ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:31 - ಕೊಡವ ಬೈಬಲ್

³¹ ಮನುಷ್ಯಕುಮಾರ ಬಪ್ಪ ಆ ದಿವಸತ್‍ಲ್ ಮನೆರ ಕೊಡಿಲ್ ಇಪ್ಪ ಒಬ್ಬ ಮನೆರ ಅಡಿಕ್ ಪೋಯಿತ್ ಅಂವೊಂಡ ಸಾಮಾನ್‌ನ ಎಡ್‍ಪಕ್ ಪೋಪಕ್ಕಾಗ. ಅನ್ನನೆ ಬೇಲ್‌ಲ್ ಉಳ್ಳಂವೊ ಬಯ್ಯಕ್ ಬಪ್ಪಕ್ಕಾಗ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:31 ပူးပေါင်းရင်းမြစ်များ

ಮತ್ತಾಯ 16:26

ಒರ್ ಮನುಷ್ಯ ಈ ಲೋಕತ್‍ಲ್ ಉಳ್ಳಾನೆಲ್ಲಾ ತಾಂಗ್ ಸ್ವಂತವಾಯಿತ್ ಮಾಡ್‍ಚೇಂಗಿಯು, ಅಂವೊ ನಾಡ ಶಿಷ್ಯನಾಯಿತ್ ನಾಡ ಬಯ್ಯತ್ ಬರತೆ ಪೋಚೇಂಗಿ, ಅಂವೊಂಗ್ ಎಂತ ಲಾಬ? ಅಂವೊ ನಿತ್ಯ ಜೀವ ಇಲ್ಲತೆ ಚತ್ತ್ ಪೋಪ. ಅನ್ನನೆ ಆಚೇಂಗಿ ಅಂವೊಂಗ್ ನಿತ್ಯ ಜೀವ ಕ್‍ಟ್ಟ್‌ವಕ್ ಒಂದು ಮಾಡ್‌ವಕ್ ಕಯ್ಯುಲೆ.

ಮತ್ತಾಯ 6:25

ಆನಗುಂಡ್ ನಿಂಗ ಬದ್‍ಕ್‍ವಕಾಯಿತ್ ಎಂತ ಉಂಬಿರ, ಎಂತ ಕುಡಿಪಿರ, ಇಲ್ಲತೆಪೋಚೇಂಗಿ ನಿಂಗಡ ಶರೀರಕಾಯಿತ್ ಎಂತ ಇಡ್‌ವಿರಾಂದ್ ವ್ಯಸನ ಪಡತೀಂದ್ ನಾನ್ ನಿಂಗಕ್ ಎಣ್ಣ್‌ವಿ. ಆಹಾರಕಿಂಜ ಜೀವವು, ಬಟ್ಟೇಕಿಂಜ ತಡಿಯು ಮುಕ್ಯವಾಯಿತುಂಡಲ್ಲ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:21

ಅಕ್ಕ ಯೂದಾಯ ದೇಶತ್‍ಲ್ ಉಳ್ಳಯಿಂಗ ಕುಂದ್‌ರ ಕೊಡಿಕ್ ಓಡಡ್, ಯೆರೂಸಲೇಮ್ ಪಟ್ಟಣತ್‍ಲ್ ಇಪ್ಪಯಿಂಗ ಅಲ್ಲಿಂಜ ಪೊರಮೆ ಪೋಡ್, ಊರ್‌ಲ್ ಉಳ್ಳಯಿಂಗ ಪಟ್ಟಣಕ್ ಪ್ರವೇಶ ಮಾಡತೆ ಇರಡ್.