ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:43 - ಕೊಡವ ಬೈಬಲ್

⁴³ ಅಕ್ಕಣೆ ಅಂವೊಂಗ್ ಕಣ್ಣ್ ಕಾಂಬನೆಕೆ ಆಚಿ. ಅಂವೊ ದೇವನ ತುದಿಚಂಡ್ ಯೇಸುರ ಬಯ್ಯ ಪೋಚಿ. ಅಲ್ಲಿ ಉಳ್ಳಯಿಂಗೆಲ್ಲ ಇದ್‍ನ ಕಂಡಿತ್ ದೇವನ ತುದಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:43 ပူးပေါင်းရင်းမြစ်များ

ಮತ್ತಾಯ 11:5

ಕುರ್‌ಡಂಗ ಕಂಡಂಡುಂಡ್, ಕುಂಟಂಗ ನಡ್ಂದಂಡುಂಡ್, ಕುಷ್ಟರೋಗಿಯಂಗ ವಾಸಿ ಆಯಂಡುಂಡ್, ಕಿವ್‍ಡಂಗ್ ಕ್‍ೕಟಂಡು, ಚತ್ತಯಿಂಗ ಎದ್ದಡುಂಡ್, ಗರೀಬಂಗಕ್ ನಲ್ಲ ಸುದ್ದಿ ಪ್ರಚಾರ ಆಯಂಡುಂಡ್.

ಮತ್ತಾಯ 21:14

ಅಕ್ಕ ಕುರ್‌ಡಂಗ ಪಿಂಞ ಕುಂಟಂಗ ಯೇಸುರ ಪಕ್ಕ ಬಾತ್. ಅಂವೊ ಅಯಿಂಗಳೆಲ್ಲ ದೇವಾಲಯತ್‍ಲ್ ವಾಸಿ ಮಾಡ್‍ಚಿ.

ಮತ್ತಾಯ 9:8

ಇದ್‍ನ ನೋಟಿತ್ ಜನಕ್ ಪೋಡಿ ಆಚಿ. ಮನುಷ್ಯಂಗ್ ಇನ್ನನೆ ಮಾಡ್‌ವಕ್ ಅದಿಕಾರ ಕೊಡ್‍ತ ದೇವನ ತುದಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:17

ಯೇಸುರ ತಕ್ಕ್ ಕ್‍ೕಪದು ಅಂವೊಂಡ ಶತ್ರುವಂಗಕ್ ಞಾಣ ಆಚಿ. ಆಚೇಂಗಿ, ಬೋರೆ ಜನಕೆಲ್ಲ ಯೇಸು ಮಾಡ್‍ನ ಈ ಬಲ್ಯ ಕಾರ್ಯತ್‍ನ ಕಂಡಿತ್ ಬಾರಿ ಕುಶಿ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:37

ಆಲಿವ್ ಕುಂದ್‌ರ ಅಡಿಲ್ ಉಳ್ಳ ಬಟ್ಟೇರ ಪಕ್ಕ ಬಪ್ಪಕಾಪಕ, ಕೂಡಿತ್ಂಜ ದುಂಬ ಶಿಷ್ಯಂಗ, ಎಂತೆಲ್ಲಾ ಅದ್ಬುತ ಕಾರ್ಯತ್‍ನ ನಂಗ ಕಂಡಿತುಂಡ್‍ೕಂದ್ ಕುಶಿಪಟ್ಟಂಡ್ ದೇವನ ಜೋರಾಯಿತ್ ತುದಿಪಕ್ ಸುರು ಮಾಡ್‍ಚಿ:

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:39

ಯೇಸು ಅವ ಬುದ್ದಂಡ್ ಉಳ್ಳಲ್ಲಿಕ್ ಪೋಯಿತ್ ಅವಡ ಮೇಲ್‌ಲ್ ಉಳ್ಳ ಪನಿನ ಬುಟ್ಟಿತ್ ಪೋಪಕ್ ಆಜ್ಞೆ ಮಾಡ್‍ಚಿ. ಪನಿ ಅವಳ ಬುಟ್ಟಿತ್ ಪೋಚಿ, ಅಕ್ಕಣೆ ಅವ ಎದ್ದಿತ್ ಅಯಿಂಗಕ್ ಸೇವೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:26

ಅಕ್ಕ ಅಲ್ಲಿ ಉಳ್ಳ ಜನ ಎಲ್ಲಾರ್‌ಕು ಆಶ್ಚರ್ಯವು ಆಯಿತ್, ಪೋಡಿಯು ಆಯಿತ್, ಇಂತ ಒರ್ ಅದ್ಬುತ ಕಾರ್ಯತ್‍ನ ನಂಗ ಕಂಡಿತೇ ಇಲ್ಲೇಂದ್ ಎಣ್ಣಿತ್, ದೇವನ ತುದಿಪಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:43

ಅಕ್ಕ ಎಲ್ಲಾ ಜನಳು ದೇವಡ ಮಹತ್ವತ್‌ನ ಕಂಡಿತ್ ಆಶ್ಚರ್ಯ ಪಟ್ಟತ್. ಯೇಸು ಮಾಡ್‍ನ ಎಲ್ಲಾ ಅದ್ಬುತತ್‌ನ ಕಂಡ ಜನ ಎಲ್ಲಾ ಆಶ್ಚರ್ಯ ಪಟ್ಟಂಡಿಪ್ಪಕ, ಯೇಸು ಅಂವೊಂಡ ಶಿಷ್ಯಂಗಕ್:

ಅಪೊಸ್ತಲ 11:18

ಇದ್‍ನೆಲ್ಲ ಅಯಿಂಗ ಕ್‍ೕಪಕ: ಅನ್ನನೆ ಆಚೇಂಗಿ, ದೇವ ಯೆಹೂದ್ಯರಲ್ಲತ ಬೋರೆ ಜಾತಿಯಂಗಕು, ಅಯಿಂಗ ತಂಗಡ ಪಾಪತ್ಂಜ ತಿರ್‌ಗಿತ್, ಯೇಸುನ ನಂಬ್‍ಚೇಂಗಿ, ನಿತ್ಯ ಜೀವತ್‍ನ ಪಡೆಯುವಕ್ ಒರ್ ಅವಕಾಶ ಕೊಡ್‍ತಿತುಂಡ್‍ೕಂದ್ ಎಣ್ಣಿತ್ ಒಂದು ಎಣ್ಣತೆ ದೇವನ ತುದಿಚತ್.

ಅಪೊಸ್ತಲ 26:18

ಅಯಿಂಗ ನಾಡ ಮೇಲೆ ಇಡ್‌ವ ನಂಬಿಕೇರಗುಂಡ್, ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟಿತ್, ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರ ಮಾಡ್‍ನ ಜನಕ್ ಕ್‍ಟ್ಟುವ ಬಾದ್ಯತೆನ ಪಡೆಯುವನೆಕೆ, ಅಯಿಂಗ ಇರ್‍ಟಿಂಜ ಬೊಳಿಕು, ಸೈತಾನಂಡ ಅದಿಕಾರತ್ಂಜ ದೇವಡ ಕಡೇಕು ತಿರಿತ್ ಅಯಿಂಗಡ ಕಣ್ಣ್ ತೊರಕಂಡೂಂದ್ ನಿನ್ನ ನಾನ್ ಅಯಿಂಗಡ ಪಕ್ಕ ಅಯಿಪೀಂದ್ ಎಣ್ಣ್‌ಚಿ.

ಅಪೊಸ್ತಲ 4:21

ಅಲ್ಲಿ ಆನ ಅದ್ಬುತ ಕಾರ್ಯಕಾಯಿತ್ ಜನ ದೇವನ ತುದಿಚಂಡ್ ಇಂಜಗುಂಡ್, ಎನ್ನನೆ ಶಿಕ್ಷೆ ಕೊಡ್‍ಕಂಡೂಂದ್ ಗೊತ್ತಿಲ್ಲತೆ, ಅಯಿಂಗಳ ಇಂಞು ಬೊತ್ತಿಚಿಟ್ಟ್‌ರ್‍ವಂಜಿ ಬುಟ್ಟ್‌ರ್‌ತ್.

ಗಲಾತ್ಯ 1:24

ನಾಕಾಯಿತ್ ಅಯಿಂಗ ದೇವನ ತುದಿಚತ್.

1 ಪೇತ್ರ 2:9

ಆಚೇಂಗಿ ನಿಂಗ, ನಿಂಗಳ ಇರ್‌ಟ್‌ಂಜ ತಾಂಡ ಅದ್ಬುತವಾನ ಬೊಳಿಕ್ ಕಾಕ್‌ನಂವೊಂಡ ತುದಿನ ಅರಿಚಿಡ್‌ವಕ್, ದೇವ ಗೊತ್ತ್ ಮಾಡ್‍ನಯಿಂಗಳಾಯಿತ್, ರಾಜಕೀಯ ಯಾಜಕಂಗಳಾಯಿತ್, ಪವಿತ್ರವಾನ ರಾಜ್ಯತ್‍ರ ಮಕ್ಕಳಾಯಿತ್ ಪಿಂಞ ದೇವಡ ಸ್ವಂತ ಜನವಾಯಿತ್ ಉಳ್ಳಿರ.