ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:19 - ಕೊಡವ ಬೈಬಲ್

¹⁹ ಅದ್ಂಗ್ ಯೇಸು: ನೀ ನನ್ನ ನಲ್ಲಂವೋಂದ್ ಎನ್ನಂಗ್ ಕಾಕ್‌ವಿಯ? ದೇವನ ಬುಟ್ಟಿತ್ ಬೋರೆ ದಾರೂ ನಲ್ಲಂವೊ ಇಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:19 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:35

ಅದ್ಂಗ್ ದೇವದೂತ: ಪವಿತ್ರಾತ್ಮ ನೀಡ ಮೇಲೆ ಬಪ್ಪ, ದೇವಾದಿ ದೇವಡ ಶಕ್ತಿ ನೀಡ ಮೇಲೆ ನೆಳಳಿಡ್‌ವ; ಈ ಕಾರಣಕಾಯಿತ್ ಆ ಪವಿತ್ರ ಕುಂಞಿನ ದೇವಡ ಮೋಂವೋಂದ್ ಕಾಕುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:13

ಕಪಟಿಯಾನ ನಿಂಗ, ನಿಂಗಡ ಮಕ್ಕಕ್ ನಲ್ಲ ಇನಾಮ್‍ನ ಕೊಡ್‍ಪಕ್ ಗೊತ್ತಿಪ್ಪಕ, ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪ, ಅಂವೊಂಡ ಪಕ್ಕ ಬೋಡ್‌ವಯಿಂಗಕ್ ಪವಿತ್ರಾತ್ಮತ್‍ನ ತಪ್ಪದ್ ಎಚ್ಚಕ್ ನೇರ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:18

ಒರ್ ಯೆಹೂದ್ಯ ಮುಕ್ಯಸ್ತ ಯೇಸುರ ಪಕ್ಕ: ನಲ್ಲ ಉಪಾದ್ಯನೇ, ನಿತ್ಯ ಜೀವ ಕ್‍ಟ್ಟ್‌ವಕ್ ನಾನ್ ಎಂತ ಮಾಡಂಡೂಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:20

ವ್ಯಬಿಚಾರ ಮಾಡ್‌ವಕ್ಕಾಗ, ಕೊಲೆ ಮಾಡ್‌ವಕ್ಕಾಗ, ಕಪ್ಪಕ್ಕಾಗ, ದಾರ್‌ನು ಮುಂಡತೆ ನಿಂದನೆ ಮಾಡ್‌ವಕ್ಕಾಗ, ಅಪ್ಪವ್ವಂಗಕ್ ಮರ್ಯಾದೆ ಕೊಡ್‍ಕಂಡೂಂದ್ ಉಳ್ಳ ನ್ಯಾಯಪ್ರಮಾಣ ನೀಕ್ ಗೊತ್ತುಂಡಲ್ಲಾಂದ್ ಎಣ್ಣ್‌ಚಿ.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

ಇಬ್ರಿಯ 7:26

ಇನ್ನನೆ ಉಳ್ಳ ಮಹಾ ಯಾಜಕನೇ ನಂಗಕ್ ಬೋಂಡಿಯತ್. ಇಂವೊ, ಪವಿತ್ರವಾನಂವೊನು, ಕುತ್ತ ಇಲ್ಲತಂವೊನು, ಒರ್ ತಪ್ಪ್ ಇಲ್ಲತಂವೊನಾಯಿತು ಉಂಡ್. ಅಂವೊ ಪಾಪಿಯಂಗಡ ಕೂಡೆ ಕೂಡತೆ, ಪರಲೋಕತ್‍ಲ್ ಎಲ್ಲಾಕಿಂಜ ಬಲ್ಯ ಸ್ತಾನತ್‍ನ ಪಡ್ಂದಂವೊನಾಯಿತುಂಡ್.

ಯಾಕೋಬ 1:17

ಎಲ್ಲಾ ನಲ್ಲದು ಪಿಂಞ ಪೂರ್ತಿಯಾಯಿತುಳ್ಳ ಏದ್ ಇನಾಮು ಬಾನತ್‌ರ ಬೊಳಿನ ಸೃಷ್ಟಿ ಮಾಡ್‌ನ, ಪರಲೋಕತ್‌ಲ್‌ ಉಳ್ಳ ಅಪ್ಪನಾನ ದೇವಡಯಿಂಜ ಇಳಿಂಜಿ ಬಂದಂಡುಂಡ್. ನಳ ಅಪ್ಪರ ಇಪ್ಪರ ಪೋಪನೆಕೆ ಅಂವೊ ಬದ್‍ಲಾಪುಲೆ.