ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:12 - ಕೊಡವ ಬೈಬಲ್

¹² ವಾರಕ್ ದಂಡ್ ದಿನ ಪಟ್ಟಣಿ ನಿಪ್ಪಿ. ನಾಡ ಸಂಪಾದನೆರ ಪತ್ತ್ ಪಾಲ್‍ನ ದೇವಕ್ ಕೊಡ್‍ತಂಡುಂಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:12 ပူးပေါင်းရင်းမြစ်များ

ಮಲಾಕಿ 3:8

ಮನುಷ್ಯ ಒಡಯನಾನ ಯೆಹೋವ ದೇವನ ಕಪ್ಪಕಯ್ಯುವ? ಆಚೇಂಗಿ ನಿಂಗ ನನ್ನ ಕದ್ದಿತುಳ್ಳಿರ. ಏದ್‌ ವಿಷಯತ್‌ಲ್‌ ನಂಗ ಕದ್ದಿಯೇಂದ್‌ ಕ್‍ೕಪಿರ? ಪತ್ತ್‌ಲ್‌ ಒರ್‌ ಬಾಗತ್‌ನ ದೇವಕ್‌ ಕೊಡ್‌ಪದ್‌ಲ್‌ ಪಿಂಞ ಕಾಣಿಕೆಲೇ ನಿಂಗ ಕದ್ದಂಡುಳ್ಳಿರ.

ಮತ್ತಾಯ 5:20

ನಾನ್ ನಿಂಗಕ್ ಎಣ್ಣ್‌ವಿ: ನಿಂಗಡ ನೀತಿ ಫರಿಸಾಯಂಗಡ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡ ನೀತಿಗಿಂಜ ಬಲ್ಯದಾಯಿತ್ ಇಲ್ಲತೆಪೋಚೇಂಗಿ ನೇರಾಯಿತು ನಿಂಗ ಪರಲೋಕ ರಾಜ್ಯತ್‍ಲ್ ಪ್ರವೇಶ ಮಾಡುಲೆ.

ಮತ್ತಾಯ 6:1

ನಿಂಗ ಮಾಡ್‌ವ ದರ್ಮ ಕಾರ್ಯತ್‍ನ ಎಲ್ಲಾರು ಕಂಡಿತ್ ಮೆಚ್ಚ್‌ವನೆಕೆ ಮಾಡ್‌ವಕ್ಕಾಗ. ಅನ್ನನೆ ಮಾಡ್‍ಚೇಂಗಿ ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪಯಿಂಜ ಕ್‍ಟ್ಟ್‌ವಕುಳ್ಳ ಫಲತ್‍ನ ನಿಂಗ ಕಳೆಂದ್‍ರ್‍ವಿರ.

ಮತ್ತಾಯ 6:16

ನಿಂಗ ಪಟ್ಟಣಿ ನಿಂದಕ, ಕಪಟಿಯರನೆಕೆ ಮೂಡ್‍ನ ಬಾಡ್‌ಚಿಡತಿ. ಅಯಿಂಗ ಪಟ್ಟಣಿ ನಿಪ್ಪದ್‌ನ ಜನ ಕಾಂಗಂಡೂಂದ್ ತಂಗಡ ಮೂಡ್‍ನ ಚಪ್ಪೆಯಾಯಿತ್ ಬೆಚ್ಚವ. ಅಯಿಂಗಕ್ ತಂಗಡ ಫಲ ಪೂರ್ತಿಯಾಯಿತ್ ಕ್‍ಟ್ಟ್‌ಚೀಂದ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮತ್ತಾಯ 6:5

ನಿಂಗ ಪ್ರಾರ್ಥನೆ ಮಾಡ್‌ವಕಾಪಕ ಕಪಟಿಯರನೆಕೆ ಮಾಡಂಡ. ಎಲ್ಲಾರು ಕಾಂಗಂಡೂಂದ್ ಎದ್ದ್ ನಿಂದಿತ್ ಸಬಾಮಂದಿರತ್‍ಲ್, ಬೀದಿ ಮೂಲೆಲ್ ಪ್ರಾರ್ಥನೆ ಮಾಡ್‌ವಕ್ ಅಯಿಂಗ ಕುಶಿ ಪಡ್‍ವ. ಪೂರ್ತಿಯಾಯಿತ್ ಅಯಿಂಗಕ್ ಫಲ ಕ್‍ಟ್ಟ್‌ಚೀಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ

ಮತ್ತಾಯ 9:14

ಒರ್ ದಿನ ಯೋಹಾನಂಡ ಶಿಷ್ಯಂಗ ಯೇಸುರ ಪಕ್ಕ ಬಪ್ಪಂಜಿ, ನಂಗಳು, ಫರಿಸಾಯಂಗಳು ಅಕ್ಕಕ್ಕ ಪಟ್ಟಣಿ ನಿಂದಂಡಿಪ್ಪಕ, ನೀಡ ಶಿಷ್ಯಂಗ ಎನ್ನಂಗ್ ಪಟ್ಟಣಿ ನಿಂದಂಡಿಲ್ಲೇಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:42

ಫರಿಸಾಯಂಗಳೇ, ನಿಂಗಕ್ ಅಯ್ಯೋ! ನಿಂಗ ಪುದಿನ ತೊಪ್ಪು, ಮರುಗ ಪಿಂಞ ಎಲ್ಲಾ ತರತ್‍ರ ಗಿಡ ಮೂಲಿಕೆಲ್‌ ಪತ್ತ್‌ಲ್ ಒರ್ ಪಾಲ್‍ನ ದೇವಕ್ ಕೊಡ್‍ಪಿರ, ಆಚೇಂಗಿ ದೇವಡ ಪ್ರೀತಿ ಪಿಂಞ ನ್ಯಾಯತ್‍ನ ಬುಡ್‍ವಿರ, ಇದ್‍ನ ಸಹ ನಿಂಗ ಮಾಡಂಡು ಅದ್‍ನ ಸಹ ನಿಂಗ ಬುಡ್‌ವಕ್ಕಾಗ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:10

ಅನ್ನನೆ, ನಿಂಗಳು ನಿಂಗಕ್ ಆಜ್ಞೆ ಮಾಡ್‍ನದ್‍ನೆಲ್ಲ ಬಗ್ಗ್‌ಚಿಟ್ಟ್ ಮಾಡ್‍ಚೇಂಗಿ: ನಂಗ ಒರ್ ಯೋಗ್ಯತೆ ಇಲ್ಲತ ಆಳುವ ಮಾತ್ರ, ಮಾಡ್‍ವಕ್ಕುಳ್ಳ ಕೆಲಸತ್‍ನ ಮಾತ್ರ ಮಾಡಿತುಂಡ್‍ೕಂದ್ ನಂಗ ಎಣ್ಣಂಡು.

ರೋಮ್ 3:27

ಅಕ್ಕ, ಎನ್ನಂಗ್ ಹೊಗಳಿಚಿಡಂಡು? ಅನ್ನನೆ ಮಾಡ್‌ವಕ್ ಜಾಗ ಇಲ್ಲತೆ ಪೋಚಿ. ನಂಗಕ್ ಪಾಪತ್‍ರ ಶಿಕ್ಷೆ ಕ್‍ಟ್ಟತನೆಕೆ ಮಾಡ್‍ನದ್ ಏದ್ ಪ್ರಮಾಣತ್‍ರಗುಂಡ್? ಕ್ರಿಯೆರ ಪ್ರಮಾಣತ್‍ರಗುಂಡಾ? ಅಲ್ಲ, ನಂಬಿಕೇರ ಪ್ರಮಾಣತ್‍ರ ಮೂಲಕವೇ.

1 ಕೊರಿಂಥ 1:29

ಅನ್ನನೆ ಮಾಡ್‍ನಗುಂಡ್, ದಾರೂ ದೇವಡ ಮಿಂಞತ್‍ಲ್ ಹೊಗಳುವಕ್ ಕಯ್ಯುಲೆ.

ಗಲಾತ್ಯ 1:14

ಯೆಹೂದ್ಯ ಜನತ್‍ರ ಮದ್ಯತ್‍ಲ್ ನಾಡ ವಯಸ್‍ಕಾರಂಗಕಿಂಜಲು ದುಂಬ ಗೊತ್ತುಳ್ಳಂವೊನಾಯಿತ್, ನಾಡ ಅಜ್ಜಂಗಡ ಪದ್ದತಿರ ಮೇಲೆ ದುಂಬ ವೈರಾಗ್ಯತ್‍ಲ್ ನಡ್ಂದಂಡಿಂಜ.

ಎಫೆಸ 2:9

ದಾರೂ ಹೊಗಳ್‌ಚಿಡತನೆಕೆ, ಕ್ರಿಯೇನಗುಂಡ್ ಕ್‍ಟ್ಟ್‌ನದ್ ಅಲ್ಲ.

1 ತಿಮೊಥೆಯ 4:8

ತಡೀರ ವ್ಯಯಾಮ ಮಾಡ್‍ವದ್ ನಲ್ಲದ್, ಆಚೇಂಗಿ ಆತ್ಮೀಯ ವ್ಯಯಾಮ ಎಲ್ಲಾಕಿಂಜ ಮೇಲಾನದ್, ಇಕ್ಕತ್‍ರ ಬದ್‍ಕ್‍ಕ್ ಪಿಂಞ ಬಪ್ಪಕುಳ್ಳ ಬದ್‍ಕ್‍ಕ್ ಅದ್ ಪ್ರಯೋಜನ ಆಪ.