೊಂದರೆ ಮಾಡತನೆಕೆ ನಾನ್ ಅವಡ ವಿಷಯತ್‍ನ ನೋಟಿತ್ ಅವಕ್ ನ್ಯಾಯ ತಪ್ಪೀಂದ್ ಅಂವೊಂಡ ಮನಸ್ಸ್‌ಲ್ ಗೇನ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:5 ပူးပေါင်းရင်းမြစ်များ

ಮತ್ತಾಯ 15:23

ಅದ್ಂಗ್ ಯೇಸು, ಅವಕ್ ಒರ್ ತಕ್ಕ್ ಸಹ ಪರ್ಂದಿತ್ ಜವಾಬ್ ಕೊಡ್‍ತಿತ್‌ಲ್ಲೆ. ಅಕ್ಕ ಯೇಸುರ ಶಿಷ್ಯಂಗ ಬಂತ್: ಅವಳ ಇಲ್ಲಿಂಜ ಅಯಿಚಿರ್, ಎನ್ನಂಗೆಣ್ಣ್‌ಚೇಂಗಿ ಅವ ನಂಗಡ ಬಯ್ಯ ಬಂದಂಡ್ ಉಂಡ್‍ೕಂದ್ ಬೋಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:8

ಆಚೇಂಗಿ, ಅಂವೊ ಅಂವೊಂಡ ಸ್ನೇಹಿತನಾಯಿತ್ ಉಳ್ಳಗುಂಡ್ ಎದ್ದಿತ್ ಕೊಡ್‍ಕತೆ ಪೋಚೇಂಗಿಯು, ಅಂವೊ ಅಚ್ಚಕ್ ಒತ್ತಾಯ ಮಾಡ್‌ವಗುಂಡ್ ಅಂವೊಂಗ್ ಬೋಂಡಿಯಾನದ್‍ನ ಕೊಡ್‍ಪಾಂದ್ ನಿಂಗಕ್ ನಾನ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:3

ಅಲ್ಲಿ ಒರ್ ವಿದವೆ ಇಂಜತ್. ಅವ ಅಂವೊಂಡ ಪಕ್ಕ ಅಕ್ಕಕ್ಕ ಪೋಯಿತ್: ನಾಕು ನಾಡ ವಿರೋದಿಕೂ ತೊಂದರೆ ಉಳ್ಳ ವಿಷಯತ್‍ಲ್ ನಾಕ್ ನ್ಯಾಯ ಕ್‍ಟ್ಟ್‌ವನೆಕೆ ಮಾಡ್‍ೕಂದ್, ಆ ನ್ಯಾಯಾದಿಪತಿನ ಬೋಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:39

ಅಲ್ಲಿ, ಅಂವೊಂಡ ಮಿಂಞ ನಡ್ಂದಂಡ್ ಪೋಯಂಡ್ ಇಂಜ ಜನ ಅಂವೊನ ಮುಂಡತೆ ಇರ್‍ೕಂದ್ ಜೋರ್ ಮಾಡಿತ್ ಬಜ್ಜತ್. ಅಂವೊ ಇಂಞು ಜೋರಾಯಿತ್: ದಾವೀದಂಡ ಮೋಂವೊನೇ, ನಾಡ ಮೇಲೆ ಕನಿಕರ ಕಾಟ್‍ೕಂದ್ ಕೂತ್ ಕೊಡ್‍ಪಕ್ ಸರುಮಾಡ್‌ಚಿ.

1 ಕೊರಿಂಥ 9:27

ಬೋರೆಯಿಂಗಕ್ ಬೋದನೆ ಮಾಡ್‌ವ ನನ್ನ, ದೇವ ಅರ್ಹದೆ ಇಲ್ಲೇಂದ್ ಮಾಡತನೆಕೆ, ಒರ್ ಕಳಿಕಾರಂಡನೆಕೆ ನಾನ್ ನಾಡ ತಡೀನ ಶಿಸ್ತ್‌ಲ್ ಅಬ್ಯಾಸ ಮಾಡಿಯಂಡುಂಡ್.