ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:26 - ಕೊಡವ ಬೈಬಲ್

²⁶ ನೋಹಂಡ ದಿವಸತ್‍ಲ್ ಎನ್ನನೆ ಇಂಜತೋ ಅನ್ನನೆ ಮನುಷ್ಯಕುಮಾರ ಬಪ್ಪ ಸಮಯತ್‍ಲು ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:26 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 6:5

ಮನುಷ್ಯಂಗಡ ದುಷ್ಟತನ ಬೂಮಿರ ಮೇಲೆ ದುಂಬಿತ್‌ ಅಯಿಂಗ ಗೇನಮಾಡ್‌ವದೆಲ್ಲಾ ಎಕ್ಕಾಲು ಕೆಟ್ಟದಾಯಿತ್‌ ಉಂಡ್‍ೕಂದ್‌ ಯೆಹೋವ ನೋಟ್‌ಚಿ.

ಆದ್ಯತ್‌ರ ಪುಸ್ತಕ 6:7

ಪಿಂಞ ಯೆಹೋವ: ನಾನ್‌ ಸೃಷ್ಟಿ ಮಾಡ್‌ನ ಮನುಷ್ಯ ಜಾತಿನ ಬೂಮಿಯಿಂಜ ನಾಶಮಾಡುವಿ. ಮನುಷ್ಯನ, ಪ್ರಾಣಿಯಳ, ಪಕ್ಷಿಯಳ ಬೂಮಿರ ಮೇಲೆ ಉಳ್ಳ ಎಲ್ಲಾ ಜೀವಜಂತುವಳ ನಾಶಮಾಡುವಿ. ಎನ್ನಂಗೆಣ್ಣ್‌ಚೇಂಗಿ ಅಯಿಂಗಳ ಸೃಷ್ಟಿ ಮಾಡ್‌ನಂಗಾಯಿತ್‌ ನಾಡ ಮನಸ್ಸ್‌ಕ್ ನೊಂಬಲ ಆಯಂಡುಂಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 6:8

ಆಚೇಂಗಿ ನೋಹಂಗ್‌ ಯೆಹೋವಂಡ ದಯೆ ಕ್‌ಟ್ಟ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:22

ಯೇಸು ಅಂವೊಂಡ ಶಿಷ್ಯಂಗಕ್: ಮನುಷ್ಯಕುಮಾರಂಡ ದಿನತ್‍ನ ನೋಟ್‍ವಕ್ ನಿಂಗ ದುಂಬ ಪಾರಕಾತಂಡಿಪ್ಪ ಸಮಯ ಬಪ್ಪ, ಆಚೇಂಗಿ ನಿಂಗಕ್ ನೋಟ್‍ವಕ್ ಕಯ್ಯುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:24

ಮನುಷ್ಯಕುಮಾರ ಬಪ್ಪಕ ಬಾನತ್‍ಲ್, ಒರ್ ಬರೀಂಜ ಇಂಞೊರ್ ಬರಿಕ್ ಮಿನ್ನುವನೆಕೆ ಪ್ರಕಾಶ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:27

ನೋಹಂಡ ಕುಟುಂಬಕಾರ ನೋಹಂಡ ಬಲ್ಯ ಕಪ್ಪಲ್‍ರ ಒಳ್‍ಕ್ ಪೋನ ದಿವಸಕತ್ತನೆ, ಜನ ಉಂಡಂಡ್ ಕುಡಿಚಂಡ್, ಮಂಗಲ ಕಯಿಚಂಡ್, ಮಂಗಲ ಮಾಡಿಕೊಡ್‌ತಂಡ್ ಇಂಜತ್. ಅಕ್ಕ ಜಲಪ್ರಳಯ ಬಂದಿತ್ ಎಲ್ಲಾ ಜನಳ ನಾಶ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:7

ನಿಂಗಡ ಒರ್ ಆಳ್ ಬೇಲ್‌ಲ್ ಉತ್ತಿತ್, ಅಲ್ಲೇಂಗಿ ಕುರಿನ ಮೇಚಿತ್ ಮನೆಕ್ ಬಂದಕ: ಬಾ, ಬೆರಿಯ ಪೋಯಿತ್ ಉಂಡಿತ್ ಬಾಂದ್ ನಿಂಗ ಎಣ್ಣುವಿರ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:8

ಅಯಿಂಗಕ್, ಅಯಿಂಗ ಕ್‍ೕಟ ನ್ಯಾಯತ್‍ನ ಬೆರಿಯ ಕೊಡ್‍ಪಾಂದ್ ನಿಂಗಕ್ ಎಣ್ಣ್‌ವಿ. ಇನ್ನನಾಚೇಂಗಿಯು ಮನುಷ್ಯಕುಮಾರ ಬೂಮಿಕ್ ಬಪ್ಪಕ, ನಂಬಿಕೇನ ಕಾಂಬಕ್ ಕಯ್ಯುವಾಂದ್ ಎಣ್ಣ್‌ಚಿ.

ಇಬ್ರಿಯ 11:7

ನಂಬಿಕೇರ ಮೂಲಕ ನೋಹ, ಅಂವೊ ಬದ್‍ಕಿಯಂಡ್ ಇಂಜ ಕಾಲತ್‍ಲ್, ಮಿಂಞಕ್ ಬಪ್ಪಕುಳ್ಳ ವಿಷಯತ್‍ಲ್ ದೇವಡಿಂಜ ಎಚ್ಚರ ಕ್‍ಟ್ಟಿತ್, ದೇವಡ ಬಕ್ತಿ ಉಳ್ಳಂವೊನಾಯಿತ್, ತಾಂಡ ಮನೆಲ್ ಉಳ್ಳಯಿಂಗಳ ಕಾಪಾಡ್‌ವಕ್ ಒರ್ ಕಪ್ಪಲ್‌ನ ಮಾಡ್‍ಚಿ; ಅದ್‍ನಗುಂಡ್, ಈ ಲೋಕಕ್ ದಂಡೆನೇರ ತೀರ್ಪ್ ಕ್‍ಟ್ಟ್‌ಚೀಂದ್ ತೀರ್ಪ್ ಮಾಡಿತ್, ನಂಬಿಕೇರ ಮೂಲಕ ಕ್‍ಟ್ಟುವ ನೀತಿಕ್ ಬಾದ್ಯತೆ ಕ್‌ಟ್ಟ್‌ನಂವೊನಾಚಿ.

2 ಪೇತ್ರ 2:5

ಪಂಡ್ ಕಾಲತ್‍ಲ್, ದೇವಡ ನೀತಿನ ಬೋದನೆ ಮಾಡ್‍ನ ನೋಹ ಎಣ್ಣ್‌ವಂವೊ ಪಿಂಞ ಅಂವೊಂಡ ಕೂಡೆ ಇಂಜ ಏಳ್ ಜನಳ ಮಾತ್ರ ಕಾಪಾಡಿತ್, ದೇವ ಬಕ್ತಿ ಇಲ್ಲತಯಿಂಗಡ ಮೇಲೆ ಜಲಪ್ರಳಯ ಬಪ್ಪಕ್ ಮಾಡಿತ್, ಈ ಲೋಕತ್‍ನ ಸಹ ಶಿಕ್ಷೆಯಿಂಜ ದೇವ ಕಾಪಾ‍ಡಿತ್‌ಲ್ಲೆ.

2 ಪೇತ್ರ 3:6

ಪಿಂಞ ಜಲಪ್ರಳಯ ಬಂದಿತ್ ಅಕ್ಕತ್‍ರ ಲೋಕತ್‍ನ ಪಾಳ್ ಮಾಡ್‍ಚೀಂದ್ ಅಯಿಂಗಕ್ ಗೊತ್ತ್ಂಜತೇಂಗಿಯು ಬೋಂಡೂಂದೇ ಮರ್ಂದ್ ಪೋಯಿರ್‌ತ್.