ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:22 - ಕೊಡವ ಬೈಬಲ್

²² ಯೇಸು ಇದ್‍ನೆಲ್ಲ ಕ್‍ೕಪದು: ಇಂಞು ಒಂದ್ ನೀನ್ ಮಾಡ್‌ವಕುಂಡ್. ನೀಡ ಪಕ್ಕ ಉಳ್ಳದ್‍ನೆಲ್ಲ ಮಾರ್‌ವಂಜಿ ಆ ಪಣತ್‍ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್‍ಲ್ ನೀಕ್ ಐಶ್ವರ್ಯ ದುಂಬಿತ್ ಕ್‍ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:22 ပူးပေါင်းရင်းမြစ်များ

ಮತ್ತಾಯ 19:21

ಅದ್ಂಗ್ ಯೇಸು: ನೀನ್ ಒರ್ ಕುತ್ತವು ಇಲ್ಲತೆ ಬದ್‍ಕಂಡೂಂದ್ ನೀಕ್ ಆಸೆ ಉಂಡೇಂಗಿ, ಮನೆಕ್ ಪೋಯಿತ್, ನೀಡ ಪಕ್ಕ ಉಳ್ಳ ಆಸ್ತಿನೆಲ್ಲ ಮಾರ್‌ವಂಜಿ ಆ ಪಣತ್‍ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್‍ಲ್ ನೀಕ್ ಐಶ್ವರ್ಯ ದುಂಬಿತ್ ಕ್‍ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:42

ಆಚೇಂಗಿ, ಒಂದ್ ಮಾತ್ರ ಬೋಂಡಿಯೆ. ಮರಿಯ ಅವಡ ಹೃದಯತ್ಂಜ ಎಡ್‌ಪಕಯ್ಯತ ನಲ್ಲ ಬಾಗತ್‍ನ ಗೊತ್ತ್ ಮಾಡಿತುಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:33

ನಿಂಗಡ ಪಕ್ಕ ಉಳ್ಳ ಐಶ್ವರ್ಯತ್‍ನ ಮಾರಿತ್, ಬಂದ ಪಣತ್‍ನ ಗರೀಬಂಗಕ್ ದಾನಮಾಡಿ, ಇದ್ ನಿಂಗಕ್ ಪರಲೋಕತ್‍ಲ್ ಆಸ್ತಿ ಕೂಟಿ ಬೆಚ್ಚನೆಕೆ. ಪರಲೋಕತ್‍ಲ್ ಉಳ್ಳ ಪಣಚೀಲಕ್ ತೂತ ಇಲ್ಲೆ. ಅಲ್ಲಿ ಉಳ್ಳ ನಿಂಗಡ ಐಶ್ವರ್ಯತ್‍ನ ಕಳ್ಳಂಗ ಕಟ್ಟಂಡ್ ಪೋಪದು ಇಲ್ಲೆ, ಪುಳು ತಿಂಬದು ಇಲ್ಲೆ. ಅದ್ ಬದ್ರವಾಯಿತ್ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:9

ಆನಗುಂಡ್ ನಾನ್ ನಿಂಗಕ್ ಎಣ್ಣ್‌ವಿ: ಈ ಲೋಕತ್‍ಲ್ ಉಳ್ಳ ಪಾಳಾಯಿ ಪೋಪ ನಿಂಗಡ ದುಡ್ಡ್ ಪಿಂಞ ಐಶ್ವರ್ಯತ್‍ರ ಮೂಲಕ ಬೋರೆಯಿಂಗಕ್ ಪ್ರಯೋಜನ ಆಪನೆಕೆ ಮಾಡಿತ್, ಸ್ನೇಹಿತಂಗಳ ಕೂಟಿಯೊಳಿ. ಈ ಲೋಕತ್‍ರ ಆಸ್ತಿ ನಿಂಗಳ ಬುಟ್ಟಿತ್ ಪೋಪಕ, ಅಯಿಂಗ ನಿಂಗಳ ನಿತ್ಯ ವಾಸ ಮಾಡ್‍ವಕ್ಕುಳ್ಳ ಜಾಗತ್‍ಲ್ ಸ್ವೀಕಾರ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:21

ಅದ್ಂಗ್ ಅಂವೊ: ನಾನ್ ಚೆರಿಯ ವಯಸ್ಸಿಂಜಲೆ ಇದ್‍ನೆಲ್ಲ ಮಾಡಿಯಂಡ್ ಬಂದಿಯೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:23

ಯೇಸು ಎಣ್ಣ್‌ನದ್‍ನ ಕ್‍ೕಟಿತ್ ಅಂವೊಂಗ್ ದುಂಬ ಬೇಜಾರ್ ಆಚಿ, ಎನ್ನಂಗೆಣ್ಣ್‌ಚೇಂಗಿ ಅಂವೊ ಬಲ್ಯ ಐಶ್ವರ್ಯ ಉಳ್ಳಂವೊನಾಯಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:23

ದಾರೇಂಗಿ ನಾಡ ಶಿಷ್ಯನಾಯಿತ್ ಇಪ್ಪಕ್ ಕುಶಿ ಇಂಜತೇಂಗಿ, ಅಂವೊ ಅಂವೊಂಡ ಆಸೆನೆಲ್ಲಾ ಬುಟ್ಟಿತ್, ದಿನಾಲು ತಾಂಡ ಶಿಲುಬೇನ ನೇತಿಯಂಡ್ ನಾಡ ಬೆಂಬರತ್ ಬರಡ್.

ಫಿಲಿಪ್ಪಿ 3:13

ನಾಡ ಅಣ್ಣತಮ್ಮಣಂಗಳೇ, ನಾನ್ ಅದ್‍ನ ಪುಡ್‌ಚಂಡಿಯೇಂದ್ ಎಣ್ಣುಲೆ; ಆಚೇಂಗಿ ನಾಕ್ ಆನದ್‌ನೆಲ್ಲಾ ಗೇನ ಮಾಡತೆ, ನಾನ್ ಎಲ್ಲಾನ ಮರ್ಂದಿತ್, ನಾಡ ಮಿಂಞ ಇಪ್ಪದ್‍ನ ಮಾತ್ರ ನೋಟಿಯಂಡುಳ್ಳ.

2 ಪೇತ್ರ 3:8

ಆಚೇಂಗಿ ನಾಡ ಪ್ರೀತಿರ ಜನಳೇ, ಒಡೆಯಂಗ್ ಒರ್ ದಿವಸ ಆಯಿರ ಕಾಲತ್‍ರನೆಕೆಯು, ಆಯಿರ ಕಾಲ ಒರ್ ದಿವಸತ್‍ರನೆಕೆಯು ಉಂಡ್‍ೕಂದ್ ಉಳ್ಳ ವಿಷಯತ್‍ನ ನಿಂಗ ಮರ್ಂದ್ ಪೋಪಕ್ಕಾಗ.